“Mundu bat ahoz aho” dokumentala ikusteko aukera gaur Villabonan
Nazioarteko inprobisatzaileen testigantzak biltzen dituen filma emango dute Mintzolaren egoitzan, 19:00etan. Dokumentalaren zuzendari Beñat Gaztelumendik aurkeztuko du lana.
2016ko uztailean, "Bat-batean Europa" jardunaldietan izan ziren Euskal Herrian Kuba, Gales, Menorka, Sardinia, Kurdistan eta Mexikoko kideak. Hemen duzue Miramar jauregian egin zuten mahai-inguruaren kronika eta atera genuen erreportajea. Ederra izan zen herriz herri elkarrekin eskaini zituzten emanaldietan bakoitzaren egiteko modua ezagutzea, hizkuntza ezberdinak entzutea eta aldarrikapen partekatuak bizitzea.
Testigantza eta une horiek ekarriko dizkigu askori gogora Mundu bat ahoz aho dokumentalak (goian dugu trailerra). Gaur Mintzolan ikusteko aukera izango denez, berriz hartu dut Durangon eskuratutako DVDa ikusteko patxada. Eta denborarekin lanak irabazi egiten duela iruditu zait. Momentuan kontakizun haiek oso presente genituela, eta beraz, ezaguna zitzaiguna ikusten ari ginenaren sentsazioa izan genezakeela. Denborak jarriko du dokumental hau bere lekuan. Niretzat, behintzat, balioa irabazi du oso hilabete gutxian.
Ahozkotasuna, emakumeen ahotik
Oso gustura jasotzen da, 61 minutuko kontakizuna. Pertsonaia bakoitzak (gehiengo nabarmenean emakumeak) bere bizipenetatik kontatzen du bere herrian ahozko inprobisazioak duen funtzioa, zerk ekarri duen tradizioa gaztetzea, emakumeek egin duten bidea, hizkuntza gutxitu bakoitzaren egoera, memoria historikoa...
Gaur Villabonara gerturatzerik ez duenak, hemen eskuratu dezake DVDa, 12 euroan.
Hiru hilabete iraungo ditu txapelketak eta finala abenduaren 14an jokatuko da Donostiako Illunben. Saio guztietarako sarrerak www.bertsosarrerak.eus webgunean daude eskuragarri.
Berregituraketa urtea dugu aurten Bertsozale Elkartean: martxoan lehendakaritza taldea berritzearekin bat, koordinatzaile lanpostua sortzeko erabakia hartu zuten bazkideek Batzar Nagusian. Lanpostu horretara heldu berri da Oier Iurramendi Etxeberria (Donostia, 1990), baina ez da... [+]
Iaz, Señora Sariketa irabazi zuenean, Maider Arregik “inporta zaizkion jendea eta kausak” aipatu nahi izan zituen agurrean: “Infernu auzokoak, bollerak, marikak, AHTren kontra dabiltzan lagunak, okupazioaren aldekoak…”. Horiek denak eta... [+]
Oihal fabriketako emakume langileak eta bertsoa josi ditu Emakumeen haria ekimenak. Ekainaren 7an izango da Villabonan. Bertaratzen denak ezagutuko du egun Bertsozale Elkartearen egoitza den Subijana etxea iraganean oihal fabrika izan zela; entzun ahalko ditu bertan lan egin... [+]
Emakumeen eta hegemonikoak ez diren gainontzeko identitateen ikusgarritasuna du helburu ekimenak; zortzi bertsolarik hartuko dute parte aurtengo edizioan.
Gipuzkoako Bertsolari Txapelketako sailkapen fasea hastera doa: 20 saio jokatuko dira, bi itzulitara. 74 bertsolari ariko dira kantuan, eta horietatik 48 sailkatuko dira bigarren itzulirako; udazkenerako txartela, aldiz, 34 bertsolarik lortuko dute.
Gasteizko Printzipal Antzokian izanen da Arabako Bertsolari Txapelketaren finala, 17:30ean. Ez da inoren estreinako aldia izango finalean.
Ainhoa Urien, Onintza Enbeita, Sustrai Colina eta Xabi Igoa izango dira taldean, Batzar Nagusian bazkideek bozkatu eta onetsi ondoren.
Hamahirugarren Bizkaiko Bertsolari Txapelketa eta bederatzigarren finala izan ziren iazkoak Onintza Enbeita Maguregirentzat (Muxika, 1979). Irautearen esfortzua eta poza ederki ezagutzen ditu, bertsotan zein handik kanpo, eta horri esker dago dagoen lekuan. Irauteko aldatzeari... [+]
