Musika Errebolta Feminista Zarautzen: hemen da MEFSST! jaialdiaren 5. edizioa
Bosgarren ediziora iritsi da Zarauzko MEFSST! jaialdia. Musikaren arloari feminismotik begiratzen dion festibala Putzuzulo Amets Fabrikan ospatuko da ekainaren 3an.
Sei kontzertu, bi DJ eta bideo-jartzaile baten emanaldia prestatu dituzte larunbat honetarako Zarautzen. Kontzertuei dagokienez, denetarik eskaintzen du kartelak: Grutal talde bilbotarraren dantza eta zarata esperimentala; Oki Moki getariarren pop-punk melodiko eta zaratatsua; laster diskoa kaleratzekoak diren Serpiente bilbotarren post-punka; Cecilia Payneren noise-popa, Hexenen Oi! street-punka eta Holy Wilders bartzelonarren grunge, stoner eta rock konbinazioa.
Musika ez da hor amaituko, San Son Dyeah “txitxarrillotik bakailaora doan guztia” pintxatzeko asmoz joango baita Zarautzera. Etxean jokatuko duen DJ Kortaypegak, kunbia, saltsa, elektronika eta drum & bass koktel lehergarria prest dauka. VJ Dodoma eibartarrak berriz, espazioa irudiz betetzeko daukan artea erakutsiko du.
Bost urtez musika munduan feminismotik eragiten
Punk eta hardcore kontzertuetan emakumeek presentzia eskasa zutela ikusita, eragiteko gogoak elkartu zituen jaialdiaren antolatzaileak. Geroztik urtero antolatu dute Musika Errebolta Feminista Zarautzen. “Gehienbat emakume, bollera eta transez osatutako taldeekin antolatu dugu, eta, horrez gainera, hainbat gai landu ditugu tailer, mahai-inguru eta film emanaldietan”, diote antolatzaileek.
Horien bitartez atzerriko eta bertako erreferenteak ezagutzen joan dira, baita hainbat arlotan emakumeak ahalduntzeko bideak sortzen saiatu ere: musika tresnen erabilera, soinu-teknikari lana, fanzineak edo DJ lana, besteak beste. Paraleloan, eztabaida pizten ahalegindu dira, musikaren arloko sexu eta genero bereizketa erdigunean jarriz.
Ikuspegi integrala baita MEFSST!-ena: “Musika oholtza baino gehiago dela iruditzen zaigu”, azaldu dute. “Ez gara zentratu oholtza gaineko emakumeen presentzian soilik. Beste espazio eta arlo batzuetan gertatzen denaz ere hausnartu nahi dugu, esaterako, publikoan, teknikaren arloan, kontzertuen antolaketan; baita ikusezinak diren lanak balioan jarri ere, hala nola, taldeentzako janaren prestaketa, garbiketa eta taldeen harrera eta zaintza”.
Hiuzz + Bloñ + Adur
Noiz: otsailaren 15ean.
Non: Iruñeko Aitzina tabernan (Egun Motelak kolektiboa).
--------------------------------------------
Larunbat goiza Iruñean. Neguko eguzkitan lanera doazen gizon –eta ez gizon– bakarti batzuk... [+]
Gauzak ez dira izatez errazak, eta, izango da batagatik edo besteagatik, baina, azken boladan, mingainari behar baino gehiagotan egin diot kosk bi kontu hauengatik: sold out-aren kultura eta FOMOa –azken hori agian azaldu behar da, ez baita hainbestetan esana: esperientzia... [+]
EMEADEDEI + MAHL KOBAT
NOIZ: otsailaren 2an.
NON: Zuiako gaztetxean, Murgian.
----------------------------------------------------
Iazko irailaren 20an izan genuen lehen aldiz musika kolektiboaren berri, sortu berri zuten sare sozialeko profilean: “Hemen da Hil da... [+]
Kolektiboki antolatzeko grina aspalditxotik gorpuztu da, besteak beste, kulturaren esparruan. Jendea batzeko abaguneak dira kontzertuak, eta horregatik, musika kolektiboei egingo diegu txokoa erreportaje honetan. Gaia hain zabalean hartu ordez, Araban ipiniko dugu fokua,... [+]
Dena
NOIZ: urtarrilaren 18an.
NON: Gasteizko Jimmy Jazz aretoan.
----------------------------------------------
Galdera bat dabilkit buruan azken aldian: zenbat aldatzen dira gauzak 30 urtetan? Bai, irakurle, asmatu duzu: hiru hamarkada bete berri ditut. Laugarren... [+]
Chulería, joder!
NOIZ: urtarrilaren 5ean.
NON: Bilboko Kafe Antzokian.
----------------------------------------------------
Aretoa betetzen ari dela, antzokiko goiko barandaren atzetik beherantz begira, ni baino gazteagorik topatuko ote dudan jolasten eman ditut... [+]
Beyoncé futbol amerikarreko partida baten atsedenaldian, Houstonen (Texas). Kantari estatubatuarra cowboy jantzirik atera da estadio erdira. Kapela hegaluzeak tapatzen dio burua, zangoak belaunetarainoko bota luzeek. Soineko zuri urriak, berriz, izterrak eta paparra... [+]
.jpg)
17 urteko musika ibilbideari itxiera emango dio Odolaren Mintzoak hilaren 25ean Usurbilen eskainiko duen kontzertuan. Amaiera kontzertuaren inguruan egun osoko egitaraua antolatu dute. Bidelagun izan dituzten herriko taldeek hartuko dute oholtza: Rukula, Ameba, Viafara edota... [+]
FERMIN MUGURUZA 40. URTEURRENA
Noiz: abenduaren 21ean.
Non: Bilbo Arenan.
-------------------------------------------
Urtero janzten da festa giroz Bilbo abenduaren 21ean. Sagardoa eta taloa protagonista, San Tomas eguneko azoka eguna da. Aurten, gainera,... [+]
Milaka lagun elkartu dira Hatortxu Rock elkartasun jaialdiaren azken aurreko edizioan. Euskal preso politikoen senideei babesa eta sostengua emateko sortutako jaialdiak agur esanen du 2025ko udan Lakuntzan eginen den azken edizioarekin. Sakabanaketarekin amaitzea lortu bada ere,... [+]
Hatortxu Rock jaialdiko 29. edizioa egingo da larunbatean Atarrabian. Sarrerak jada agortuta daude, baina txandak osatzeko laguntza behar da oraindik.
Antolatzaileek iragarri dutenez, ohiko jaialdia eginen dute abenduaren 28an eta 2025eko uztailean lau eguneko jaialdi berezi baten bidez agurtuko dute behin betiko jendea, "erreminta berriei bide emateko". Orotara, hamazazpi taldek eskainiko dute kontzertua larunbatean.