Leyla Guvenek 2018ko azaroaren 8an hasi zen gose greban. 55 urte ditu. Erdoganen alderdiak Afrinen egin zituen operazioak salatzeagatik espetxeratu zuten "erakunde terrorista gidatu eta babestea" egotzita. 31 urteko espetxe zigorra jarri zioten. Urtebetez espetxean izan ostean, gose grebaren 79. egunean askatu egin zuten. Ehunka lagunek bat egin zuten bere protestarekin, gose greba mugagabeak abiatuz.
Azkenean lortu dute abokatuek Abdullah Ocalan bisitatzea. Maiatzaren 2an izan zen. Abokatuek 810 aldiz egin behar izan diote eskaera espetxe administrazioari, azkenean baimena lortzeko. Ocalanek zortzi urte zeramatzan abokatua ikusi gabe.
Abokatuek jakinarazi dute beren bezeroari ez dizkiotela egunkariak eta gutunak ongi ematen, eta beraz, komunikatzeko eskubidea urratzen diotela. Bileraren helburuetako bat zen, Ocalanek eta beste hiru presok komunikatu bat helarazi nahi zietela.
Zazpi metroko luzera duen "Liberez Ocalan" pankarta jarri dute ekintzaile kurdu gazteek Parisko Eiffel dorrean. ANF agentziak informatu duenez, ekintzaile hauek protestak antolatzen jarraituko dute gose grebalariekin elkartasunez.
22 urteko Mahsum Pamay preso politikoak bere buruaz beste egin du Abdullah Öçalanen isolamenduaren eta torturaren aurka. Elazig espetxean hil da ostiral arratsaldean.
Larunbatean, hileta egin diote Cizre herrian eta bertan ehortzi dute, nahiz eta senideek salatu duten soilik familiako kide batzuei utzi dietela hilerrian azken agurra ematen. Bitartean, poliziak hartua izan du herria, ANF agentziak jakinarazi duenez eta azpiko argazkian ikus daitekeenz.
Alemaniako Dusseldorf hirian, hainbat ekintzaile Amnesty International GKE-ak duen egoitzan sartu dira, honek Öçalanen isolamenduaren eta gose grebalari kurduen harira mantentzen duen isiltasuna salatzeko.
After 145 days of silence by @amnesty on the ongoing Kurdish hunger strikes, Kurdish youth occupied the organization's building in Dusseldorf. Not only the hunger strikes, but Öcalan's situation itself ought to be of concern for Amnesty! pic.twitter.com/vQ4Znx9nHv
— Dilar Dirik (@DilarDirik) 2019(e)ko apirilaren 1(a)
Siraç Yüksek izeneko preso politikoak, Osmaniye-ko espetxean zegoenak, bere buruaz beste egin du Abdullah Öcalanen isolamenduaren aurkako protesta gisa. ANF agentziak eman du albistea.
Martxoaren 1etik gose greban zegoen Yüksek. Gose greba hasi zenetik sei preso politikok egin dute beren buruaz beste, eta Alemanian pertsona batek bere buruari eman zion su. Denak Öçalanen isolamendua salatzeko ekintzak izan dira.
Daesh-en aurka borrokatzera joan zen Lorenzo Orsetti nazioarteko brigadistari azken agurra egin diote bere jaioterri Florentzian. Baghouz-eko batailan hil zuten, bera TiKKO/YPG-ekin ari zen borrokan.
Huge demonstration yesterday in Florence, Italy for Lorenzo Orsetti, the TiKKO/YPG fighter killed in Baghouz two weeks ago
— Kurdistan Solidarity Campaign (@KurdsCampaign) 2019(e)ko apirilaren 1(a)
"CIAO ORSO"pic.twitter.com/xtCxKAflyO
Erresuma Batutik Kurdistanera joan den nazioarteko delegazioak Leyla Güven gose grebalaria bisitatu du.
