Nazioarteko adituek babestu dute Kontseiluak sustatutako hizkuntza eskubideen protokoloa
Hizkuntza Eskubideak Bermatzeko Protokoloa marrazteko bilerak ari dira egiten egunotan Donostian. Bertan, Protokoloaren lehen zirriborroa egingo du batzorde zientifikoak, Donostia 2016 Fundazioak eta Euskararen Gizarte Erakundeen Kontseiluak sustatuta. Batzordea nazioarteko hainbat adituk osatuko dute.
Adituok hizkuntzalaritza eta zuzenbidearen alorrean sona handia duten akademikoak dira. Guztira hamabost izango dira, eta momentuz hamahiru aurkeztu dituzte. Martxoan Protokoloaren oinarriak finkatu zituen Talde Antolatzaileak, eta orain Batzorde Zientifikoak “ekarpen kualitatiboak” egingo ditu. Testua gizartearen ekarpenei irekiko zaie urtarrilean.
2016ko abenduan aurkeztuko dute Protokoloa, Donostian egingo den Europako Hizkuntza Aniztasunaren Goi Bileran. Honek jarraipena emango dio 1996an Bartzelonan aurkeztutako Hizkuntza Eskubideen Deklarazio Unibertsalari.
Protokoloaren prestakuntza, “ondobidean”
Donostia 2016ko zuzendari Pablo Berastegiren esanetan, batzorde zientifikoaren eraketa urrats “oso garrantzitsua” da Europako Hizkuntza Aniztasunaren Goi Bileraren barruan. Bere iritziz, azken hau Donostia 2016ren programako “proiektu nabarmenenetakoa” da.
Kontseiluko idazkari nagusi Pau Bilbaok, bere aldetik, momentuaren garrantziari egin dio azpimarra: “Une honetan Europan hizkuntzen berreskurapenaren alde lan egiten duten gizarte eragileen ahalduntze historikoan beste urrats bat ematen ari gara”. Bestalde, protokoloaren prestakuntza bide onetik doala nabarmendu du, adieraziz adituek “prestasun handia” erakutsi dutela proiektuaren alde lan egiteko.
Batzorde zientifikoko kideak
Hauek dira orain arte aurkeztu dituzten kideak:
- Alexandra Buchler. Literature Across Frontiers erakundeko zuzendaria, eta Erresuma Batuko itzultzaile elkartearen zuzendaritzako kidea.
- Conchur O Giollagain. Gaelikoaren ikerketetan irakasle da Highlands Unibertsitatean
- Davyth Hicks. ELEN Europako Hizkuntza Berdintasunaren Aldeko idazkari nagusia eta Eurolangeko zuzendaria.
- Robert Dunbar. Edinburgoko Unibertsitateko irakaslea, zuzenbidean aditua.
- Elin Haf Gruffydd Jones. Mercator Institut for Media, Language aand Culture erakundeko zuzendaria.
- Ewa Chylinski. ECMI Gutxiengoen Aferetarako Europako Zentroaren lurralde zuzendaria Kaukason.
- Ferran Suay. Psikologian doktorea eta Valentziako Unibertsitatean psikobiologia irakasle
- Iñaki Martinez de Luna. Soziologoa, Eusko Jaurlaritzako Prospekzio Soziologikoko Kabinetearen arduraduna.
- Iñigo Urrutia. Zuzenbide administratiboko irakaslea EHUn.
- Jaume Vernet. Zuzenbide Konstituzionalean katedraduna. Consell de Garanties Estatutàries de Catalunya erakundeko kidea.
- Johan Haggman. European Bureau for Lesse Used Languages bulegoko aholkulari ohia, eta Europako Batzordeko eta Parlamentuko aholkularia.
- Maria Pilar Garcia Negro. Hizkuntza Eskubideen Deklarazio Unibertsalaren idazleetako bat.
- Miquel Strubell. Linguamon hizkuntza aniztasunaren katedrako zuzendari ohia. Europako Kontseilurako aholkulari lanak egin ditu.
