Nafarroako Foruzaingoak ez ditu gomazko pilotak erabiliko
Nafarroako Legebiltzarrean atzo egin zuen agerraldian egin zuen iragarpena Maria Jose Beaumont Presidentzia, Funtzio Publikoa, Justizia eta Barne sailburuak.
Lau ordu luzez jardun zuen Beaumontek legealdirako bere sailak dituen asmoak azaltzen eta argi utzi zuen oso bestelako polizia eredua bultzatuko zuela. Pilotena izan daiteke horren sinboloetakoa. Gobernu akordioan bazegoen neurria eta aurki indarrean sartuko da.
Piloten erabilera eta debekua eztabaidagai izan zen iragan apirilean Eusko Legebiltzarrean. EH Bilduk pilotak debekatzea proposatu zuen, baina Eusko Legebiltzarrak ez zuen proposamena onartu. Horren ordez, piloten erabilera murriztea eta material hori apurka ordezkatzea erabaki zuen.
Nafarroan orain arte kargu horretan aritutakoetatik oso ezohikoa den doinu eta mezuekin aritu zen Beaumont barne sailburua. Lurraldean polizia gehiegi dagoela adierazi zuen, 7 polizia 1.000 biztanleko eta Europan ohikoena dela 3 polizia 1.000 biztanleko.
Foruzaingoak Foru Hobekuntzan aurreikusten diren eskumen gehiago hartzea aldarrikatu zuen, era horretan polizia kopurua jaitsi eta gastuak aurreztuz. “Hori gertatu ahala Estatuko Segurtasun indarrek eskumen horiek utzi beharko lituzkete pixkanaka. Hainbat polizia indar elkarren gainean dira Nafarroan eta eztabaida serio batean polizia eredu hori eutsiezina da”.
Delinkuentzia ekonomikorako unitatea
Beaumontek delinkuentzia ekonomikorako unitate baten sorrera ere iragarri zuen. “Polizia fiskalaren zereginetan arituko da eta delitu ekonomikoak ikertzeko polizia teknikak eta estrategiak erabiliko ditu. Lotura zuzena izango du Ogasun Saileko ikuskatzaileekin”.
Adierazgarria izan zen, halaber, Nafarroako Jauregiaren egoeraz esandakoak: “Iritsi nintzenean ezin nuen sinetsi ikusten nuena, bulegoetarako toki gutxi, instalazio elektrikoa egoera txarrean, hezetasunak hainbat sabaietan… Herritar guztiena den ondare hori zaindu eta ongi mantentzeko betebehar legezkoa eta morala dugu; baina horrez gain, bertan gaizki erabiliak diren 2.000 m2 ongi erabiliko balira, ez lirateke erabili behar orain garesti alokatzen diren beste eraikin batzuk”.
Gasteizko Martxoaren 3ko manifestazioaren aurka oldartzean Ertzaintzak gomazko pilotak erabili zituela salatu zuten zenbait eragilek eta pertsonek sare sozialetan, argazkiz lagunduta. Salaketak ez zuen oihartzun handirik izan, baina egia balitz gertaera esanguratsu baten aurrean... [+]
Villabonako Berdura plaza bete dute herritarrek otsailaren 13 iluntzean, Tolosako inauterietan Ertzaintzak gazte bati begia larri zauritu ziola salatzeko. Bere aitak azaldu ditu begian dituen lesio larriak eta Ertzaintzaren jokabidearekiko haserrea plazaratu du: "Ez da... [+]
16 urteko gazte billabonatar batek zauri larriak izan ditu begiaren inguruan, Ertzaintzak Tolosan igande gauean kargatu ostean. Tolosaldeko Atariak informatu duenez, pilotakada bat eman zioten.
2015ean PPk gehiengo absolutuz ezarri zuen Mozal Legea. Oinarrizko zenbait eskubide urratzen dituen arau sorta horrek kontrakotasun handia bildu zuen Espainiako Estatuko mugimendu sozial eta alderdi politikoen artean, baita nazioartean ere. Lege hori "ezbairik gabe derogatu... [+]
Iñigo Urkulluk asteartean adierazi du "sentitzen" duela Nahuel Gomezi gertatua. Ertzaintzak pilotakada batekin masail-hezurra hautsi zion Sansebastian egunez, lanetik etxera bidean zihoala. Naiz-en galderei erantzunez egin ditu adierazpen hauek, baina gertaera... [+]
Rosi Zarra donostiarra 1995eko ekainaren 30ean hil zen, 58 urterekin, Ertzaintzaren gomazko pilota batek sabelean jo eta zortzi egunera. Amara Berriko Bakearen Usoaren aurrean zauritu zuten, protesta batean istiluak sortu zirenean. Ertzaintzak ikerketa bat abiatu zuen Zarraren... [+]
Kataluniako poliziak inoiz izan duen "barne-ikerketarik handiena" izango dela adierazi du Kataluniako Gobernuko bozeramaile Meritxell Budók, El Mon hedabideak argitaratu duenez.
Oso gertutik jaurtitako pilota baten ondorioz begi batetik erdi itsu geratu zen Aingeru Zudaire gaztea 2012an, greba orokor baten testuinguruan izandako protestetan. Orain, Nafarroako Lurralde Auzitegiak absolbitu egin du pilotakada eman zion Espainiako Polizia.
Espainiar zein Frantziar burges diktadurei adierazpen askatasunak kalte egiten dienean, adierazpen askatasuna eta manifestazioak egiteko eskubideak debekaturik daude Euskal Herrian. Zer esanik ez, faxista ikusgarrienei babesa emateko bada, edozein gaia izanda ere. Matxinada... [+]
2017ko urriaren 1ean Espainiako Poliziak tirokatutako pilotakadaren ondorioz begietako bat galdu zuen Roger Españolek. Iridia zentroak jakinarazi du tiroa egin zuen polizia identifikatu duela. Datuak Bartzelonako epaitegiaren esku jarri ditu.
5 urteko kartzela zigorra eskatzen du Aingeru Zudaireren akusazioak Espainiako poliziaren kontra, gertutik tiro egin zuela argudiatuz. Fiskaltzak aldiz,absoluzioa defendatu du, polizi oldarraldia neurrikoa izan dela defendatuz. Zudairek azaldu duenez, 2012ko greba orokorraren... [+]
Christophe Castaner Frantziako Barne ministroak iragarri duenez, gomazko pilotak tirokatzeko armak erabiltzen dituzten polizia-agenteak larunbat honetatik aurrera bideo-kamera ere eramango dute, arma horiek nola erabiltzen dituzten erregistratuta gera dadin.
Iñigo Cabacasen senide eta lagunek epaiketaren balorazioa egin dute ostiralean Bilboko Kafe Antzokian deitutako prentsaurrekoan. Beraien ahotik kontatu nahi izan diote jendarteari gertatutakoa, baita nola sentitzen diren ere.
Urriaren 15ean ekin zitzaion Iñigo Cabacasen heriotzaren gaineko epaiketari, eta azaroaren 9an amaituko da. Orain arteko saioetan kontrajarri egin dira ertzainen gehiengoen eta kaleko testiguen bertsioak. Asteartetik aurrera adituek deklaratuko dute.