Urtzi Urrutikoetxea nazioarteko kazetariarekin mintzatu gara Radio Kobanen, iaz idatzitako Kurdistan-Argi bat ekialde hurbilean liburuari buruz. Testuak azken urteetako gertakizunei erreparatzen die, eta atzerago ere begiratzen du herri kurduaren egoera politikoa eta geopolitikoa azaltzeko. Emakumeen egoerak, jatorri kulturalak, hizkuntza kurduek, lau eskualdeen arteko ezberdintasunek edota ezer ezean geratu zen erreferendumak ere tartea daukate elkarrizketan. Urrutikoetxeak berak dioen moduan, argitalpenaren helburua da gaiari buruz euskaraz zegoen hutsunea betetzea.