Jon Iñarritu EH Bilduko diputatuak iragarri du aste honetan Segurtasun eta Inteligentzia zerbitzuen arduradunen eta Pedro Sanchez Espainiako presidentearen agerraldiak eskatuko dituztela, Pegasus programaren bidez egin den espioitza politikoan gobernuak izan duen "papera lehenbailehen argitzeko". Arnaldo Otegiren eta Jon Iñarrituren mugikorren deiak kontrolatu dituzte programa horren bidez, baita Kataluniako 65 politikari eta aktibista independentistenak ere.
Apirilaren 18an eman du The Citizen Lab Torontoko (Kanada) Unibertsitateko institutuaren ikerketaren berri The New Yorker aldizkariak.
Pegasus Israelgo NSO Group enpresaren softwarea da eta estatuek delitu larriak ikertzeko erabili ohi dute, eta epaile baten baimenarekin egin behar da. "Jakin badakigu berme demokratiko handiak ez dituzten estatu batzuek informazio politikoa biltzeko erabiltzen dutela (...) Hungariako eta Poloniako kasuak ezagutzen genituen, eta orain Espainia batu zaie", adierazi du Jon Iñarritu EH Bilduko diputatuak Radio Euskadiko Boulevsard saioan. Azaldu du, duela urtebete jakin zuela bere sakelakoa kontrolatzen ari zirela, hala jakinarazi baitzion Torontoko Unibertsitateko institutuak. Ikerlariek egiaztatu zutenez, diputatuaren telefonoan software horrekin egindako azken sarrera 2020ko abenduan izan zen, PSOEren eta Unidas Podemosen koalizio gobernua jardunean zela.
Iñarrituk adierazi du espioitza kasu honen atzean Espainiako Estatua dagoela pentsatzeko hiru motibo dituela: "Lehendabizikoa, estatuei bakarrik saltzen zaie software hau. Bigarrena, zelatatutako guztiak Kataluniako eta Euskal Herriko ordezkari politikoak gara, zein beste estatuk izango luke gu zelatatzeko interesik? Azkenik, Espainia izan ez balitz arin batean aterako lirateke esaten ikerketa abiatuko zutela".
Telefono deiak kontrolatzeko ahalmen handia duen programa da Pegasus. Euskal Herriko politikarien arten, Arnaldo Otegi eta Jon Iñarritu espiatu dituzte eta Kataluniako 65 eragile independentista, politikari izan zein ez:
Alba Bosch, aktibista
Albano-Dante Fachín, aktibista eta Catalunya Sí Que Es Pot-eko diputatu ohia
Albert Batet, Junts per Catalunya-tik Parlamenteko diputatua
Albert Botran, CUP-etik Espainiako Kongresuko diputatua
Andreu Van den Eynde, Oriol Junqueras, Raül Romeva eta Esquerra Republicana-ko beste hainbaten abokatua
Anna Gabriel, CUP-eko diputatu ohia eta errefuxiatua
Antoni Comín, Junts per Catalunya-ko Eurodiputatua eta errefuxiatua
Arià Bayé, ANC-ko kidea
Artur Mas, Generalitat-eko presidentea
Carles Riera, CUP-etik Parlamenteko diputatua
David Bonvehí, PDECat-eko lehendakaria
David Fernández, aktibista eta CUP-eko diputatu ohia
David Madí, Convergència-ko zuzendari ohia
Diana Riba, ERC-ko eurodiputatua
Dolors Mas, enpresaria
Elias Campo, doktorea
Elena Jimenez, Òmnium-eko kidea
Elies Campo, Telegram-eko zuzendari ohia
Elisenda Paluzie, ANC-ko presidentea
Elsa Artadi, Junts per Catalunya-ko erregidorea Bartzelonako Udaletxean
Ernest Maragall, ERC-ko erregidorea Bartzelonako Udaletxean
Ferran Bel, PDECat-etik Espainiako Kongresuko diputatua
Gonzalo Boye, Carles Puigdemont-en eta errepresaliatu gehiagoren abokatua
Jaume Alonso Cuevillas, Catalunya per Junts per Catalunya-tik Parlamenteko diputatua eta abokatua
Joan Matamala, enpresaria
Joan Ramon Casals, Junts pel Sí-tik diputatu ohia eta Quim Torraren bulegoko burua
Joaquim Jubert, Junts per Catalunya-tik Parlamenteko diputatua
Quin Torra, Generalitateko presidentea
Jordi Baylina, informatikaria
Jordi Bosch, Òmnium-eko kidea
Jordi Domingo, ANC-ko kidea
Jordi Sànchez, ANC-ko presidentea
Jordi Solé, ERC-tik eurodiputatua
Josep Costa, Parlament-eko presidenteorde ohia
Josep Lluís Alay, Carles Puigdemont-ek bulegoko zuzendaria
Josep M. Ganyet, enpresaria
Josep Maria Jové, ERC-tik Parlamenteko diputatua
Josep Rius, Junts per Catalunya-tik Parlamenteko diputatua
Laura Borràs, Parlamenteko presidenta
Marc Solsona, PDECat-en diputatu ohia
Marcel Mauri, Òmnium-en lehendakariorde ohia
Marcela Topor, kazetaria eta Carles Puigdemonten emaztea
Maria Cinta Cid, irakaslea
Marta Pascal, PNC-ko idazkari orokorra
Marta Rovira, ERC-ko idazkari orokorra
Meritxell Bonet, kazetaria eta Jordi Cuixarten emaztea
Meritxell Budó, Generalitateko bozeramaile ohia
Meritxell Serret, ERC-tik Parlamenten diputatua eta errefuxiatua
Miriam Nogueras, Junts per Catalunya-tik Espainiako Kongresuko diputatua
Oriol Sagrera, abokatua
Pau Escrich, informatikaria
Pere Aragonès, Generalitateko presidentea
Pol Cruz, Europako Parlamentuko aholkularia
Roger Torrent, Parlamenteko lehendakari ohia eta kontseilaria
Sergi Miquel, Consell per la República-ko zuzendari teknikoa
Sergi Sabrià, ERC-ko diputatu ohia
Sònia Urpí, ANC-ko kidea
Xavier Vendrell, ERC-ko kontseilari ohia
Xavier Vives, informatikaria