Osakidetzak fiskaltzara eramango ditu oposizioetako iruzurra salatu duten hirurak
Oposaketen inguruan egindako barne ikerketa fiskaltzari aurkeztuko dio Osakidetzak. Erabakiaren arrazoia ez da filtrazioak eman izana, filtrazioak salatu dituzten hiru norbanakoei “iruzur saiakera” leporatu dietela baino.
Maria Jesus Mujika Osakidetzako zuzendariak ostegunean jakinarazi du erabakia, medikuntza alorreko oposaketen gainean salatu diren irregulartasunen harira Eusko Jaurlaritzan egindako agerraldian. Adierazi duenez, fiskaltzaren esku utziko dute Anestesiologia espezialitateko azterketari buruz egin duten barne ikerketa, zeinetan ez den jasotzen filtraziorik eman izana, nahiz eta hiru froga errepikatuko diren eta oposaketara aurkeztu ziren hiru hautagaik irregulartasunak salatu dituzten. Kontrara, ikerketak salaketa egin duten norbanakoek “iruzur saiakera” egin dutela jasotzen du ikerketak.
Marta Macho, Manuel Martinez eta Roberto Sanchez dira oposaketetako iruzurra salatu duten hiru norbanakoak. Oposaketetan filtrazioak eman zirela egiaztatzeko helburuarekin fiskaltzara zein Arartekora jo zuten, baina arrakastarik ez zuen izan saiakerak. Hala bada, azterketako epaimahaiko zenbait kiderengana jotzea erabaki zuten, hauek azterketako galdera eta argibideak luzatzen ote zizkieten probatzeko. Osakidetzak “iruzur saiakera” egotzi die jokaera horrengatik.
Kardiologia eta Angiologiako kategoriak ere ikertu dituztela eta hauetan ere filtraziorik eman ez dela gehitu du Mujikak, nahiz eta Kardiologiako epaimahaikide batek irregulartasunak eman direla baieztatu El Diario egunkariari. Dena dela, azterketak errepikatu egingo dira. Mujikak azpimarratu du zuzenketekin eta galderak formulatzeko erarekin lotutako arazoak daudela guztiaren atzean.
.jpg)
Blanca Ester Díaz Pulido epaileak Osakidetzako 2018ko oposizioen filtrazioen inguruko ikerketari amaiera eman dio, sei urte eta erdi igaro ondoren. Akusatu guztiak absolbitu dituzte, 22 guztira, nahiz eta bi kasu behin-behingoz artxibatu dituzten.
Erradiodiagnostikoko teknikari espezialistaren eta farmaziako laguntzailearen deialdietan hainbat galdera baliogabetu dira. Horiekin batera, joskintzako ofizialaren eta teknikari informatikoen azterketetan arazoak azaldu dira.
Arabako Auzitegiak atzera bota du LABen errekurtsoa. Hala ere, sindikatuak “aukerak” ikusten ditu epaiketa baterako.
Sindikatua pozik agertu da epaileak ikerketa sei hilabetez luzatzea onartu duelako, baina autoari ebazpena jarriko dio "autoa hobetzeko eta defentsen ekintzak baliogabetzea eragozteko".
3.535 lanpostuko eskaintza egiteko asmoa adierazi du Gotzone Sagardui Osasun sailburuak. ELA sindikatuak, ordea, kritikatu du behin-behineko langileak 24.600 direla eta ez dela “arazoa konponduko”. 9.000 langilek gutxienez zortzi urte daramate aldi baterako... [+]
LAB sindikatuak irailaren 1ean egin zuen eskaera auto bidez. Instrukzio auzitegiak Darpón eta Mugika aztertzea errefusatu du, baina hainbat espezialitatetako beste bederatzi kide ikertuko ditu. Auzia 2022ko urtarrilaren 29ra arte luzatuko da.
Osakidetzako 2018ko oposizioetan atzeman dituzten irregulartasunen sokari tiraka, azterketara aurkeztu ziren beste 30 mediku eta epaimahaikide jardun zuten bi bokal inputatzeko eskatu du ESK sindikatuak. Hainbat froga aurkeztu dituzte eta leporatu diete erantzunak aurrez eskatu... [+]
Anestesista espezialitaterako lan eskaintza publikoan azterketen filtrazioengatik “onurak” jaso zituztela, susmoa du sindikatuak. Datozen egunetan 24 lagunek epaitegietan beren lekukotza emango dute Osakidetzako 2016-2017ko lan eskaintza publikoan jazotako iruzur... [+]
Irailaren 1etik 7ra 16 lagun epaile aurretik igaroko dira lekuko gisa, 2018ko Osakidetzako oposizioetan izandako ustezko irregulartasunak ikertzeko abiaturiko auziaren barruan.
Epaileak ikerketapean zegoen Neurokirurgia arloko presidentea inputatu du, eta hogeita lau lekuko deklaratzera deitu.
Ituarte EAJ alderdiarekin Santurtziko alkate izatera iritsi zen. Ondoren, Osakidetzan aritu zen lanean, arduradun ekonomiko bezala. Bere anaiak 2018ko oposaketan, anestesia arloan, azterketa praktiko perfektua egin zuen 100 puntu lortuz. 2019ko urtarrilan, Osakidetzako bere... [+]
Aurtengo martxoan dimititu zuen Jon Darpon Eusko Jaurlaritzako Osasun sailburuak, Osakidetzako oposizioetan detektatutako irregulartasunak medio. Ondoren, enpresa pribatura pasa zen. Orain, Darpon "fitxatu" zuen enpresak eta haren ingurukoek jasotako diru publikoa... [+]
Gasteizko Santiago ospitalean, 2016tik “gastuen bikoizketa” egon dela jakinarazi du sindikatuak, ikerketa batean oinarrituta.
Marta Machok, Osakidetzako oposizioen iruzurra salatu zuenetariko batek, jakinarazi du formula berriak zaharrak baino kontrol gehiago eman diezaiekeela zerbitzu-buruei.