Otaegiren fusilatzea argitzeko eskaerari ezetz esan dio espainiar justiziak, 42 urteren ondoren
Tramitera ere ez dute onartu auzitegiek eskaera. Azpeitiko Udalak eta familiak frankismoaren krimenen kontrako Argentinako kereilara batuko dute kasua.
42 urte igaro dira, baina justiziarik ez da egingo Espainian Francoren aginduz 1975eko irailaren 27an Burgosen fusilatutako Angel Otaegirentzat eta bere senideentzat. Duela urte bete kereila kriminala sartu zuten hilketa argitzeko, baina auzitegiek ez dute tramitera ere onartu.
Prozesuaren nondik norakoen berri eman dute udal ordezkari eta senideek. Azaldu dutenez, Azpeitiko epaitegiak kereila atzera bota du krimena “preskribatuta” dagoelako Espainiako legediaren arabera, nahiz eta nazioarteko araudian hori ez den horrela gertatzen, Mikel Elorza abokatuaren arabera.
Epaitegiak, bestalde, 1977ko Amnistia Legea ere hartu du oinarritzat kasua aintzat ez hartzeko. Gipuzkoako Auzitegi Probintzialean ere arrazoi berengatik ez dira “gaian ere sartu”. Hala, espainiar justiziaren jokabide hori ikusita, Konstituzio Auzitegiaren bidea jorratu beharrean Argentinan frankismoaren kontrako krimenen kontra irekita dagoen auzira batuko dira.
Duela urtebete jarritako kereilarekin sumarioa eskuratu eta hilketaren erantzuleak identifikatu nahi zituzten, juridikoki nola jokatu aztertzeko. Baina Espainiako legediak giltzarrapoa jarrita duen bitartean ezin izango dute halako informaziorik izan.
“Sumarioaren kopia oso bat izatea ere ukatzen zaie –azaldu du Eneko Etxeberria Azpeitiko alkateak–. Hori sintomatikoa iruditzen zaigu oso, eta horregatik orain artean bezala babestu eta lagunduko dugu familia”.
1975eko irailak 27. Franco hilzorian, Juan Carlos I.a Borboikoa ordezko izendatua ordurako. Bost fusilatu: Txiki, Otaegi, Sánchez Bravo, Baena, García Sánz. Jon Paredes Manot Txiki-ren anaia da Mikel. Begietara begira-begira zuela fusilatu zioten anaia... [+]
María Victoria Sánchez-Bravo Sollak badu iloba bat bost izen dituena: Luisa Ramona Humberta Anjela Juana da. 1975eko irailaren 27an Franco diktadoreak fusilatu zituen bost borrokalarien izenak daramatza neskak. José Luis Sánchez-Bravo Solla... [+]
Irailak 27, krimenaren +42. urtea. Gezurra dirudi Bartzelona urrunean abokatu zahar bati eztarria korapilatzea, euskaldunok espektakulutan entreteniturik gabiltzan bitartean.
Haren hilketaren erantzuleak zeintzuk diren argitzea eta horiei ardurak eta erantzunkizunak eskatzea nahi dute. Horretarako, sumarioaren kopia bat eskuratzea nahi dute. Bidea "zaila" izango dela azaldu du Angel Otaegiren familiako abokatuak, baina "merezi"... [+]
Kanposantuko nuarbeko aldapan gora / Orduan haurrak zirenak / Zazpi pinuak zain dauzkate / Kanposantuan ateak beti zabalik nuarbek. Poema gidari hartu eta abiatu gara kanposantuko Nuarbeko aldapan gora, orduan haurra zen Mertxe lagun harturik. Poetak ez dio gezurrik: kanposantuan... [+]
1975eko salbuespen egoerari eta frankismoaren blokeo informatiboari aurre egiteko sortu genuen "Noticias del País Vasco durante el estado de excepción" buletina. Zenbaki bakoitzetik 50.000 ale banatu ziren isilpean eta eskuz esku, Euskal Herrian, ... [+]
40 urteko diktaduraren ondoren Francok azken hatsa eman zuen 1975ean. Urte sinbolikoa izan zen inondik ere, frankismoaren aparatuen (polizia, oligarkia, justizia...) eta jendartearen arteko hortik aurrerako pultsuak zedarritu zituelako 1978an ernalduko zen erregimen... [+]
1975eko irailak 27. Franco azkenetan, Juan Carlos I.a Borboikoa ordezko izendatua. Bost fusilatu: Txiki, Otaegi, Sanchez Bravo, Baena, Garcia Sanz. Txikiren ama da Antonia Manot. Zalamea de la Serenatik Zarautza, Bartzelonatik barrena…