Patxi Lopez PSOEko primarioetarako lehen hautagaia
Patxi Lopez lehendakari ohia PSOEko primarioetara aurkeztuko da. Bere izena eman duen lehen hautagaia da eta Pedro Sanchez idazkari nagusi ohiak duen babesa bereganatu nahi du. Lopezek azaldu du ez duela beste hautagaitzarik oztopatzeko asmorik, “militantziak erabakitzea baizik”.
Alderdi sozialistak maiatzean egingo ditu primarioak eta Lopez da oraingoz aurkeztu den bakarra, Pedro Sanchez eta Susana Díazek egingo dutenaren zain. “PSOE berriz eratzeko indarrekin” sentitzen dela adierazi du Lopezek hautagaitzaren xehetasunak eman dituen prentsaurrekoan. Bere proiektua amaierara arte eramango duela gaineratu du, inorekin akordiorik egin gabe.
Sanchezek hautagaitzarako berarekin kontatu ez duen Lopezen alde egin, bera aurkeztu edo “ez ez da” mugimendutik ateratako hautagaitza baten aldeko apustua egin beharko du. Azken bi aukerek gestora eta Díazekiko kritiko direnen botoak zatituko lituzkete.
Sanchez alderdiko idazkari nagusi izandako garaian berarekin egondako kide ugarik egin dute Lopezen alde, besteak beste Sanchezen bigarren izandako Cesar Luena edo Lopezen kabinete buru izango den Oscar Lopez. Ezetzaren alde zeuden autonomia erkidegoetako idazkari nagusi gehienak ere kongresuko lehendakari ohiaren alde kokatu dira. PSEko Idoia Mendiak hautagaitza “albiste bikaina” dela azpimarratu du.
Sanchezen aldekoen ustez, ordea, buruzagien babesa lortzea jada ez da “giltzarria”. Idazkari ohiaren jarraitzaile den Odon Elorza Donostiako alkate ohiaren iritziz, Lopezek ezingo ditu “ez ez da” mugimenduaren aldeko militanteak bereganatu, “abstentzioaren alde egin baitzuen”.
Espainiako Kongresuan egiten ari diren eztabaidan oihartzuna izan du Iruñeko alkatetza aldatzeko PSNren eta EH Bilduren arteko akordioak. Alberto Nuñez Feijóok esan du "akordio enkaputxatu" bat dela. Patxi Lópezek, berriz, ukatu egin du... [+]
Patxi Lopez Espainiako Kongresuko Berreraikuntza Sozial eta Ekonomikorako Batzordeko presidenteak erabaki du ERCko Marta Rosique diputatuak arrazakeria polizialaren inguruan egindako adierazpenak saioen egunkaritik kentzea. Lopezen aburuz, "ez da egia eta iraingarria... [+]
Ostegunean bozkatuko dute koronabirusak sortutako kalte ekonomiko eta sozialei aurre egiteko Espainiako berreraikitze batzordeko presidentea. Bi hilabeterako proposatutako kargua da, baina luzatzea aurreikusten dute.
Patxi Lopez PSE-EEko idazkari nagusi ohiak esan du "hitz egin daitekeela" EAJk “Euskadiren nazio izaera” aitortzeko egindako planteamenduari buruz.
PSOEko idazkari nagusi berriak alderdiaren ezohiko kongresuan adierazpen polemikoak egin ditu independentismoa eta indarkeria matxista maila berean jarriz.
Hurrengo egunetan osatuko du PSOEk buruzagitza berria. El Mundok argitaratu duenez Pedro Sanchez idazkari nagusiak Espainiako sozialisten artean erreferente diren pertsonak kokatu nahi ditu postu garrantzitsuenetan, eta Patxi Lopez EAEko lehendakari ohia izan daiteke horietako... [+]
PSEko kideek hauteskundeetan izandako emaitzak aztertuko dituzte, irailerako ezohiko kongresura deitu eta zuzendaritza berritu asmoz. Bilboko Euskalduna Jauregian bilduko dira astearte arratsaldean.
Eduardo Madina PSOEko diputatu bilbotarrak alderdiaren kongresuan militante guztiek bozkatzea nahi du. Adierazi du kasu horretan baino ez lukeela aurkeztuko bere burua idazkari nagusi izateko. Militanteen parte hartzean oinarritutako prozesu baten aldeko aldarriak gero eta... [+]
Iberiar Penintsula alderik alde zeharkatzen ari da Patxi López azken hilabeteetan. Bertsio ofizialak dioenez, ez du Espainiako PSOEko buru izateko asmorik, baina oporren aurreko hiru hilabeteetan ugaritu egin dira Estatuko alderdiaren ordezkaritzetara egin dituen... [+]
Patxi Lopez laugarren aldiz hautatu dute PSE-EEko idazkari orokor, alderdiaren zazpigarren kongresuan. Politika eta antolakuntza ponentziek babes zabala jaso dute, eta erabakitzeko eskubidea babesten zuen emendakina ez da onartu.
Antonio Basagoiti Euskadiko PPko burua eta Mariano Rajoy Espainiako presidentea Madrilgo Moncloa jauregian bildu ziren atzo goizean Euskal Herriaren egoeraren inguruan hitz egiteko. Basagoitik azaldu zuenez, ETArekin amaitzeko Patxi Lopez eta Iñigo Urkulluren... [+]
HAUTESKUNDE USAINA bapo ari da barreiatzen euskal politikan. Espero bezala, ezker abertzalearen proposamenak ez du lortu Aralar eta EAren baiezkorik, baina ezker abertzaleari, besteak beste, kanpaina prestatzeko aukera eskaini dio horrek, nahiz eta oraindik ez dakien legez... [+]