Metropoli Forala irratsaioan, Laura Perez parlamentariarekin Nafarroako Ahal Dugu-Podemos alderdiaren barne krisiaz mintzatu gara. Alderdiaren egoera gero eta gehiago ari da korapilatzen. Azken orduotan ezagutu dugu Perezen aldeko parlamentariek bereganatuko dituztela bozeramaile postuak.
Hona elkarrizketan botatako hiru titular:
"Nire aurkako salaketa hau funtsik gabea dela frogatzen bada, zuzendaritzak dimititu beharko luke".
"Hasieratik baztertu egin naute eta betoa jarri didate; gezurra da nirekin deus adosten saiatu direnik".
"Ni erditik kentzearren Nafarroako aldaketa politikoa arriskuan jartzen ari da zuzendaritza; oso larria da hori".
Artikulu hau Euskalerria Irratiak argitaratu du eta CC-by-sa lizentziari esker ekarri dugu ARGIAra.