Atzera begira, inork gutxik uste du 2016ak bere helburu kulturalak bete zituenik. Kontrara, ordutik hona, hiriaren turistifikazio masiboaren erantzuleetako baten moduan ikusten dute askok egitasmoa. Baina zer zioten garaian hiriburutzaren kontrakoek? Izan al du hiriburutzak... [+]
Urteak igaro genituen “Donostia 2016” entzuten. Europako kultur hiriburua, herritarren energia olatua, elkarbizitzaren kultura... Hitz handien atzean, krisiz eta gatazkez betetako prozesua izan zen. Nork ez du oroitzen Odon Elorza eta Juan Karlos Izagirreren arteko... [+]
Iazko abenduko egun bat izan zen, larunbat goiza. Ahoz aho zabaldutako informazioari esker izan nuen filmaren proiekzioaren berri eta kulturgune batera joan nintzen, Donostian, gauza handirik jakin gabe: zer ikusiko genuen pantailan, sarrerarik ordaindu behar ote zen, zenbat... [+]
Donostiako Udalak eta Donostia 2016 kultur hiriburuaren zuzendaritzak kalkulatu dute kultur hiriburuak 47,1 milioi euro utzi dituela hiriko ehundura ekonomikoan. Kultur hiriburuaren aurrekontua 46,8 milioi eurokoa zela.
Azkar pasa da Donostia Europako Kultur Hiriburu izan den urtea ezta? Nolanahi, errepasatzen hasita etorkizunean ere zeresana eman dezaketen gaiak plazaratu dira proiektuaren inguruan. Donostia 2016ri begiratu diogu, Donostia 2017tik.
Jaurlaritzarentzat momentu egokia dirudi probatzeko ea kulturaren gauza honek balio duen normalizazio sozial eta politikoa lortu izana poltsikoratzeko ere.
Europako hizkuntza gutxituetako hiztunen eskubideak bermatzeko sortu da Donostiako Protokoloa. Kursaal Jauregian egin dute honen aurkezpena. Kontseiluak eta Donostia Fundazioak sustatutako proiektuak 185 neurri ditu bere baitan.
Larunbatean, 11:30ean hasita zuzenean ikusi ahal izango da zuzenean ARGIAn.
Hizkuntza Eskubideak Bermatzeko Protokoloa Europako 50 bat hizkuntza komunitatetako ehundik gora eragilek sinatu dute. Abenduaren 17an, ekimenaren bultzatzaileek, Donostia 2016 Europako Kultur Hiriburuak eta Kontseiluak, Donostian aurkeztuko dute. ARGIAk streaming bidez... [+]
Espetxeetan eta zentro psikiatrikoetan dauden pertsonek egindako lanak biltzen dituen erakusketa batetik erretiratu ditu antolakuntzak euskal presoei zegozkienak: "Biktimei min eman diezaiekegu".
Donostia 2016 Europako Kultur Hiriburutzak zentsuratutako lan batzuk Antiguako Txantxarreka gaztetxean jarriko dituzte ikusgai larunbatean.
Espetxeetan eta zentro psikiatrikoetan dauden pertsonek egindako lanak biltzen dituen erakusketa batetik erretiratu ditu antolakuntzak euskal presoei zegozkienak: "Biktimei min eman diezaiekegu".
Donostiako udaletxearen aurrean protesta egin dute kolektibo eta eragile ugarik deituta, Demokrazia Zuzenaren Foro Globalaren irekiera ekitaldia baliatuz. “Donostia ez da eredugarria demokrazian, Donostiako Udalak jardunaldi hauen aurkezpenean dioen bezala”.
Donostiako udaletxearen aurrean protesta gisa kontzentrazioa deitu dute azaroaren 16an hiriko hainbat taldek: Satorralaia, Errausketaren Aurkako Mugimendua, SOS Miracruz 19, Stop Desahucios, Eleak/Libre, LAB. EH Bildu eta Ahal Duguk ere babesa adierazi dute. Egun horretan... [+]