Nafarroako eskola libreek euren egoera alegala normaltzea eskatu diote Gobernuari
Asteazkenean izan zen Hezkuntza Berrikuntzarako Nafarroako Plataforma Foru Legebiltzarreko Hezkuntza Batzordean. Beren proiektu pedagogikoaren oinarriak azaldu zituzten eta eskatu zuten egun bizi duten egoera alegala bideratzeko.
Badira hainbat eskola libre Nafarroan, ez dituzte ikasle asko biltzen, baina nabarmentzen dira erabiltzen dituzten pedagogia aurreratuengatik. Duela hamabi urte sortutako Tximeleta izan daiteke horien artean ezagunenetakoa. Azken urteetan sortu dira beste batzuk ere, hala nola Ur Tanta Iltzarben, Taupa Taupa Olatzen, Kimuak Arterran edo Waldorf Elortzen.
Xabier Varon eta Pablo Lasa gurasoak, eta Cristina Sanchez eta Iñaki Zalba irakasleak izan ziren agerraldian. Haien hezkuntza proiektuaren ezaugarriak azaldu zituzten lehenik: haur bakoitzak bere erritmoa du eta hezkuntza ere horretara moldatu behar da. Horretarako irakaslean haurra gertutik entzuten du eta bere beharretara moldatzen da. Zeresanik ez, horretarako funtsezkoa da geletako ikasle ratioa oso txikia izatea. Gaur egun 6-8 ikasle ari dira gelako halako eskoletan.
Plataformako ordezkarien esanetan, hala ere, egoera alegalean daude eta horrek euren jarduera mugatzen du. Urteak dira egoera horretan daudela eta orain Nafarroako Gobernuari eskatzen diote harreman bati ekitea ikusteko zein nolako harreman mota izan dezaketen administrazioarekin euren egoera erabat legeztatzeko.
Parlamentarien aldetik aipatu zitzaien badituztela horretarako bide juridikoak, izan elkarte bat eratzea, kooperatiba bat edo haiek egokien irizten diotena. Pablo Zalbak ihardetsi zuen ez dela hain samurra, legezkoak izateak hainbat baldintza betetzea eskatzen duelako eta haiek ezin dituztelako horietako asko bete. Ariketa fisikorako aretoa jarri zuen adibide gisa, hori eskatzen da, baina euren tamainak ez die halakorik jartzeko aukerarik ematen.
Horrez gain, eskolen egoera prekarioak ere aipatu zituzten: irakasleek 1.000 euroren bueltan kobratzen dutela, gurasoek 200-300 euro ordaintzen dituztela hileko, eta gainera beste lan asko ere egin behar izaten dituztela. Azaldu zutenez, horiez guztiez jardun nahi dute Gobernuarekin, euren errealitatea behingoz eguneratu eta hobetzeko. Lotura honetan ikus daiteke agerraldi osoa.
Euskararen Defentsarako Sareak Nafarroako Gobernuak D ereduari jartzen dizkion trabak salatu nahi ditu. Argi dute Nafarroako Gobernua “edozertarako prest” dagoela “euskararen kontra” jotzeko. Horregatik, elkarretaratzea deitu dute uztailaren 2an,... [+]
Aspaldiko aldarrikapena onartu du Frantziako Gobernuak: laborantza lizeo pribatuetan formakuntza elebidunak eskaini ahal izango dira, “esperimentazio pedagogiko” gisa, alegia frantsesez bakarrik ez, euskaraz ere irakatsi ahalko da. Donapaleun eta Hazparnen baliatuko... [+]
Irakurtzen al dute –eta irakurritakoa ongi ulertzen al dute– haur eta gazteek? Eta helduok? Eskolan zein tarte eskaintzen zaio irakurketari eta literaturari? Nola prestatzen da ikasleei eskaintzen zaien liburu zerrenda eta nolako liburutegiak dituzte ikastetxeek,... [+]
Haur eta gazteek duten pantaila kontsumoarekiko kezka nagusi den garaiotan, fokua helduongan jarri eta familia guztiarentzako gomendio baliagarriak bidali dituzte Zurriola ikastolatik, pantailek ez ditzaten udako oporrak baldintzatu.
Botoen %55 lortu du Pascal Jocouk Beskoitzeko hauteskundeen bigarren itzulian. Fabienne Etchegaray aurkariak bozen %44 atera du. Hemezortzi kontseilari izango ditu gehiengoak, eta bost oposizioak. Berriako Ekhi Erremundegik eginiko elkarrizketan, ikastolaren aldeko konpromisoa... [+]
“Nafarroako Gobernuak duela lau urte eginiko promesari huts egingo dio beste behin ere”, salatu du Lizarraldeako Lokiz eskolako guraso elkarteak. Orain 7 urte D ereduaren aldeko apustua egin zuen hezkuntza komunitateak, eta desagertzeko zorian zegoen eskola txiki... [+]
Irakasleek baxoko ahozkoa euskaraz egiten laguntzeko ekintza egingo dute. Soinean ahobizi eta belarriprest txapak eramango dituzte, ikasleei adierazteko “babes osoa” dutela euskaraz mintzatzeko azterketan.
Hainbat lagun elkartu da ekainaren 19ko goizean EHUko Gipuzkoako errektoreordetzaren egoitzan, Ibaetan EHUk CAFekin dituen harremanak eten ditzala eskatzeko. Gipuzkoako campuseko errektoreorde Agustin Erkizia Olaizolak adierazi die EHUk ez duela akordio berririk sinatuko... [+]
Saldu eta erosi giza jarduerak dira batik bat. Merkatuak eta azoka txikiak espazio publiko zalapartatsu eta biziz beteak dira, soziabilitate-lekuak, non behar ditugun gauza baliotsuak topatzen ditugun (janaria, arropa, tresneria), bidezko prezio baten truke. Bertan, gizaki... [+]
Funtsezko konpetentzietatik ezabatua, Berritzeguneen birmoldaketan zokoratua, ordu kopuruetan gutxietsia... Heziketa fisikoak EAEn garai txarrak bizi dituela eta administrazioak baztertuta dituela salatzera etorri da ARGIAra Luis Larrañaga “Pizti” heziketa... [+]
Duela ia urte eta erdi, Ahoztar Zelaieta kazetariak Satlantis enpresaren aurpegi ezezagunena ekarri zuen argitara. Azkenaldian berrikuntza teknologikoaren alorrean sortzen ari diren euskal enpresen izar gisa aurkezten zaigu Satlantis; baina El Salto-k argitaratutako La empresa... [+]