Nafarroak ez du hondakinik erraustuko, %65eko birziklapen maila helburu
Nafarroako Gobernuak 2017-2027 urteetarako plana onartu du. Horren arabera, gaikako bilketa hedatuko dute herrialde osora, 2027an hondakinak %12 murrizteko eta %65eko birziklapen mailara heltzeko asmoz. Horrez gain, ez dute zaborrik erraustuko, gaika jasotzen ez diren hondakinak ere tratatu nahi baitituzte zabortegira eraman aurretik.
Isabel Elizalde Nafarroako Gobernuko Ingurumen kontseilaria eta Eva Garcia Ingurumen zuzendariak aurkeztu dute dokumentua. Azaldu dutenez, ekonomia zirkularraren alorrean erreferente bihurtu nahi dute Nafarroa, eta prebentzioari eta birziklatzeari emango diote indarra.
Tratatu gabeko hondakin oro desagerrarazi nahi dute 2027 urterako. Elizaldek esan duenez, ingurumen inpaktua, kutsadura eta osasunerako arriskutsuak diren substantziak murriztea dute xede.
Hamar urteko planak 698.026.510 euroko aurrekontua izango du. Horren %82 funts publikoetatik hartuko dute, eta gainerako %18 ekarpen pribatuak izango dira. Dokumentua abenduaren 23an argitaratuko da Nafarroako Aldizkari Ofizialean.
Nafarroako Hondakinen Lege proposamena idazteari ekingo diote urtarrilean. Lege horrek hondakinen kudeaketa egokia eta horretarako beharrezkoak diren baliabide ekonomikoak bermatu beharko dituela adierazi du Elizaldek. Zirriborroa aurkeztuko dute 2017ko udan, eta onartu aurretik publikoki zabalduko dute.
Gipuzkoako zaborra Tuterara
Gipuzkoako Hondakinen Kontsorzioak eta Nafarroako Erriberako Hondakinen Mankomunitateak azaroaren 11n sinatu zutenaren arabera, urtean 70.000 tona zabor eraman ahal izango ditu Gipuzkoak Tuterarako El Culebrete tratamendu zentrora.
Horren harira, Elizaldek adierazi du El Culebreteko instalazioek badutela Gipuzkoako zaborra tratatu ahal izateko nahikoa edukiera. Hala ere, Nafarroatik kanpoko hondakinak tratatzeko ardura mankomunitateena dela esan du, eta ez gobernuarena. Hortaz, Elizalderen iritziz mankomunitateari dagokio erabakitzea Gipuzkoako hondakinak tratatuko dituen ala ez.
Nafarroako Gobernuko Ingurumen Sailak Tuterako El Culebrete tratamendu zentroaren edukiera handitzeko proposamena bidali zion abenduaren 6an Erriberako Mankomunitateari. Horren arabera, urtean kudeatzen duten hondakin kopurua hirukoiztuko litzateke, 70.000 tonatik 200.000ra igaroz.
Compañía de las 3 Erres elkartearen esanetan, teknikoki ez da bideragarria El Culebreteko digestorearentzat hainbeste tona tratatzea, eta dagoeneko zentroan badira irregulartasunak horregatik. Nafarroako Hondakinen Kontsorzioak El Culebreten auditoria bat egitea eskatu zuen eta horren arabera ikusi zen biohondakinen %38,5 zuzenean botatzen zela zabortegira, digestoreak kopuru horiek hartzeko gaitasunik ez duelako.
Nafarroako Ecofert Sansoain enpresa itxita dago 20.000 tona hondakin toxiko legez kanpo jasotzeagatik Zubietako (Gipuzkoa) erraustegitik eta Tuterako (Nafarroa) Oleofat enpresatik.
Artaxoako Ecofert enpresara baimendu gabeko hondakinak eramateagatik, Zubietako Ekondakin enpresari zigor-espedientea abian jartzeko eskatu dio Nafarroako Gobernuak Eusko Jaurlaritzako Ingurumen Sailari. Jose Maria Aierdi Nafarroako Ingurumen kontseilariak jakinarazi duenez,... [+]
Bi urtean 5.000 tona lixibiatu baino gehiago prozesatu ditu Ecofert Sansoain enpresak
Abenduaren 16an Mendigorriako Biomendi txerri granja eta biometanizazio instalakuntzan elkarretaratzea egin du Nafarroako Makroetxaldeen Aurkako Plataformak. Bertan salatu du Biomendin 2022an 80.000 tona hondakin industrial-organiko tratatu zituztela, soilik 33.000 tonarentzako... [+]
Aranguren, Irulegiko Eskua agertu den bailara, zortzi herrik osatutako Iruñerriko haran irekia da. 1990eko hamarkadaren hasieran Gongora herrian egin zuten zabortegiaren aurka tinko bildu ziren orduko 1.200 bizilagunak. Borroka hartatik sortu zen haien herriak... [+]
50 urte bete berri dituzte Iruñeko Arturo Campion euskaltegiak eta Nafarroako Emausko Trapuketariek, eta bietan buru belarri lanean Luzio Tabar, lehenbizi euskaltegian eta trapuketariekin orain. Bietan ezaugarri komun asko: biak herri ekimenak, behar sozial bati ... [+]
Hori uste dute Makrogranjen aurkako Nafarroako Koordinadorakoek, eta horregatik astelehen goiz honetan enpresak Caparroson eraiki nahi duen araztegi berriaren aurkako alegazioak aurkeztu dituzte Iruñean, Landa Garapen eta Ingurumen Departamentuaren atarian.
Uztailaren 3tik aurrera ezin da erabilera bakarreko plastikozko produkturik saldu Nafarroan, hondakinei buruzko foru legeari esker. Berez, Europa osoan sartu da indarrean EBren zuzentaraua, baina estatuek transposizioa egin gabe daukate: Nafarroako Gobernua zentzu horretan... [+]
Ingurumenaren zaintzan diharduen elkartearen esanetan, Nafarroako hondakin organikoaren zati handi bat Caparrosoko HTN biometanizazio enpresara bideratzen da eta handik ateratzen diren hondakinekin inguruko lur soroak kutsatzen dira.
Nafarroako Hondakinen Partzuergoa 15 mankomunitatek eta NILSA sozietate publikoak osatzen dute, eta aste honetan on line hezkuntza-programa abian jarri du hondakinen soerreraren prebentzioa, aldaketa klimatikoaren aurkako borroka edo ekonomia zirkularra sustatzeko jarduerekin.
Hori da Sustrai Erakuntza fundazioak zabaldutako agiri batean atera duen ondorio nagusia. Joan den astean Nafarroako Legebiltzarrean Iruñerriko hondakinen bilketaz aritu ziren. Oinarrian, planta hori Imarkoaingo Garraioaren Hirian (Noain) edo Gongorako zabortegian... [+]
125 milioi eurorekin, Nafarroako aurrekonturik handienetan hirugarrena du Iruñerriko Mankomunitateak, eta 350.000 biztanle ingururi ur hornidura, zaborren bilketa edo hiri garraioa eskaintzen dizkie. Irailaren 28an ikusmin handia piztu zuen mankomunitateko presidentea... [+]
Berez Navarra Sumako hautagaiak irabaziko zuela aurreikusten zen, baina ostegun goizean Aritz Ayesa EH Bilduko hautagaiak eta orain arteko lehendakariak bere hautagaitza erretiratu zuen, adieraziz saiatuko zirela independenteren bat atera zedin lehendakari.