"Oso, oso gaizki dago. Gaur ezin izan ditu ezta bere likidoak eta B bitamina ere hartu. Benetan ez dirudi askoz gehiago geratzen zaionik, bizitzeko!".
Gose grebalariekin elkartasunez eta Öçalanen isolamendua amaitzeko eskatuz, kontzentrazioa deitu dute Donostian ostegunerako.
Gose greban zegoen Yonca Akici izeneko preso politikoak bere buruaz beste egin du Öçalanen isolamenduaren aurka, ANF agentziak jakinarazi duenez.
Yonca Akici Şakran Emakumeen espetxean zegoen duela lau urtetik, "legez kanpoko erakundeko" kide izatea egotzita. Martxoaren 29an bere burua hiltzen saiatu zen, bere burua zauritu zuen eta ospitalean hil zen. Akici martxoaren 1etik zegoen gose greban.
"Garaipen hau gose grebalarientzat da". Hala adierazi dute HDP alderdi kurduko Amed hiriko alkategai Selcuk Mizrakli-k, ANFk jaso duenez. Alde handiarekin irabazi du. 2014ko udal hauteskundeetan botoen %55,1 eskuratu zuten. Igandeko hauteskundeetan %63,14-ra igo da. Erdoganen AKP alderdiko hautagaiak %30 eskuratu du.
Emaitzak jakin berritan Mizrakli-k ondorengoa adierazi zuen: "Emaitza hauek argi erakusten dute isolamenduaren aurkako jarrera hazten ari dela. Garaipen hau Leyla Güven eta Gültan Kışanak gose grebalarientzat da. Kurduek argi erakutsi dute beren nahia, erabakia eta sinesmena. Argi adierazi dute bakean eta herrien arteko koexistentzian bizitzeko nahia."
Ikusi HDP alderdiaren egoitzaren kanpoaldean egindako ospakizunen bideoa:
— HDP Amed İl Örgütü (@HDPAMED21) 2019(e)ko martxoaren 31(a)
Turkiako estatuan hiri nagusiak ondorengoak dira: Istanbul, Ankara, Izmir, Adana eta Diyarbakir. Erdoganen AKP alderdiak denak galdu ditu.
Kurdistanekin Elkartasun Ekimenak deituta, manifestazioa egin dute igande eguerdian Bilbon. Ecuador Etxeak atera ditu ondorengo argazkiak.
Hemen Ecuador Etxeak egindako bideo-laburpena.
Una marcha recorre #Bilbao denunciando la "hipocresía y el silencio" de Europa 🇪🇺 ante la huelga de hambre de Leyla Güven y el aislamiento de #AbdullahÖcallan y miles de pres@s polític@s en cárceles turcas @Kurdistanekin1 @Komiteak @Askapena #EHKurdistanekin pic.twitter.com/PBZJJF0bTI
— Ecuador Etxea (@EcuadorEtxea) 2019(e)ko martxoaren 31(a)
Igandean 13:00etan Bilboko udaletxearen aurretik abaituko da manifestazioa. Kurdistanekin Elkartasun Ekimenak deitu du.
Amed hiriko Zigor Auzitegiak bertaratzeko agindu dio gose greban 140 egun bete dituen Leyla Guveni. "Erakunde terroristako kide gisa" ikertzen ari dira. Azken saioan Guven ez zen epaitegira joan. Abdullah Öçalanen bi anairekin batera epaitzen ari dira gose grebalaria –Mehmet eta Gatma Ocalan–. Guven ez zen epaitegira joan gose greban dagoelako eta bere abokatua bertan izan zen.
ANF guneak azaldu duenez, abokatuak epaileari adierazi zion Guvenen osasuna arriskuan zela eta ez zegoela epailearen aurrean deklaratzeko moduan. "Poliziak epaitegira indarrez eramaten badu, hiltzeko arriskua izango du. Egoera honetan, nire bezeroak ez du defentsa bat aurkezteko modurik. Horregatik, exijitzen dugu kasua albo batera uzteko eta auzitegiak ez dezala derrigorrezko agerraldirik agindu".
