Barañaingo Gazteraiki topaketetan aurkeztu zuten proiektua. Arabako Ozetan egingo dituzte Euskal Herriko lehen neska gazteen udaleku feministak. Lehenengo egunean espazio bat zabalduko dute egitaraua denen artean osatzeko.
Helburu ugari izango dituzte neska gazteen udaleku feministek. Alde batetik, neska gazteak elkartu eta elkarrekin hausnartzeko espazio bat sortu nahiko lukete, zapalkuntzei aurre egiteko tresnak sortzeko. Horrela, aldi berean, neska gazteak ahalduntzea dute xede, formakuntza eta autoestima bultzatuz. Guztia ez da esparru formalera mugatuko, baina: aisialdirako tartea ere izango da neska gazteen udaleku feministetan. Honela laburbildu dituzte helburuak: "Neska gazteon kezkei erantzuteko jarriko ditugu martxan Udalekuak, gure nahiei kasu egiteko, elkar zaintzeko eta gorputzak zein barruko korapiloak askatzeko; libre eta feminista izateko behar dugun hori geureganatuz edota sortuz".
Antolakuntza astunegia ez izate aldera, bestalde, leku kopurua 100 neska gaztera mugatu dute. "Botere helduaren eta botere patriarkalaren aurrean segurua izango den espazio bat sortzeko", halaber, neska eta gazteei mugatuko dizkiete topaketak, baita euskaldunei ere -hizkuntza ulertu edo adierazteko zailtasunak dituztenentzat bitartekoak jarriko dituzte, halere-.
Azaldu dutenez, mugimendu orokorrari ekarpena egin nahiko liekete topaketa hauekin: "Udalekuak ez dira burbuila isolatu bat izango espazioan, modu zuzenean edo zeharka, Euskal Herriko mugimendu feministari ekarpena egiteko asmoa dute".
Antolakuntza eredua parte hartzailea izan dela jakinarazi dute lan-talde desberdinak osatuz bakoitzak bere alea jarriz askoren arteanudalekuaren egitura eraikitzeko: sukalde, egitaraua, azpiegitura...
Informazio gehiago: gazteudalekufeministak.eus
Albiste hau Topatuk argitaratu du eta Creative Commons lizentziari esker ekarri dugu.
Herrialde berri batera moldatzeak dakarren astindu identitarioaz gain, migrazio-bidaietan eta berton aurre egin behar dieten indarkeriek oztopatzen dituzte etorkinen bizipenak. Psikoterapia da ondoeza sendatzeko bide bat, baina ez bakarra.
Genero eskubideen urraketaren inguruan mintzatu gara Silvina Molina kazetariarekin. Télameko (Argentinako albiste agentzia publikoa) Generoen eta Aniztasunen ataleko editorea zen Molina, Javier Mileiren gobernuak martxoan agentzia itxi zuen arte. Kazetaritza, inklusioa... [+]
«Gatazkaren konponbidean baliagarria izango delakoan» EH Bilduko Lantalde Feministak egindako hausnarketa plazaratu du Arma Plazan. Igor Enparan alkateari «Jaizkibel konpainiak bakarrik betetzen duen legea betearazten hasteko, eta Alarde bakarra, guztiona eta... [+]
Baionako festetan errepikaturiko eraso sexistei dagokienez Herriko Etxeak politika eta erantzun eskasak bideratu izana salatu du Ipar Euskal Herriko mugimendu feministak. Herriko kontseiluaren batzarrera sartzen saiatu dira 30 bat lagun, baina ateak hetsirik kausitu dituzte.
Kirol ugari egin ditu Mercedes Ortega Barrenak (Bilbo, 1967); hala nola atletismoa, paddel surfa eta orain arrauna. Hondarribiko HS2 Surf Center eskolako Dragon Boat taldeko kidea da. Batik bat minbizia duten edo izan duten emakumez osaturiko taldea da. Barrenak nabarmendu du... [+]
Gure bizitzan zehar, jaberik gabeko zenbat ibaitan bainatu gara? Senarrik gabeko zenbat baratzetatik elikatu gara? Zenbat hazi kreole lorarazi ditugu aitarengandik, osabarengandik edo anaia ezkongabearengandik heredatu ez ditugun lurretan? Azken batean, zenbat emakume ezagutzen... [+]
Lan kontu bat dela eta berrirakurri behar izan dut liburu zoragarri hau. Teoria, genealogia eta historia feminista batzen dituen liburu motz honek kritika ugari izango zituelakoan sarean begiratu eta, sorpresa! bakarra aurkitu dut, Irati Majuelok Berria-n idatzi zuena.
Iruñerriko mugimendu feministak elkarretaratzea egin du uztailaren 7an, bezperan izandako lau eraso salatzeko. Berriozarren eta Tuteran bi gizon atxilotu dituzte sexu abusuengatik.
Desiraren, genero identitatearen eta erotikaren ikuspegia zabaltzeaz mintzatu da Igor Nabarro sexologoa. Nerabezaroan muineko lesio bat izan zuen, eta hori dela-eta zalantzan jarri zituen maskulinitatea eta sexualitatea. Salatu du istripuaren ostean ez zuela inongo heziketa... [+]
Lau hamarkada luzeko ibilbidea du Euskal Herrian bolleren borrokak; garaiko lesbiana feministen oinordekoak dira. Desira eta identitate sexual hutsa baino askoz gehiago da bollerismoa: sistema zisheteropatriarkal eta koloniala borrokatzeko estrategia politikoa, gorputzetik eta... [+]
Kaleak bete dituzte LGTBI Komunitatearen Nazioarteko Egunean. Salatu dute erakundeek aurpegia garbitzen dutela keinu sinbolikoekin.
Ipar Euskal Herriko lehen Emakumeen Etxeak ateak zabalduko ditu ondoko hilabeteetan Urruñan. Ostegunean, ekainaren 27an, ukan dute sorrera finkatzeko biltzar nagusia eta horren berri eman digu Véronique de la Devèze militante feministak.
Askotariko lanak egin ditu Miren Gaztañagak antzerkian, zineman zein telebistan, baita dantza edo musikari lotutako proiektuetan ere. Txani Rodriguezen Los últimos románticos (Seix Barral, 2020) eleberrian oinarritutako pelikularen errodajea amaitu... [+]
Iaz, Señora Sariketa irabazi zuenean, Maider Arregik “inporta zaizkion jendea eta kausak” aipatu nahi izan zituen agurrean: “Infernu auzokoak, bollerak, marikak, AHTren kontra dabiltzan lagunak, okupazioaren aldekoak…”. Horiek denak eta... [+]