Uztailaren 23, 24 eta 25ean izango da jaialdia Itsasuko anitz txokotan. Besteak beste, Maddi Oihenart, Suapartak, Nicolas Nageotte eta Beñat Achiary arituko dira.
Dantzak, poesiak, musika klasikoak, munduko hainbat musika tradizionalek… izango dute tokia Itsasun. Sormen artistikoaren inguruko eztabaidak ere antolatuko dituzte, baita erakusketak ere. Juan Kruz Igerabidek saio bereziak prestatuko ditu haurrentzat eta inguruko basoetan murgilduko dira. Bestalde, Euskal Herriko eta inguruetako artista ez hain ezagunak gonbidatu dituzte.
Errobiko festibalaren egitarau osoa duzue www.errobiofestibala.fr webgunean.