2011n Kataluniako Parlamentua inguratzeagatik zigortutako lagunei elkartasuna adierazteko ekintzak egingo dituzte Donostian. Larunbatean pankartak jarri dituzte hiri osoan eta apirilaren 15ean, asteazkenean, elkarretaratzera deitu dute Boulevarrean, 19:00etan.
Espainiako Auzitegi Gorenak martxoaren 17an jarri zien hiru urteko kartzela zigorra Parlamentua inguratu zuten zortzi ekintzaileri. Estatuaren goi erakundeen aurkako delitua egotzita, lehendik emandako absoluzioak indarrik gabe utzi ditu sententziak.
Hogei ekintzailetik zortzi zigortu ditu eta beste hamabi kargurik gabe aske geratuko dira. Parlamentuak onartu behar zituen murrizketen aurka protesta egiten ari ziren Aturem El Parlament-eko mobilizazioan.