Nafarroa osoko sare publikoan ikasi ahal izango da D ereduan
Nafarroako eremu ez-euskalduneko ikastetxe publikoetan D eredua ezarri ahal izateko, Euskararen Legea aldatzeko proposamena aurkeztu dute PSNk, Geroa Baik eta Ezkerrak.
Aralar-NaBai eta EH Bilduk ere legez besteko proposamenaren alde bozkatuko dute. Ondo beharrez, legea aldatzeko proposamena hilabete eta erdi barru bozkatuko da Nafarroako Parlamentuan, Erabili.com-ek nabarmendu duenez.
Hura sustatu duten alderdien hitzetan, aurrerapauso garrantzitsua da. "Aldaketa historikoa", Ezkerrako bozeramaile Jose Miguel Nuinek dioenez.
Gutxieneko ikasle kopurua zehaztea, Gobernuaren esku
D eredua ezartzeko gutxieneko ikasle kopurua zein izan beharko litzatekeen ez dute zehaztu proposamena aurkeztu duten alderdiek. "Ez dugu zenbakirik ezarri, oso zaila delako hori zehaztea; eremuaren araberakoa izango da, ziurrenik", azaldu du PSNko bozeramaile Pablo Rasconek, Lohizune Amatria kazetariak Berrian jaso duenez.
"Araubidearen garapenean erabakiko da zenbatean jarri gutxienekoa", Rasconek dioenez. Hortaz, Nafarroako Gobernuaren esku egongo da gutxieneko kopurua zehaztea.
Informazio gehiago:
Geroa Bairen webgunean eta Ezkerrarenean gaiari buruzko argibide gehiago.
Nafarroako Legebiltzarrean datorren urteko aurrekontuak ixteko negoziazioetan ari dira egunotan alderdiak, eta horietan adostutakoaren arabera, euskararen Euskararen Nafar Institutuak iaz baino 1,3 milioi gehiago izango ditu.
Euskal Herri osoan euskara eta hiztun komunitatea larrialdi egoeran daudela berretsi zuen azaroan Kontseiluak eta, ostegun honetan, egoera hori Nafarroan zertan datzan azaldu du Iruñean. Era berean, herrialdean ataka horretatik ateratzeko egin beharrekoak azpimarratu ditu.
Hamabi haur eskola publiko daude Iruñean, eta horretatik bakarrean dago euskarazko eredua. Protesta egin dute dozena bat eragilek, eta euskal hiztunen “egoera berezia” aintzat har dezan galdegin diote udalari.
“Ez da posible hiri guztia zeharkatu behar izatea seme-alabak hemengo jatorriko hizkuntzan murgiltzeko” salatu dute guraso askok. Euskarazko plazak ere “oso urriak direla” salatu dute familia askoren artean eginiko bideoan.
Euskarari Puzka azken kanpainan 16.000 saski saldu dituzte, eta euskararen alde lan egiten duten elkarteentzat bideratuko zaie lortutako etekina.
“Ikae” edo “igae” bezala transkribitu ditu aurkituriko ikurrak Nafarroako Gobernuko Kultura Zuzendaritza Nagusiko ikertzaile taldeak. Duela 2.000 urteko "baskoierazko" idazkun bat izan daitekeela diote ikerleek, baina garai hartako hizkuntzei... [+]
Premiazko txostena eskatu dio Nafarroako Kontseiluari. Behin betiko onartzeko aurretiazko urratsa da, Nafarroako Justizia Auzitegi Nagusiak aurreko dekretuaren zati batzuk baliogabetu eta bost urtera.
Barañaingo EH Bilduk salatu du Barañaingo Udalak haur eskoletarako hezitzaileen deialdian euskarazko eta gaztelaniazko azterketak egun eta ordu berean jarri dituela, eta hala, hautagaiak hizkuntza bat aukeratzera behartzen dituela.
Euskaltzaleen Topaguneko kideek euskara sustatzeko jarreren inguruko datu kezkagarriak hauteman dituzte. Hori dela eta, Gero eta aldeko gehiago gizartean ikerketaren bidez, herritarrak euskarara hurbiltzeko estrategia berriak landu dituzte. Horretaz mintzatu dira, apirilean,... [+]
Hezkuntzak aurreikuspena zuzendu eta onartu du institutuak Zientzia, Humanitate eta Gizarte Zientzien Batxilergoko lehen mailan bi talde izaten jarraitzea.