Orexako Basabe zentrala: nolakoa zen gure aitona-amonen energia berriztagarria?
Mende bateko historia gordetzen duen eraikina da Orexako Basabe zentrala. Urtetan abandonatuta egon ondoren, 2014an Orexako Udalak zentral hidroelektrikoa berreskuratzeko erabakia hartu eta Burdina taldearekin harremanetan jarri zen.
Joxe Ramon Berrondo Burdina taldeko kidearen arabera, Gipuzkoan “oso gutxi” dira gaur egun mantentzen diren modu honetako ondasun historikoak. Basabek ur indarrez sortzen du elektrizitatea, errota mugitzen du eta ur berarekin funtzionatzen du zerrategiak.
Zentralaren garbiketa eta txukunketa lanetan auzolanean aritu dira Orexako herritarrak eta Burdinako boluntarioak. Berreskuratze lana “oso polita” izan dela adierazi du Manu Izagirre Burdina taldeko kideak 28Kanalean: “Herritar asko gogoratzen ziren nola zen hau lehen eta kontatzen aritu zaizkigu zentralak nola funtzionatzen zuen”.
Basabe zentrala 1930. urte inguruan izan zen eraikia. Goiko pisuan langilearen bizitokia dago, eta beheko plantan berriz, laneko espazioa: Elektra, errota, zerra eta beste hainbat lan-tresna daude bertan. Makineria guztia jatorrizkoa denez, bisitak egiteko toki oso interesgarria izan daitekeela adierazi dute Burdinako kideek.
Eneko Maioz Orexako alkateak oso positibotzat jo du Basaben herritarrekin egin duten lana: “Hauts eta zikinkeria guzti horren azpian zegoen ondarea ikusi dugu, eta hori oso pozgarria izan da”. Burdinako kideek azpimarratu dute, Basaben lanean hasi zirenean zentrala egoera oso txarrean zegoela, eta konpondu izan ez balitz ziurrenik gaur egun erorita egongo litzatekeela.
Batzuetan, mehatxua behar izaten dugu arriskuan dagoenaren garrantziaz jabetzeko. Eta mehatxu horren tamainaren araberakoa izaten da balizko erasoari erantzuteko barruan sentitzen dugun indarra. Konturatu orduko, zeure burua ikusten duzu lanean, buru-belarri, galtzeko arriskuan... [+]
Nekazari eta abeltzainentzat Energia Berriztagarrien Lurralde Plan Sektoriala (EEBB LPS) irakurtzea etsigarria izan bazen –eta izan zen–, ez pentsa askoz alaiagoa izan denik 2023ko uztailean horri jarritako 4.217 alegazio-egileri emandako erantzunen txostena... [+]
Hego Euskal Herrian energia berriztagarrien makroproiektuen zaparradari zenbakiak jarri dizkiogu erreportaje honetan. Datuek marrazten duten mapan, Nafarroak gori-gori jarraituko du eta Araban daude kontzentratuta EAEn enpresek egin nahi dituzten energia zentralen %75,4. Hori... [+]
Erramun Galparsoro eta Joxe Manuel Muñoz aranoarrak dira. 22 eta 30 urte daramatzate, hurrenez hurren, 440 metroko garaieratik itsasoari begira dagoen eta 114 biztanle dituen Nafarroako herri txiki hartan bizitzen. Inguruetan Repsolek eraiki nahi duen zentral eoliko... [+]
Arano eta Hernani inguruetan Repsol eta Endesa enpresek eraiki nahi dituzten makro-zentral eolikoen aurkako txosten kritiko mardula egin du Mikel Alvarez ekintzaile ekologista donostiarrak. Bere esanetan, "Euskal Herrian planteatzen den era horretako azpiegitura... [+]
Harreman bertikal eta asimetrikoen adibideak asko dira, eta beti ez zaigu rol bera egokitzen. Horrela, zenbaitetan, batzuek erabakitzen dute eta erabakitakoa gauza dadin lan egingo dute; gainontzekoen funtzioa da “goian” hartutako erabakiak gauzatzea edota onartzea... [+]
Arabako hamazazpi talde, elkarte eta herri mugimenduk deituta, milaka lagun elkartu dira larunbat arratsaldean Gasteizen, euripean. Bilbo plazatik abiatutako manifestazioak Foru plaza bete du ibilbidearen amaieran. Arabako landa eremua mehatxatzen duten makroproiektu guztien... [+]
Hamasei plataformak baino gehiagok bat egin dute "Araba ez dago salgai" eta "Makroproiekturik ez!" mezuekin eta manifestazioa antolatu dute elkarrekin: urriaren 26an izango da, 18:00etan Gasteizko Bilbo plazan hasita. Jarraian, manifestazioa deituz plazaratu... [+]
Makroproiektuen aurkako manifestazioa izango da, larunbat honetan, urriaren 26an, arratsaldeko 18:00retan Gasteizko Bilbo plazatik abiatuta.
Arabako Foru Aldundiak Eusko Jaurlaritzara ekainaren 14an bidali zuen txostena irakurrita, nekez irudikatu daiteke haize-errotak jartzeko leku ezegokiagorik Laminoria eta Azazeta proiektuentzat Aixeindar SA enpresak hautatu duena baino: EAE osoan nekrofago espezie gehien bizi... [+]
"Sare elektrikoak eta lurraldea: sistema energetikoa eztabaidagai" hitzaldia emango du Euskal Herriko Unibertsitateko ikertzaile eta irakasleak. Herribizigune eta Ezkeltzu Bizirik taldeek elkarrekin antolatu dute hitzaldia.
Euskal Herria Bizirik-ek, heldu den urriaren 26an, Gasteizen, Arabako herri plataformek eta nekazarien sindikatuek trantsizio energetikoaren aitzakian korporazio handiek inposatu nahi dituzten megaproiektuen aurka antolatutako manifestazioan parte hartzera animatu nahi du.
Azkenaldian bestelako argumentuak landu dizkigute, Euskal Herriko inguruetan makroproiektuak beharrezkoak direla konbentzitu gaitezen. Erakusgarria iruditu zitzaidan honekiko, Bizkaiko EHNEren webgunean Jauzi Ekosoziala ekimeneko partaide bati argitaraturiko artikulua: "Por... [+]