NATOk gogor egin du Txina eta Errusiaren kontra, 75. urteurreneko goi-bileran
Sortu zela 75. urteurrenean egindako gailurrean, Aliantza Atlantikoak Txinaren kontrako mezua gogortu du eta herrialde asiarrari egotzi dio Errusia laguntzea Ukrainako gerran. Kievi laguntza gehiago emateko konpromisoa adierazi dute NATOko 32 kideek eta Europako herrialdeek gastu militarra are gehiago handitzea eskatu dute.
Norabidea aldatu ezinik dabilen transatlantiko handi bat balitz bezala, NATOk jarraitzen du gerra hotzaren garaiko hizkera belizistarekin mundu mailako gerra-eskalada tenkatzen. 75. urteurrenean Txina jarri du berriz ere jo puntuan, Errusiak Ukrainan daraman gerraren "bideratzaile funtsezkoa" dela egotzita.
"Uste dut NATOk goi-bilera honetan bidalitako mezua oso indartsua eta argia dela: argi eta garbi ari gara definitzen Txinaren erantzukizuna Errusiaren gerra baimentzerakoan", azaldu du erakunde militarraren idazkari nagusi Jens Stoltenbergek.
Komunikatu batean, Aliantza Atlantikoak kezka erakutsi du Pekinen armategi nuklearragatik, bere esanetan ojia nuklearrak zabaltzen ari delako, nahiz eta ez duen hori frogatzeko beste daturik eman: "Mehatxu hibridoei, zibernetikoei, espazialei eta bestelakoei aurre egin behar diegu, bai eta estatuaren parte diren eta estatukoak ez diren aktoreen jarduera maltzurrei ere", dio onarturiko testuak. NATOren aburuz, Errusia eta Txina "nazioarteko ordenaren joko-arauak aldatu nahian" dabiltza.
Pekinek berehala arbuiatu ditu AEBen eta enparauen hitzak, "probokatzaileak eta gezurrez beteak" direla esanda, The Guardianen irakurri daitekeenez. Txinako Kanpo Gaietarako Ministerioak NATOri eskatu dio mantendu dadila Asia eta Pazifikoko eskualdetik kanpo eta bere "erretorika beligerantea" gaitzetsi du.
Washingtonen egunotan egin den goi-bileran, NATOko kideek onartu dute Kievi laguntza gehiago ematea. 2022tik urtero 40.000 milioi euroko laguntza eman izan dio Ukrainari. Aliantza Atlantikoak bere adierazpenean esan du Ukraina erakunde barruan sartzea "atzeraezina" dela, baina beti ere azken nabardura bat eginda: "Baldintzek ahalbidetzen dutenean".
Aliantza Atlantikoak bere adierazpenean esan du Ukraina erakunde barruan sartzea "atzeraezina" dela, baina beti ere azken nabardura bat eginda: "Baldintzek ahalbidetzen dutenean"
Nolanahi ere, diruaz gain, armak esportatzen jarraituko dute Ukrainara. AEBek bezala Alemaniak, Herbehereek, Italiak eta Errumaniak misilen kontrako aire bidezko sistema sofistikatu eta garestiak prest dituzte bidaltzeko.
Gastu militarra handitzen eta handitzen
AEBetako presidente eta gailurraren "anfitrioi" Joe Bidenek gastu militarra aipatu du bere diskurtsoan. Duela bi urte aurrekontuaren %2 armetara bideratzen zuten herrialdeak gutxiengoa zirela gogorarazi du eta gaur egun 23 herrialdek zifra hori gainditzen dutela, NATOko kideen bi herenek. 2024an gastu militarra %18 handitu da orotara.
Baina armak ekoizteko "gaitasun industrialak" are handiagoa izan behar duela ohartarazi du Bidenek. Eta NATOren komunikatuak ere ildo beretik jotzen du: "Kasu askotan, BPGren %2tik gorako gastua beharko da", dio erakunde militarrak, bere aburuz dauden "gabeziak" konpontzeko.
Testuinguru horretan, Erresuma Batuko lehen ministro Keir Stamerrek iragarri du 64.600 milioi liberatik (76.669 milioi euro) 87.100 milioi liberatara (103.371 milioi euro) handituko duela defentsarako gastua, eta gauza bera egiteko eskatu die NATOko gainerako kideei: "Uste dut esan beharko genukeela noiz iritsiko garen %2,5era. Ez da nahikoa esatea 'egoerak ahalbidetzen duenean', Putin ez da gure egoera nahikoa ona izatearen zain egongo erasoa jotzeko", esan du.
