Nafarroako Gobernuak 2025eko aurrekontuen proiektua aurkeztu du, EH Bilduren oniritziarekin
EH Bilduk seigarren urtez jarraian Chivite lehendakariaren aurrekontuak ahalbidetuko ditu, abstentzioaren bidez. Egungo akordioa mantenduz gero, abenduaren 19ko Osoko Bilkuran gauzatuko da proposamena.
Azkeneko hamarkadan egonkortasun politikoa bizitzen ari da Nafarroa alderdien arteko akordioei dagokienez. 2019an María Chivite Nafarroako Gobernuko lehendakari izendatua izan zenetik, urtez urte gobernuak EH Bildu aliatu izan du legebiltzarrean aurrekontuak adosteko garaian. Aurretik ere, 2015 eta 2019 bitarteko legealdian, Uxue Barkos presidentearen kontu ekonomikoak arazorik gabe onartu ziren, orduan Geroa Baik, EH Bilduk, Podemosek eta Izquierda-Ezkerrak osatutako gobernuak gehiengo osoa baitzuen.
Aurrekari hauek guztiak gogora ekarriz mintzatu da Laura Aznal EH Bilduko bozeramailea bere alderdia eta gobernuaren arteko adostasuna aditzera eman bezain pronto: “Akordio honekin, hamarkada bat beteko da UPNk eta eskuinak ez dituztela Nafarroako politika publikoak baldintzatzen”.
PSNko Jose Luis Arasti Ogasun eta Ekonomia kontseilariak esan du “aurrekontuen harira gobernuarekin harremanetan jarri den alderdi bakarra EH Bildu” izan dela. “Helburua zerbitzu publikoak babestea eta berdintasunezko aurrerapen ekonomiko eta soziala ahalbidetzea da", laburbildu du. Sailburuak zehaztu duenez, PSNk, Geroa Baik eta Contigo-Zurekinek guztira hamabost milioi euroko tartea izango dute zuzenketak egiteko, EH Bilduk ordea 4,4 milioikoa. Hau da, gobernua babesten duten alderdiek dagoeneko adostu eta datorren astean publikatuko den proiektuaren gaineko %10 eraldatzeko gaitasuna dute gehienez, eta EH Bilduk %3.
Unai Hualde Nafarroako Legebiltzarreko presidentea bat etorri da zerbitzu publikoak “indartzearen” helburu zentralarekin. Honek aurreratu duenez, lege proiektua foru Aldizkari Ofizialean argitaratuko da azaroaren 5ean. Ondoren, alderdiek sei eguneko epea izango dute osoko zuzenketak egiteko eta beste astebete zuzenketa partzialak egiteko.
Eskuina kontra aho batez
Azaroaren 21ean osoko bilkuran proiektuaren osoko zuzenketak eztabaidatuko lirateke, halakorik egotekotan, eta abenduaren 9tik 13ra bitartean zuzenketa partzialak eztabaidatuko lirateke Ekonomia eta Ogasun Batzordean. Azkenik, eta sorpresarik egon ezean, parlamentuaren osoko bilkurak abenduaren 19an bozkatu eta onartuko lituzke aurrekontuak, aipatutako bost alderdien aldeko botoekin eta UPN, PP eta Voxen aurkakoekin.
PSNk, EH Bilduk, Geroa Baik eta Zurekin Nafarroak bat egin dute Borboiak Nafarroako kultura sari nagusitik at gera daitezen. Espainiako erregeak 2015etik, Uxue Barkos lehendakari zenetik, ez daude ekitaldi handi honetara gonbidaturik.
ELA, LAB, ESK, Steilas, Etxalde eta Hiruk herri ekimen legegilea aurkeztu dute Eusko Legebiltzarrean eta Nafarroako Parlamentuan, gutxieneko soldata propio baten alde. Lanbide arteko akordio bat lortzeko ekimen bateratuak ere iragarri dituzte. Eusko Jaurlaritzak begi onez ikusi... [+]
Arazo mentalak dituztenen kopurua haziz doa, oraindik ere estigma sozial handia dute atzean eta, horri aurre egiteko, buruko nahasmenduren bat dutenak lan mundura bideratzen saiatzen da Elkarkide, Nafarroako Parlamentuan azaldu duenez. Lan horretan jarraitzeko laguntza eskatu du.
