Oñatin poliziaren “jazarpena” salatuko dute larunbatean
Apirilaren 3an Ander Astigarraga gazteak jasandako atxiloketa salatzeko agerraldia egin zuen eguaztenean Oñatiko herritar talde batek. Astigarragari elkartasuna adierazi eta poliziaren "jazarpena" salatzeko manifestazioa deitu dute zapaturako, apirilak 11, 19:00etan, Herriko Plazatik hasita.
"Bakea, demokrazia eta normalizazio politikoarena izan behar duen garai honetan Euskal Herrian indarrean dagoen biolentzia mota bakarra Guardia Zibila eta estatuarena da. Hori dela eta, berau salatu, eragotzi eta betiko amaitu dadin konpromisoak hartzea denon artean osatu behar dugun agenda demokratikoaren lerro-burua da", azaldu zuen talde oñatiarrak.
Ander Astigarraga gaztearen "jazarpena" ez dela azkenaldiko gertaera bakarra salatu zuten: "Azkenaldi honetan maiz gertatu dira gisa bereko jazarpenak. Hor daude, ikusi nahi dituen edonoren begietan, aurrekoa asteotan Oñatiko errepide sare eta mendi zabalean, Guardia Zibilak buruturiko kontrol politika itogarriaren adibide ugariak".
"Astigarragaren aurkako oldarraldi eta mehatxuak irmotasun guztiarekin salatzen ditugu. Baita haiekin batera beste hainbat pertsonek pairatu dituzten zelatatze eta jarraipenak ere. Hemen bildu garen herritarrok gure elkartasuna eta babesa helarazi nahi diegu publikoki", gaineratu zuten.
Gertaeren kontakizuna
Honela kontatu zuten gertakaria:
"Apirilaren 3an, joan den egubakoitzean, arratsaldeko seiak aldera, oñatiar gazte bat atxilotu zuen Guardia Zibilak Aloña azpiko pagadian. Gaztea basoan zebilen eta bat batean Guardia Zibilaren patrola ikusi zuen eta normala den moduan, ezkutatu egin zen. Ordubete ezkutuan egon ostean, ikusi egin zuten eta 'Alto la Guardia Civil' esan zioten. Lurrera bota zuten gaztea eta aurpegia lokatzaren kontra jarrita eduki zuten. Ondoren, katxeatzen hasi ziren eta frakak jaisteko eskatu zioten. Guardia Zibil bat eskularruak janzten hasi zen. Gazteak ez zeukala frakak jaisteko asmorik esan zien eta orduan bortizkeriaz lurrera bota zuten. Esposatu egin zuten eta kolpeak emanez erdi arrastaka eraman zuten. Ondorioz, hanka bat zauritu du gazteak eta puntuak jarri behar izan dizkiote. Gaztea patrolean sartu zuten, esposak kenduta eta Donostiara eraman zuten. Lehendabizi ospitalera joan ziren eta zauria sendatu zioten, ondoren Intxaurrondora eraman zuten eta goizaldeko ordu biak aldera aske utzi zuten. Gaztea epaiketaren zain dago desobedientzia eta aginteari men ez egitea leporatuta".
[Albiste honen jatorrizko bertsioa Maider Arregik argitaratu du Goienan eta atari horren CC-by-sa lizentzia baliatuz ekarri dugu ARGIAra]
“Gaur eguerdiko albistegian, zuen hiriburuko alkatea ikusiko duzue, torturatu gintuen gorputz militarrari hiriko plaza nagusia eskaintzen. Gaur eguerdiko albistegian, gure lagun eta senideak hil zituen egitura ikusiko duzue gure kaleetan desfilatzen. Eta guk, beste egun... [+]
Orain 180 urte sortu zenetik lehen aldiz, kuarteletik kanpo eta Gasteizko erdigunean ospatu du Guardia Zibilak bere patroiaren eta hispanitatearen eguna. Bertan izan dira Gasteizko alkate Maider Etxebarria, Espainiako Gobernuko ordezkari Marisol Garmendia, Gasteizko gotzaina eta... [+]
Gutxienez hamabi poliziak inguratu zuten gaztea. Erail zuen agenteak esan du gainera joan zitzaiola agerraldia izan zuen gaztea, baina bertsio hori gezurtatu du lekuko batek. 2020an izan zen hilketa, eta orain ari dira epaiketa egiten.
Memoria osoa ekimenak salatu du biolentziaren biktima izan direnen arteko desberdintasunak bultzatzen ari direla hainbat instituzio, eta norabide hori zuzentzeko deia egin du. Ekimenak estatuen biolentziaren hamabost biktima elkarte biltzen ditu. Urriaren 12an Guardia Zibilak... [+]
Xabier Kalparsoro eta Gurutze Iantzi Espainiako polizien eta guardia zibilen eskuetan hil zituztela 31 urte igaro direnean, Egiari Zor fundazioak ekitaldia egin du Urnietan. Eusko Jaurlaritzari eskatu dio berriz ere ireki dezala epe bat estatuaren biktimak aitortzeko eskaerak... [+]
Guardia Zibilak 18.000 euro baino gehiago bideratu ditu aurten kautxuzko bolak erostera, "istiluen kontrako" materialaren barruan. Itsas Armadak, berriz, gomazko 1.500 pilota erosiko ditu. Poliziak erabiltzen dituen bitartekoak erregulatzen dituen araudia ez da... [+]
1984ko urriaren 23an ETAren garaian Espainiako Barne Ministerioak onartutako aginduan, “arriskugarritasun eta nekagarritasun” kontzeptuengatik “ordainsari” bat zehaztu zuten Espainiako Polizia Nazional eta Guardia Zibilarentzat, “eremu... [+]
Azken hamarkadetan, bi estatuetako indar armatuen jardun nagusiak errepresioa eta zapalkuntza izan direla salatu dute eta azpimarratu dute haien presentzia ez dela beharrezkoa. Ekainaren 22an izango da Fan Hemendik Eguna Oñatin.
Astelehenean Donostiako Instrukzio Epaitegian deklaratu beharko dute taldeko kideek. "Adierazpen askatasunaren eta askatasun kulturalaren aurkako erasoa" dela salatu dute.
Ceutako Tarajal hondartzan hamalau lagun hil zituzten duela hamar urte, itsasoz igeri Europara iritsi nahian, guardia zibilen eta Marokoko polizien tiro artean. Haien senide eta lagunek urteurrena baliatu dute justizia eskatzeko, auzia oraindik epaitegietan baita. Justizia... [+]
Duela 10 urte Ceutako Tarajal pasabidean 14 pertsona hil zituzten, itsasoz igeri Europara igaro nahian zebiltzala guardia zibilak haien kontra oldartu ostean. Geroztik Duintasun Martxa egin dute urtero, eta ekimen horretako Bilboko taldeak sarraskiaren eta “mugako... [+]
Auzitegi Nazionalak Marlaska ministroa derrigortu du guardia zibila mailaz igotzera. Kargugabetu egin zuen 2018an, "konfiantza falta" zela eta. Sánchez Corbík errekurtsoa jarri zuen erabakiaren aurka, eta Auzitegi Nazionalak babestu egin du. Kepa... [+]
Ostegunean eta ostiralean Genevan (Suitzan) aztertuko dute ea Espainiako Estatuak gaiari dagozkion baldintzak betetzen dituen ala ez. Egiari Zor, Giza Eskubideen Behatokia eta Sarek “aurrerapenak” daudela azaldu dute.