Nafarroan torturatutako ia mila pertsonaren errealitatea eraldatzen hasi berri dela azaldu du antolakuntzak. Nafarroako torturaren biktimen lehen aitortza ofiziala aurtengo apirilean egin zen, eta oraingoa antzeko prozesuetatik igaro diren beste torturatuekin eta gaian aditu... [+]
Israel Katz da Defentsa ministro berria, orain arte Atzerri ministro izandakoa. Erabakiak israeldarren kexua eragin du eta milaka dira karriketara atera. Israelgo Gobernuko oposizioko ordezkariek prentsaurreko bateratua eskainiko dute azaroaren 6 honetan. Bizkitartean, Israelen... [+]
“Proposamen ausart, integral eta prestuen tenorea etorri zaigu (…) Euskal Herria munduko altxamenduen artean sar dadin berriro”, bota zuen Hartzea Lopez Arana adiskideak ARGIA aldizkarian 2018ko uztailean argitaratu zuen “Oldartze eraginkor baten... [+]
Japonia, 1945eko abuztuaren 6a eta 9a. AEBek bonba atomiko bana bota zuten Hiroshima eta Nagasaki hirietan milaka eta milaka hildako eraginez; kopuru zehatzik ez dagoen arren, urte horren bukaeran hildakoak gutxienez 210.000 inguru izan zirela diote kalkulu zuhurrenek. Baina... [+]
Kontatu –ezta iradoki ere– ez digutenez, imajinatu egin beharko dugu. Gertatu, halatsu gertatuko zelako, gutxi gora behera.
Domeka euritsu honetan, arduraz bizi dugu munduan dauden gatazka askotarikoak direla ezinegonean bizi diren pertsonen zoria. Urrunetik, badirudi boterera jokatzen duen hainbat agintariren eskuetatik ezin garela askatu. Beti bere burua babestu behar duen susmoarekin bizi da... [+]
(Baina Kievek Errusiari eraso egiten uzteak gerrara eraman gaitzake zuzenean).
George Beebe CIAko Errusiako analisi zuzendari ohia da eta bere artikulu hau Rafael Poch kazetariaren blogean argitaratu dute gaztelaniaz eta Brave New Europe webgunean ingelesez.
Udan ohikoa izaten da albiste asko opor garaien etenak estaltzea. Eta egia esan, estalita baleude, kasik hobe. Gerra hotsen doinuak jarraitzen baitu dantzan jartzen kontinente zaharra.
2022an, urteko aurrekontuan onartutakoa baino %20 handiagoa izan zen inbertsio militarra; 2023an, %30 handiagoa. Europako herrialdeen gastu militarra Gerra Hotzaren amaierakoa baino handiagoa da une honetan.
Bigarren Intifadaz geroztik ikusi gabeko eraso "antiterroristari" ekin dio Israelek Zisjordanian. Jenin, Tulkarm eta Tubas hiriak izan ditu jomuga drone, helikoptero eta batailoi militarren bidez, eta gutxienez bederatzi lagun hil ditu jadanik. Hainbat iturriren... [+]
Haurra nintzenean, etxean ohitura zen arratsaldeko zortzietan egiten ari ginen hori albo batera utzi, telebista piztu eta ETB1eko albistegia ikustea. Hasieran sekulako amorrazioa sentitzen nuen gaueroko kate aldaketa bidegabe horien aurrean, eta gurasoei galdetzen nien ea nola... [+]
Maiatzaren 30ean Nafarroako Gobernuak zenbait biktimaren aitortza egin zuen eta senitartekoek Sekretu Ofizialen Legea bertan behera uzteko eskatu zuten. Horien artean, Mikel Zabalza eta Mikel Arregiren familiak. ‘Naparraren’ anaiak ere egina du eskaera hori. Eneko... [+]
Munduko erakunde militar suntsitzaileenak 75 urte bete ditu, eta eztei horiek behar bezala ospatzeko, esan du bere kideek gehiago gastatu beharko dutela armetan. Gainera, urtemugaren goi bileran beste potentzien kontrako gerra hauspotu du NATOk, Txinaren eta Errusiaren kontrako... [+]