Auzitegiak erabaki zuen Leyla Guven epaitegira eramateko agindu die agenteei.
Umarım insanlık seni anlamıştır
— Gula Dêrsim (@gula_dersim) 2019(e)ko martxoaren 26(a)
Uğurlar olsun güzel insan 🙏#UğurŞakar 💔pic.twitter.com/8bmEN69Qm7
Donostian, Bilbon eta Errekaleorren Newroz eguna ospatu dute asteburuan. ARGIA Donostiako ekitaldietan izan zen. Argazki batzuk jarraian.
Kurdistango gose grebalarien egoera salatuz eta #Newroz ospatuz eskuorri banaketa Donostian. @argia
— Lander Arbelaitz (@larbelaitz) 2019(e)ko martxoaren 23(a)
Eguneko bitxikeria: Josu Jon Imazekin gurutzatu eta eskuorria hartu du.#LeylaGüveneSesVer #kurdistan pic.twitter.com/V7c4AiWKN2
Leyla Güven gose grebalariak eskatu du "sakrifizio ekintzak" ez egiteko, Dengê Welat irratira kurdueraz bidalitako audioan. Hemen entzun daiteke bere ahotsa.
"Iraultzaileek ez lukete hain erraz hil behar", adierazi du Guvenek. Jarraian bere adierazpenetatik hainbat pasarte euskaratuko ditugu.
"Erresistentzia hazten eta hazten ari da. Gure eskaera mundu osoan zabaltzen ari da. Gaur egun edonork daki kurduok ez dugula isolamenduan bizitzea onartzen. Gure lehentasuna morala eta motibazioa altu mantentzea da. Gure ideologiaren oinarria da iraultzaileek ez luketela hain erraz hil behar. Amaiera arte eutsi behar diogu. Eusten ari gara".
"Gure historian lehen aldiz, milaka pertsona mugarik gabe isolamendua amaitzeko borrokan ari gara. Inork ezin du esan ekintza hauek emaitzarik izango ez dutenik. Emaitzak izango ditugu ziur, ziur nago irabaziko dugula".
"Ez gara gu behartuta gaudenak, zokoratuta, urratsak nola eman ez dakitenak. AKP eta MHP dira horiek. Hauteskundeak dituzte aurrean, eta ez daukate soluziorik, ez dakit zer egin".
"Lagunok, maila berri batera mugitzen ari gara. Arrakastarako gutxi falta zaigu. Zintzotasunez esan nahi dut: sor ditzagun ekintzaileen inguruko zirkuluak, sor ditzagun itxaropen eta gogo zirkuluak. Garaipena gertu daukagu, lortuko dugu, ehuneko ehun lortuko dugula. Espetxean dauden gure lagunei eskatu nahi diet eusteko borroka moral honetan, modu baketsu eta entusiatikoan. Eta gose greban ez daudenek babestu behar dituzte badaudenak".
"Zülküf, Ayten, Uğur, makurtzen naiz zuen ekintzen aurrean. Isiltasuna hautsi nahi izan dute beren sakrifizioarekin. Baina esan nahi dut: horrelako ekimenak aurrera eramaten dituen edozein lagunek, nire gorputzeko puska bat eramaten du, nire espiritu eta bihotzaren puska bat. Ekintza hauen aurrean errespetua adierazten dugu. Baina esan nahi dut: dagoeneko bada ekimen bat abian, emaitzak lortzetik gertu gaude. Gose grebalarien inguruan hartu behar dugu leku. Ez dugu ekimen berririk egin behar".
"Lagunok, batu gaitezen gose greba hauek mundu osoan zabaltzen eta horrela lortuko dugu emaitza. Hori da helburua".
Martxoaren 24an, igandea, bere buruaz beste egin du Oçalanen isolamendua salatzeko Medya Çınar preso politikoak, ANFn irakur daitekeenez. Mardin hiriko espetxean zeukaten eta 24 urte zituen.
