Nafarroaren Eguna Baigorrin: jendea mendian gaindi herria bere bidean
Nafarroaren Eguna igande honetan, apirilaren 30ean, Baigorrin. Zenbatgarren ote ekitaldia? Zenbat izaten dira bertaratuak? Zenbakiek ez dute munta, jendeak konta du. Basaizea elkarteak “Kartsuki, alaiki, herria eraiki!” deiadarra egin du honezkero.
Usaian berean, egunaren abiaburuan baigorriarek Tafallako herritarrei harrera berezia eginen diete. Urtero bezala jendeak plaza nagusia hartuko du goizdanik. Egitarauak askotariko ekimenak iragarri ditu. Aurten Kartsuki, alaiki, herria eraiki!, leloari beste lema bat erantsi diote antolatzaileek “Eraso sexistarik ez!”. Belaunaldi anitz bildu ohi da Herriko Etxeko plaza aitzinean, eta aldarria jende guztiei helarazi nahi diete antolatzaileek.
Basaizeako elkarteko kide Amaia Castorene honela mintzatu zen Egunaren aurkezpenean: “Kultura eta hizkuntza sustatzeko baliabide gehienak guk erdietsi ditugu, herritarrok. Instituzioen beha izan ohi gara euren ezagupena ukaiteko eta proiektuak eraikitzeko, alabaina, funtsean, guk geuk herritarrok egin behar izaten dugu".
Eraso sexistarik ez!
Konparazionera, Eraso sexistarik ez! aldarria lelo hutsean gera ez dadin, antolatzaileek urte osoan izaten diren eraso sexistak ekiditeko moldeak sustatu nahi dituzte jai egun honen karietara. Gaiaz eztabaidatzeaz gain, hainbat ekimen zehatz jarri nahi dute abian, film proiekzioak eta eztabaidak besteak beste. Hau da, “gai minbera hau itzaletik ateratzen lagundu nahi dute” baigorriarrek.
“Alaiki" elearekin, baigorriarrek “lan horretan plazera hartzen” dutela erakutsi nahi izaten dute: “Eginkizun horretan bat egiten dugu”. Azken hilabetetan gizarteak sustatutako desmartxek lema nagusiari haizutasuna eman dio, diote Basaizeako kideek
Nafarroaren Eguna, egun bat baino gehiago da ordea, bai espirituz bai egitez. Iragan asteazken honetan, eskualde bereko Ortzaize herrian gizarte zibilaren engaiamenduari buruzko gogoeta eztabaida egin dute,lema osoaren “herria eraiki” zatiari zentzurik eman aldera. Mizel Bergouignan (Bakegileak), Angel Oiarbide (Gure Esku Dago), Begoña Uharte (Ongi etorri errefuxiatuak) eta Dominique Amestoy (ELB-Lurzaindia) jardun dira mahai-inguruan.
Urtero legez, Tafallarekin bat
Ebiakoitzean –larunbatean, eskualdeko artistak Baigorriko elizan bilduko dira, 21:00etan. Sinfo Niko gaualdian iragan bi urteetan abiatutako ekimenari amaiera eman nahi diote hainbat musikarik. Errepertorio klasikoa eskainiko dute orkestra sinfonikoak lagundurik.
Edonola ere, egitarauan gustu guztietako eskaintzak daude. Musika estilo anitz entzunen dira Baigorrin gaindi. Jai giro horretan, besteak beste, Tafallako lagunak izanen dira, Baigorrirekin senidea den hiriko herritarrei leku berezi izaten baitute Nafarroaren Egunean.
Baionan Loverdose eta Atharratzen Bekat’uros egin den bezala, Oztibarren (Nafarroa Beherea) Debrien Figurak feminismoaren eta transfeminismoaren inguruan antolatutako egunak arrakasta izan du.
Kasu Hegoaldeko begirada horri. Lehen-lehenik desmitifikatu larre berde, etxe zuri eta teila gorrien lur ederrekiko miresmen itsua, halako maitasun inkondizionala, hizkerari eta ustezko bizitzeko manerari loturiko fetitxismoa. Utz, Ruper Ordorikari sarri entzun gisan,... [+]
Baigorri eta Tafalla herrien arteko senidetzea ospatuko dute asteburuan Baigorrin. 1978an hasi ziren lehen harremanak, baina hautetsien aldaketarekin pixka bat galdu zen ondotik. Haatik, duela hiru urte Tafallakoak berriz Baigorrira hurbildu ziren.
