Pedro Castillok botoen %50,12 eskuratu zituen ekainaren 6ko hauteskundeetan eta Keiko Fujimori eskuindarrak %49,87. Oposizio buruaren alderdiak ehunka errekurtso aurkeztu ditu Castilloren emaitzak zalantzan jartzeko baina Hauteskunde Batzordeak ez ditu onartu eta uztailaren 19 gauean berretsi du garaipena.
Pedro Castillo irakaslea, nekazaria eta sindikalista da eta Peru Libre alderdiko burua. Uztailaren 28an hartuko du kargua 2026ra arte.
Lehendakari gisa bere burua berretsita ikusi duenean, Castillok mezu hauek helarazi ditu sare sozialen bidez: "jatorrizko herriak, langile klasea eta bere gremioak, nekazariak eta gizarte osoa deitzen ditugu herri eder hau egitera. Gaur, anai-arrebok, gure historiako aro berri bat hasten da". Peru "justu, inklusibo eta libre" baten aldeko aldarria egin du, "inoren aurkako diskriminaziorik gabekoa eta guztien eskubideen aldekoa".
Convocamos a los pueblos afro, costeños, andinos y amazónicos, a la clase trabajadora y sus gremios, a las comunidades nativas, campesinas y a toda la sociedad para hacer de esta patria hermosa. Hoy, hermanas y hermanos, inicia una nueva etapa en nuestra historia. (2/2)
— Pedro Castillo Terrones (@PedroCastilloTe) July 20, 2021