Çınar 2016ko maiatzaren 31n atxilotu zuten, beste 42 pertsonarekin batera. Epailearen aurrean torturak salatu zituen, baita herri kurduaren aurka Turkiako estatuake egindako errepresioa eta sarraskia ere. Kurdueraz mintzatu zitzaion epaileari.
HDP alderdiko delegazio bat gorpuaren bila joan ziren Mardineko ospitalera. Aipatu iturriak jakinarazi duenez, gorpua bahitu eta ez diete senideei eman. Eztabaidan ziren bitartean, talde bat "Martiriak hilezkorrak dira" oihuka hasi da eta poliziak kolpatu egin ditu dispertsa zitezen lortzeko. Hiru lagun atxilotu ditu Turkiako poliziak.
Zehra Saglam izeneko preso politikoak bere buruz beste egin duela jakinarazi du ANF agentziak. Oçalanen isolamendua salatzeko protesta izan da. Erzurum probintziako espetxean zeukaten.
Beste preso politiko kurdu bat hil da, ANF agentziak informatu duenez, Öçalanen isolamendua salatzeko bere buruaz beste egin du Gebzeko espetxean. Han zeukaten dispertsatua, etxetik 1.300 kilometrotara, Istanbul ondoan. Ayten Beçet zuen izena, 24 urte zituen.
Aipatutako iturrien arabera, albistea entzundakoan abokatuak espetxera joan dira korrika eta bertan espetxeko funtzionarioek esan diete Beçetek bere burua urkatu duela. Ez dago garbi bere gorpua nora eraman duten.
Alemaniako Krefeld hiriko epaitegiaren aurrean, Ugur Sakar izeneko kurduak bere buruari so eman zion otsailean Öçalanen isolamendua salatzeko. Ospitalean izan dute, gorputzaren %64ko erredurekin. Ostiralean hil da.
Bere buruari su eman aurretik, Sakarrek ohar batean idatzita utzi zuen Öçalanen isolamendua salatzeko egingo zuela ekintza, gose grebalariengatik eta Alemaniako gobernuari mugi zedin presio egin nahi ziola. "PKK-k erakutsi digu "erresistentzia bizitza da" filosofia. Gure betebeharra da injustiziaren aurrean eustea, edonon gaudela".
Sakarrek Tortura Saihesteko Batzordeak gose grebalarien auzian duen isiltasuna ere salatu zuen.
Kobanen milaka lagun batu dira
Qamishlon sua hildako gudarien amek piztu dute
Raqqa hirian zortzi urtean lehen aldiz ospatu dute Newroz eguna, ISISen kontrolpetik askatu ostean
Akre hirian ospakizun ederra
#dream pic.twitter.com/vSfFe8tfpU
— سانا (@sanahoessein) 2019(e)ko martxoaren 20(a)
Mendietan, gerrilari kurduek ere ospatu dute Newroz eguna
#Newroz #NewrozPirozBe from #Qandil mountain to the world.
— Halo Mala (@Halo_Mala) 2019(e)ko martxoaren 21(a)
With guerrillas and family of the martyrs. pic.twitter.com/Z2OhU3Ynlw
HDP alderdiak antolatutako Newroz ospakizunetako lelo nagusia hauxe izan da aurten: "Eutsiko diogu, isolamendua hautsiko dugu".Ospakizunetara ehunka milaka lagun batu dira beste urte batez, eta aurten, sua pizteko ardura eta ohorea, gose greban hil berri den Zülküf Gezenen senideek izan dute. ANF agentziaren informazioen arabera, ehunka milaka lagunek oihukatu dituzte "Leyla Guven gure ohorea da" edo "Zülküf Gezen hilezkorra da" gisako oihuak, sua pizten zuten bitartean.
Kurdistango askapen mugimenduaren omenezko jaialdia antolatu dute Gasteizko Errekaleor auzo autogestionatuan. 18:00etatik aurrera izango da eta goiko kartelean ikusgai da egitaraua.