Irakasle hau egokitzen zaielarik, 6-9 urteko haurrengan beldurra, amesgaiztoak, antsietatea, negarra… orokortzen direla salatu dute Atarrabiako Atargi ikastetxeko gurasoek. Urtetako arazoa konpontzen ez dela-eta, haren klaseei planto egitea erabaki dute. Guraso elkarteko... [+]
"Erorien Monumentuaz sozialistekin akordioa lortu izan ez balitz, eraikinak bere horretan jarraituko luke aurrerantzean ere eta hori zen guk onartzen ez genuen aukera bakarra”. Hala dio Joseba Asironek. Entzun elkarrizketa osorik hemen sakatuta.
.jpg)
Sortu berri duten organoaren eginkizun nagusien artean daude, besteak beste, diskriminazioaren aurkako politikak sortzea, migratzaileen eta gutxiengo etnikoen elkarteen parte hartzea sustatzea, Nafarroako arrazakeriaren egoera globala aztertzea, eta Arrazakeriaren eta... [+]
Nafarroako Legebiltzarrean datorren urteko aurrekontuak ixteko negoziazioetan ari dira egunotan alderdiak, eta horietan adostutakoaren arabera, euskararen Euskararen Nafar Institutuak iaz baino 1,3 milioi gehiago izango ditu.
Osasun Legea aldatzea beharrezkoa dela adierazi du Nafarroako Osasun kontseilariak, hala nola Osasunbidea enpresa-erakunde publiko bihurtzea, bestela “luze gabe sistemak porrot” egingo duela argudiatuta. Sindikatuak ez daude formula horrekin ados.
.jpg)
Entitate sozial honen langileek Etxebizitza, Gazteria eta Migrazio Politiken batzordean agerraldia egin dute haien lana azaltzeko. Hizlariek etxebizitza duinak, bizileku zein lan baimena erraztea eta osasun mentaleko baliabide publiko gehiago eskatu dizkiote Foru Gobernuari... [+]
María Chivite lehendakariak esan du kezkatuta dagoela Alemaniatik Volkswagenetik datozen albisteekin, baina aldi berean, konfiantza duela multinazionalak Iruñean duen lantegian, orain arte iragarritako planak betetzen ari direlako.
Nafarroako "eremu mistorako" deialdi bakoitzean, banan-banan, zehaztu beharko da euskarari zein atzerriko hizkuntzei ematen zaien puntuazioa, eta eremu ez euskaldunean ez da euskara baloratuko. Nafarroako Gobernuaren "jarrera euskarafobo, atzerakoi eta... [+]
Nafarren %68,3 biltzen dituzten 21 udalerri tentsio handiko eremu izendatuko dituela aditzera eman du Begoña Alfaro kontseilariak. Albistea begi onez hartu arren, EH Bilduk aurrekontuak babestearen truke herrietan “hutsik dauden etxebizitzak bizigarri” egitea... [+]
Etxebizitzaren arazoari irtenbidea ematea du helburu Nafarroako Gobernuak hasitako prozesuak. Tentsio handiko eremu izendatu nahi dituzten udalerrien artean daude, besteak beste, Iruñea, Tutera, Lizarra, Tafalla, Corella, Noain, Cintruénigo, Baztan eta Altsasu... [+]
Hitzarmenak 1.035 euroko gutxieneko errenta bermatuko du eta euskara, osasuna eta etxebizitza izanen ditu konpromiso estrategiko nagusi. Hamargarren urtez jarraian, UPNk ez du batere eraginik izanen aurrekontuetan, urteroko legerik garrantzitsuenean.
Nafarroako Gobernua ezustean harrapatu du Zangozako Muga meatze proiektuari Justiziaren arlotik emandako ostikadak. Hala onartu du Mikel Irujo Trantsizio Ekologikoko kontseilariak. Espainiako Meatzeen Legea aldatu beharko litzatekeela esan du eta ez du argitu Nafarroako Justizia... [+]