“Nafarroako AHTa interes politiko eta ekonomiko pribatuen ondorio da”
Ostegun arratsaldean Nafarroako Diputazioaren aurrean hainbat eragile batu dira AHTren korridore berriaren kontra.
Haserrea erakutsi dute Nafarroako Gobernuaren garapen ekonomikorako lehendakariorde Manu Ayerdi eta Espainiako sustapen ministroak laster AHTa egiteko hitzarmena sinatu nahi dutelako.
900 milioi euroko gastua beharrezkoa ez dela salatu dute, hainbat arrazoiren artean. Besteak beste, hiri handietako biztanleak soilik izango dira erabiltzaileak eta trena geroz eta gehiago erabiltzen duten Tafalla edo Marcilla bezalako herriak bat ere gabe utziko dituzte. Sortuko duen hondamendi ekologikoa eta menpekotasun energetikoa azpimarratu dituzte.
Geroa Baik aurrera eraman nahi duena proiektua 2004an UPNk eta PSNk onartu zuten berbera dela salatu dute: Abiadura Handiko tren korridore berria. Baina, “herritarrak nahasteko, Prestazio Handiko Trenaz mintzatzen” dira eragileen arabera.
Inolako eztabaidarik ez eta ikerketa independenterik egin gabe aurrera aterako dela onartezintzat jo dute: “Parte hartzeari eta aztertzeari uko egite horrek eta orain arte aurrera eraman duten prozesu ilunak pentsarazten digute AHTa eraikitzeko motibazioa politikoa eta interes ekonomiko pribatuen ondorio dela”.
Hauek dira prentsaurrekoa babestu duten eragileak: Plataforma Ribera por el Tren Social. No al TAV; Asociación Zona Media Por el Tren / Erdi Aldea Trenaren Alde; AHT Gelditu Elkarlana; eta Sustrai Erakuntza Fundazioa.
Informaziorik helarazi gabe eta baimen eskaerarik gabe hasi dituzte Abiadura Handiko Trena eraikitzeko asmoz lehenago egin beharrak diren zundaketa lanak Otsobi kontzejuaren lurretan. Stop Zundaketak plataformak jakinarazi du egoera: "Izako Udalari edo Otsobiko kontzejuari... [+]
Lapurdi zeharkatuko lukeen AHT egitasmoa aitzina doala salatu du ingurumenaren alde dabiltzan elkarteen artean osaturiko CADE kolektiboak. Urriaren 12 eta 13rako jarri du hitzordua, Gironda eskualdean Lurraren Altxamenduak sareak antolaturiko protestari sostengua erakutsiz.
Oscar Puente Espainiako Garraio ministroaren esanetan, Nafarroarekin lotura egiteko aukerarik "onargarriena" Gasteizkoa da, Ezkio-Itsasoko ibilbideak "konplexutasun teknikoak" dituelako.
2017an Gaintxurizketan tunela zulatzen hasi zirenetik etengabeak izan dira AHTko obrek Renferen tren zerbitzuan eragindako murrizketak eta kalteak. Orain, Espainiako Garraio Ministerioak iragarri du udaran hainbat astez etenda egongo dela zerbitzu hori Hernani eta Irun artean... [+]
Manifestazio jendetsua egin dute Altsasun AHTren lanak gelditzea eta gaur egungo trenbidea hobetzea eskatzeko.
AHTren kontrako eta trenaren aldeko eragileek deituta, manifestazioa egingo dute Altsasun apirilaren 20an, larunbatarekin, tren-azpiegiturak berritu eta trenen maiztasuna handitzea eskatzeko. Alternatiba bat badagoela gogorarazi dute deitzaileek eta azterketa hori aurrera... [+]
Muru Artederreta herrian, Murugain izeneko muinoan, Burdin Aroko herrixka baten horma agerian geratu da, AHTren lanentzako laginak hartzen ari zirela. Bizilagunen hango elkarteak salatu du trenarentzako tunel baten ahoa eraikitzeak harresiaren zati bat suntsituko lukeela.
Abiadura Handiko Trenaren inguruan mintzatu dira zenbait ekintzaile asteazkenean Iruñeko Zabaldin osatu duten hitzaldian. Italiako Val Susa bailarako adibidea bertatik bertara ezagutzeko aukera ere izan dute han sortutako mugimenduaren ordezkari bat etorri delako... [+]
Eusko Jaurlaritzako Garraio sailburuak onartu du herritarrak "nekatuta eta haserre" daudela obren iraupenarekin. "Euskal Y" deiturikoaren hormigoizko azpiegituraren lanak 2025ean amaituko direla hitz eman du, baina gaineko egitura guztia eta hiriburuetarako... [+]