Kurdistanekin Elkartasun Ekimenak antolatuta, ostiralean Bilbo Zaharreko plazan 19:30ean. Ekitaldi politikoaz gain, musika eta dantza ere izango direla iragarri dute, baita sua ere.
Larunbatean Newroz eguna ospatuko dute Donostian. Antiguako Txantxarreka gaztetxean azken hilabeteetan Rojavan izan diren hainbat kiderekin mahaingurua egingo dute, eta ondoren, 19:30ean elkarretaratzea egingo dute gose grebarekiko elkartasunez Antiguako elizatik abiatuta.
Bisita hunkigarria jaso du dagoeneko gose grebalaren ikur bilakatua den Leyla Guvenek, bere 130. egunean.
Aurreko egunean hil zen Zülküf Gezenen gurasoen bisita jaso du eta ezin izan dio negarrari eutsi Güvenek.
Dünyanın durması gerektiği an...
— funda☠ (@23nebula26) 2019(e)ko martxoaren 20(a)
"Ez Bımırım"#LeylaGüven 133#NasırYağız 120#Zındanlar 95#İmamŞiş 94#strasbourg 94#Yusufİba 68#MeleMustafa 67#SelmaIrmak 62#SebahatTuncel 62#HüseyinYıldız 61#HasbiÇakıcı 60#FadileTok 60
pic.twitter.com/z5F63A5y0d
Gose grebalarien egoera salatu eta Öçalanen isolamendua amaitzeko eskatuz, HDP alderdiak kazerolada deitu du gauero 20:00etan.
Ikusi lehen gaueko irudiak.
Haydi Amed!
— HDP Amed İl Örgütü (@HDPAMED21) 2019(e)ko martxoaren 18(a)
"Bir Can Daha Yitirilmesin diye"Her akşam Saat:20:00'de gürültü ve ses çıkarma eylemine... pic.twitter.com/fGD1d6kmdK
Zulkuf Gezen zuen izena. PKK-ko kidea zen. Martxoaren 17an hil da Tekirdag hiriko espetxean, Istanbul ondoan, etxetik 1.500 kilometrotara, ANF berri agentzia kurduak informatu duenez.
Albistea jakin berritan, Istanbulgo Ataturk aireportuan dozenaka kurdu batu ziren gorpua agurtzeko eta senideei babesa adierazteko. HDP alderdiko kideek salatu dute gorpua bahitu egin duela armadak eta senideen oniritzirik gabe eraman dutela Kurdistanera.
Amed hiriko aireportuan, Turkiako polizia ugari zeuden zai. ANFk jakinarazi du familia behartu egin dutela gauean gorpua lurperatzea, hileta jendetsuak ekiditeko.
Ikusi ondorengo bideoan Turkiako poliziak Amedeko aireportura eraman duen operazio erraldoia.
Zülküf Gezen’in cenazesi şu anda mitolojilerde bile görülmedik bir zulümle Amed Yeniköy Mezarlığı’nda defnediliyor. pic.twitter.com/uQKCjn9qme
— Sedat Sur (@sedatsurr) 2019(e)ko martxoaren 17(a)
Gose Grebaren Jarraipen Batzordea Silivri-ko espetxean protestan diren presoak bisitatzen izan da eta adierazi du egoera kritikoa dela. Autoritateei berehala mugitzeko eskatu diete, The Mesopotamian hedabideak jaso duenez.
Bisitaren ostean, prentsa agerraldia egin dute. Preso askori hainbat egunez edateko ur gutxi eman izan dietela salatu dute, baita osasun azterketarik egiten ez direla ari ere. Askok pisu galera handiak izan dituztela eta odol presioa oso baxu dutela jakinarazi dute.
Guztira, 331 preso politikok 61 egun bete dituzte gose greban.
Martxoaren 1ean ANF agentziak publiko egin duenez, preso gehiagok bat egingo dute datozen egunetan eta izen abizenak publiko egingo dituzte.
