Madrilgo Soto del Realetik atera da astearte honetan Oihane Bakedano Maidagan hernaniarra, Etxeratek zabaldu duenez. 2002. urtean atxilotu zuen Guardia Zibilak, eta ordutik izan da espetxean euskal presoa.
ETAko kide izatea egotzita atxilotu zuten Bakedano, eta tortura zantzuak ikusita, atxiloketaren ostean tratu txarrak sufritu al zituen galdetu zioten Frantziako epaitegiek Espainiako Estatuari, Naiz-ek jaso duenez. Espetxealdiaren urte gehienak urruti eman dituela eta bakartuta egon izan dela gaineratu du hedabideak.