Autopsiak frogatu du Iñigo Cabacas Ertzaintzaren pilotakada batek hil zuela
Iñigo Cabacas Ertzaintzak botatako pilotakada baten kolpearen ondorioz hil zen autopsiak argitu duenez. Lehen datuek diotenez, 28 urteko gazteak buruan zuen zauria Ertzaintzak erabiltzen duen gomazko pelota batek sortzen duenarekin bateragarria da. Golpeak buruhezurra hautsi zion, honek hemorragia eragin zuen, eta azkenik, heriotza. Lekukoek salatu dutenez, 20-30 metrotik buruaren altuerara egin zuten tiro ertzainek. Heriotza salatzeko, manifestazioa deitu dute gaur 20:00etan Algortan. Cabacasen aldeko hileta elizkizuna berriz, bihar izango da 19:30ean Bilbon.
Rodolfo Ares Herrizaingo sailburuak heriotzaren aurrean "atsekabea" azaldu du eta gertatutakoa ikertzen jarraitzeko asmoa agertu du. Horrez gain, Eusko Legebiltzarrean azalpenak emango dituela jakinarazi du.
Ezker Abertzalea, EA, Aralar eta Alternatibaren arabera, Cabacas, "gure herriak jasan duen indarkeria polizialaren azken biktima da". Indar polizialek indarkeria "inolako ardurarik gabe eta era zigorgabean" erabiltzen dutela salatu eta Ares-en dimisioa eskatu zuten atzo Bilbon egindako agerraldian. EAJ-ko Iñigo Urkulluk gertakariak sakon aztertu behar direla esan du. Gauza bera adierazi du Ezker Batuak ere, "alde handiak daudelako polizia eta lekukoen bertsioen artean".
Gertakaria salatzeko ehunka lagun bildu ziren atzo Maria Diaz de Haro kalean Ez dago eskubiderik, Iñigo gogoan zaitugu! lemapean burututako omenaldian. Isilik gogoratu zuten Cabacas eta senide eta lagunek lore eskaintza egin zuten Cabacas zauritu zuten lekuan.
Omenaldia egin diote Iñigo Cabacasi, bere heriotzaren hamargarren urteurrenean. Iñigo Cabacas Lizeranzu plaza izendatu dute Ertzaintzaren pilotakada batek hil zuen kantoia. Antolatzaileek eta gurasoek herritarren babesa eskertu dute, eta erakundeen... [+]
Apirilaren 5ean hamar urte bete dira Ertzaintzak jaurtitako gomazko pilota batek Iñigo Cabacas larriki zauritu zuenetik. Apirilaren 9an, ostera, Cabacasen heriotzaren hamargarren urteurrena beteko da, pilotakadaren ondorioz hil egin baitzen gaztea. Data seinalatu... [+]
Abenduaren 15ean Ertzaintzak artxibatu egin zuen Cabacasen hilketari buruzko barne ikerketa, eta gurasoek gutun batean adierazi dute “harridura eta atsekabea” eragin ziela erabakiak. Josu Erkoreka Jaurlaritzako Segurtasun sailburuari leporatu diote euren samina... [+]
Eusko Jaurlaritzako Segurtasun sailburu Josu Erkorekak azaldu duenez, sei auzipetuei ezin zaie ardura diziplinariorik eskatu, haietako bost (Juan José de Pablo 'Ugarteko' ertzainburua tartean) jada ez direlako funtzionarioak, eta seigarrenak, tiro egiteko agindua... [+]
Bizkaiko Auzitegiak erabaki du bi urtez bertan behera uztea Iñigo Cabacas hiltzea kondenatutako Ertzaintzako agenteari ezarritako bi urteko kartzela zigorraren gauzatzea. Ebazpenaren arabera, espetxe zigorra betearaziko diote, baldin eta Juan Jose de Pablo ertzain... [+]
Bizkaiko Probintzia Auzitegiaren epaia berresten du bere erabakiarekin Espainiako Epaitegi Gorenak. Ertzain bakarra izan zen zigortua Iñigo Cabacasen heriotzagatik.
Ertzaintzak “eraldaketa sakona” aurrera eraman ondoren, “hobera” egin duela dio Segurtasun sailburuak. Cabacasen familiak “gezurretan” aritzea leporatu dio.
Cabacas kasuko auziperatuen “inpunitatea hautsi” eta berriz horrelako gertakaririk ez izatea bermatu behar dela azpimarratu dute manifestariek. Justizia egiteko borrokan jarraituko dutela ere adierazi dute.
Paintballeko eskopetekin koloredun pilotak tirokatuz Olagibel kaleko Ertzaintzaren komisaldegia margotu du Ernaik, Cabacas auziaren epaia salatzeko.
Cabacas auziko epaia salatzeko elkarretaratzeak egin dituzte Bilbon asteazkenean eta igandeko manifestazio handirako deia egin dute. Gasteizen mobilizazioekin jarraituko dute ostegunean.
Ostegunean eman zuen epaia Bizkaiko Lurralde Auzitegiko epaimahaiak. Iñigo Cabacasen guraso, senide, lagun eta kasuko abokatuek jakinarazi dute Auzitegi Gorenean helegitea jarriko dutela.
Iñigo Cabasen heriotzagatik kondenatutako ertzainak ez du kartzelara sartu behar izango, baina lau urteko inhabilitazioa ezarri dio Bizkaiko Lurralde Auzitegiko epaimahaiak.
Iñigo Cabacasen senide eta lagunek epaiketaren balorazioa egin dute ostiralean Bilboko Kafe Antzokian deitutako prentsaurrekoan. Beraien ahotik kontatu nahi izan diote jendarteari gertatutakoa, baita nola sentitzen diren ere.
Iñigo Cabacasen heriotza argitzeko epaiketaren azken aurreko egunean, behin betiko ondorioak eta eskaerak aurkeztu dituzte alde guztiek. Hasierako eskaerari eutsi dio fiskalak: ez du deliturik ikusten eta absoluzioa eskatu du akusatuentzat. Minduta, haserre, malko artean... [+]
Urriaren 15ean ekin zitzaion Iñigo Cabacasen heriotzaren gaineko epaiketari, eta azaroaren 9an amaituko da. Orain arteko saioetan kontrajarri egin dira ertzainen gehiengoen eta kaleko testiguen bertsioak. Asteartetik aurrera adituek deklaratuko dute.