Argentinako Maiatzaren Plazako Amen elkartetik Emliy Appie joan da Amed hirira, Leyla Güveni babesa adieraztera.
Dozenaka emakumek publikoki babesa adierazi diote Leyla Guvenen gose grebari eta hau ez hiltzen uzteko eskatu diote Erdogani. Guven bera kide den emakumeen TJA talde feministaren ekimena da.
The Mesopotamian egunkariak dio Martxoaren 8an Guvenen borroka presente izango dutela eta askatasun oihua izango dela. Mugimendu feministako kide bati egindako elkarrizketan, diote Leylak hasi duela urteko agenda feminista. Martxoaren 8rako prestatu duten egitaraua espetxe aurrean hasiko da.
Jarraian grabatu duten beste bideo bat.
8 Mart Dünya Emekçi Kadınlar günü startını Beşiri’de verdik...Yaşamı savunan kadınlar mutlaka kazanacak ..#LeylaGüven114 #JinJiyanAzadi #AçlıkGrevleri pic.twitter.com/H453PX8Cit
— HDP Batman Kadın Meclisi (@hdpbatmankadin) 2019(e)ko martxoaren 1(a)
114 egun bete ditu gose greban Leyla Guvenek. Guztira 400 lagun baino gehiago daude gose greban. Batzuk nabarmentzearren: Nasır Yağız-ek 101 egun bete ditu, PKK eta PJAKeko 300dik gora preso politikok 76. Estrasburgon dauden 14 kurduk 75. Mele Mustafak 48.
#LeylaGüven 114#NasırYağız 101#Zındanlar 76#strasbourg 75#MeleMustafa 48#İmamŞiş 75#Yusufİba 48#SelmaIrmak 43#SebahatTuncel 43#HüseyinYıldız 42#HasbiÇakıcı 41#FadileTok 41#Ugursakarpic.twitter.com/LbaiAtCZWB
— W PAREZ (@__________Wp) 2019(e)ko martxoaren 1(a)
Austriako hiriburuan Öçalanen isolamendua amaitzeko eskatuz eta gose grebalariei babesa adieraziz manifestazioa egin dute.
Mugitzeko eskatu dute Bruselan. Bertan bildu dira Europan bizi diren kurdu ugari, baita elkartasuna adieraztera joandako herritar asko ere, ANF agentziak berri eman duenez.
Brüksel'de binler yürüyüşe geçti...#LeylaGüven #NasırYağız #Strasbourg pic.twitter.com/T7IpPEuyMI
— DöneGüzel7 (@dnegzel) 2019(e)ko otsailaren 27(a)
***BREAKING*** A group of 25-30 Kurdish youth are currently occupying the CPT (Committee for Prevention of Torture) building. pic.twitter.com/AzamBR9YrZ
— hungerstrikes (@hungerstrikes_) 2019(e)ko otsailaren 25(a)
Dozenaka gazte kurdu Tortura Prebentziorako Batzordeak (CPT) Estrasburgon duen egoitzaren aurrean salatu dute erakundea isilik dagoela ehunka kurduren bizitzak arriskuan jarri dituen gose greba masiboaren aurrean. Öcalanen 20 urteko isolamendua amaitzeko eskatu dute eta sarrerako leihoa hausteaz gain, hainbat pintaketa egin dituzte. Frantziako poliziak atxilotu egin ditu.
Kurdish youth in civil disobedience action in the CPT pic.twitter.com/s3VsF9aZyn
— hungerstrikes (@hungerstrikes_) 2019(e)ko otsailaren 25(a)
Sebahat Tuncel Kurdistango politikaria da, Turkiaren menpeko lurretan. Hainbatetan egon da kartzelan kurduen askapen mugimenduaren parte izateagatik, eta Turkiako Parlamenturako diputatu gisa hautatu zuten lehen presoa izan zen, 2007an. 2016an espetxeratu zuten azkenengoz eta... [+]
Helikoptero eta gerra hegazkin turkiarrek betetzen dute zerua Irak iparraldeko kurduen zonaldean. Azken asteetako operazio militar handian 381 kokaleku bonbardatu ditu Turkiako Aire Armadak Kurdistango Eskualde Autonomoan. Turkiako Defentsa Ministerioak adierazi du “talde... [+]
Ibrahim Bilmez abokatua da eta Abdullah Öcalan buruzagi kurdua da bere bezeroa. Bere isolamendua salatu du Euskal Herrian otsailean, Turkiako errepresio eta inpunitate mekanismoak azalduta.