Urepele, Aldude eta Banka herriak batzen dituen Aldudeko ibarra bizirik eta airoski bizirik atxikitzeko asmoz dabil lanean AIBA Aldudeko Ibarra Beti Aitzina elkartea. Solastatzeko dorpea izan daitekeen gai bat mahai gaineratu du aldi honetan, urriko bigarren asteburuan eginen... [+]
Larunbatean ospatu dituzte Ttinka mikro haurtzaindegiaren bost urteak Lakarran. Baxe Nafarroko euskara hutsezko egitura bakarra da, Euskararen Erakunde Publikoaren B ziurtagiriduna.
Odei Etxeberri Bimboire, Gorka Roca Torre eta beraien seme Oihan eta Miru buruaskiak dira elikaduran. Horretarako, aztertu behar izan dute gorputzak zer elikagai eta zein kopurutan behar dituen; horiek zein janaritan dauden; urtaro bakoitzean horiek denak eskuratzeko zer landu... [+]
Mahaño Lanathoua 2017an hasi zen aitaren lurretan arbolak landatzen, oihan baratzea lantzeko ideiarekin. “Hasieran asmoa ez zen horretatik ekonomia bat sortzea, gure buruaskitasunerako bidean pausoak ematea baizik”, gogoratu du laborariak. Baina, landaketekin... [+]
Ezbeharra astelehen goizean izan da, eta gizonaren emazteak 13:23ean dei egin die larrialdi zerbitzuei. Bi biktimak bihotz-gelditze egoeran aurkitu dituzte, eta sorospenek ez dute lortu horien bizitza salbatzea. Umea herriko bizilaguna zen.
Mugaz gaindiko uda ikastaroak abiatu dira astelehen honetan ostiralera arte irauteko Baionan eta Hizkuntza Politika berrirako urratsak Ipar Euskal Herrian aztertuko da.
Nekazaritzaz eta abeltzaintzaz askotan entzuten da lanbide "oso lotua" dela, jai egunik edo oporrik ez dela existitzen. Ipar Euskal Herriko Onetik eta Etxaldia gasnategiek, Berria eta Aldudeko Esne Kooperatibekin elkarlanean, laborariei bakantzak bermatzeko egitasmoa... [+]
Azken urteetan bezala, belaunaldi eta gustu guztiei zuzendutako kalitatezko eskaintza oparoa proposatzeko xedea adierazi du EHZko antolakuntzak.
ARGIA festibalaren babesle eta laguntzaile da eta han izango gara: BTN bideopodcastaren atal berezia grabatuko dugu larunbat goizean,... [+]
Meg Ostrum estatubatuarraren liburu bati esker ezagutu dugu batzuok Charles Scheppens mediku belgikarraren eta Jean Sarochar artzain baxenabartarraren historia zirraragarria: Bigarren Mundu Gerraren garaian ihesbide bat garatu zuten Mendibe herrian eta Iratiko basoan barna,... [+]
Euskararen egoera soziolinguistikoa aztertu, eta Kultur Erakundeko lehendakaria eta Eusko Batasuna alderdiko kide izan zen. Astelehenean zendu zen 96 urterekin.
Izurako Latsaga zalditokian egingo dituzte emanaldi guztiak, hamar saio, maiatzaren 31tik ekainaren 16a bitartean. Ximun Fuchsek idatzitako obrak "ikuspegi integratzaile eta kolaboratiboa" du oinarrian, landa eremuko lurraldearen lekukotasunak bildu eta "tokiko... [+]
Egitarau aberatsa muntatu du beste behin Basaizea elkarteak: bertsolariak, dantzariak, gaiteroak, txarangak, herri bazkaria, merkatua eta kontzertuak. "Folklorismotik haratago", euskararen zilegitasuna aldarrikatuko dute Baigorritik apirilaren 28an.