Nafarroak bertsolaritza kultur intereseko ondare izendatu duela-eta, ekitaldia egingo dute Nafarroako Museoan
Nafarroako Gobernuak antolatutako ekitaldi irekia, asteazkenean 18:00etan hasiko da eta bukaeran bertso saio labur bat eskainiko dute museoaren atarian.
Kultur Intereseko Ondasunaren izendapenaren aurkezpenean izango dira Ana Herrera kultura, kirola eta gazteria kontseilaria, Julio Soto bertsolaria, Alfredo Asiain ikertzailea eta Gontzal Agote Nafarroako Bertsozale Elkarteko ordezkaria.
Nafarroako Gobernuak ekainaren 6an bertsolaritza kultura ondasun izendatu zuen, ondare immaterialen kategorian. “Transmisioa bermatuta dagoela dirudi, orain arte eskolen bitartez ezarri diren ekintzei esker eta hizkuntzaren bilakaerari nahiz gizartean duen erabilpen eta presentziari lotuta dago”, adierazi zuen Herrerak.
Nafarroan oso ondo gorde izan da bertsolaritza eta presentzia handiena Nafarroako iparraldean du, euskarak bizitasun handiena izan duen lekuan.
Ondare materiagabeen arloan, Nafarroak onartutako seigarren Kultur Intereseko Ondasun izendapena da bertsolaritzarena. Aurretik, Lantzeko inauteriek, Ituren eta Zubietako inauteriek, Hiru Behien Zergak, Luzaideko Bolantek eta Cortesko makil dantzak jaso izan dute herrialdean ondare materiagabeak izan dezakeen babes mailarik gorena.
19 urte ditu Maddik, Matematika Gradua ikasten ari da Leioan, EHUko Zientzia eta Teknologia fakultatean, musika ikasketak eginak ditu, eta gazteagatik ere, bertsolari iaioa da. Eta bertsolari ona baino hobea izateko zumitzak ditu, bateko eta besteko plazetan ikusi dugunez... [+]
Musika ondare tradizionala “berreskuratu, zaindu eta transmititzeagatik” irabazi du Eusko Ikaskuntzaren 2024ko saria Beltranek. Urte luzeetako “dibulgazio lan multidimensionala” aitortu nahi izan dio epaimahaiak.
Final-laurdenetako txartela lortu du Pagolak. Hurrengo saioak datorren asteburuan izango dira, Hondarribian eta Andoainen.
Hirugarren final-zortzirena irabaztearekin bat, zuzenean sailkatu da final-laurdenetara Arana.