1999ko otsailaren 15ean Abdullah Öcalan atxilotu zuten, Kurdistango Langileen Alderdiko (PKK) eta mugimendu independentista kurduko burua. Turkiako zerbitzu sekretuek Kenyan atxilotu zutenetik, Marmara itsasoko uharte batean dagoen Iämralä-ko kartzelan isolatuta... [+]
Lara Vilanova (1983, Bartzelona) argazkigintza zuzendaria da eta The Return: Life after ISIS, Sinjar, Cuerdas edota Hondarrak filmetan hartu du parte. Abenduan Euskal Herria bisitatu zuen The Purple Meridians topaketetan parte hartzeko Durangon.
Urtzi Urrutikoetxea nazioarteko kazetariarekin mintzatu gara Radio Kobanen, iaz idatzitako Kurdistan-Argi bat ekialde hurbilean liburuari buruz. Testuak azken urteetako gertakizunei erreparatzen die, eta atzerago ere begiratzen du herri kurduaren egoera politikoa eta... [+]
Siriako Ipar eta Ekialdeko Autoadministrazioko osasun esparruko ardurak ditu Ciwan Mustafak eta herri kurduak lideratzen duen proiektu politikoaren osasun ministrotzat jo daiteke. Mediku-Ekintza Koordinakundea gobernuz kanpoko erakundearen laguntzarekin Eusko Legebiltzarrean... [+]
Epaiketaren lehen eguna amaituta eta bederatzi kazetari kurduak askatu dituzte. Urte erdia pasatxo preso eduki dituzte "terrorismoa" egotzita. Ankarako espetxean zeuzkaten eta orotara hamaika kazetariri erakunde terroristako kide izatea egozten diete.
Parlamentuan ordezkaritzarik lortuko ez duten beldur, ezkerreko alderdi gehienek Kemal Kiliçdaroglu zentro-ezkertiarraren aldeko botoa eskatzea erabaki dute, egungo presidentearen aurkari nagusia dena.
Behe Nafarroako Behorlegin asteburu osoko egitaraua eraman du aurrera herriBiltzak. Larunbatean Parisko Komunaren iraultzaren urteurrena gogoratu dute eta igandean kurduen eta euskaldunen arteko elkartasuna indartzeko udaberriko festa ospatu dute elkarrekin. Bi egunetan erein... [+]
Anatoliako failak Kurdistanen, Turkian eta Sirian eragindako lurrikarak goitik behera jausi ditu milaka etxebizitza, eta agerian geratu da Recep Tayyip Erdoganen gobernuaren eta eraikuntza sektorearen artean dagoen ustelkeria. Baina baita munduan nagusitzen ari den eredu baten... [+]
Turkiako Poliziak torturatu dituztela salatu dute, eta ondoren, ondasunak lapurtu eta biluzik utzi dituztela hiriaren kanpoaldean.
Cemil Bayik PKK-ko buruak adierazi du helburua erreskate lanak ez oztopatzea dela eta su-etenak "herriaren mina arindu eta zauriak sendatu arte" iraungo duela.
Ostegun eguerdirako 21.500 dira hildakoak Mesopotamiako lurretako historia modernoan izandako lurrikara gogorrenaren eraginez. Mundu osoko herrialde ugari erreskatean laguntzeko taldeak bidaltzen ari dira. Erdoganek esan du eremu kaltetuak ikustera joango dela, bere aurkako... [+]