Multinazionalek egindako giza eskubideen urraketak jarraitzeko lan taldea sortuko du NBEk
NBEren Giza Eskubideen Batzordearen gehiengoak, Genevan (Suitza) egindako biltzarrean, aintzat hartu du Ekuadorrek eta Hegoafrikak eramandako proposamena. 2015ean lantalde bat jarriko dute abian, enpresa transnazionalei euren jardunagatik kontuak eskatu ahal izateko bitartekoak aztertuko dituena.
Erabakia poz handiz hartu dute jendarte-mugimenduko hainbat ordezkarik. Hain zuzen ere, aste osoan Herrien Epaitegi Iraunkorra izan da bilduta Genevan, NBEren erabakian eragin nahian. Epaitegiko kide eta EHUko Nazioarteko Zuzenbide irakasle Juan Hernandez Zubizarretak Diagonal egunkariari azaldutakoaren arabera, hartutako norabideak erabat hausten du orain arte NBEk izandako jarrera: “Transnazionalei buruz hitz egiteko garaian, NBEren logika arau bigunen logika izan da, enpresa-etikaren barruko erantzukizun korporatiboaren logika, norberaren borondatearen araberakoa”. Hitz lauz esanda, zigorrik ekar lezakeen arau loteslerik ez, eskerrik asko.
Bide bikoitza jorratzen dute transnazionalek, Hernandez Zubizarretaren berbetan. Batetik, saiatzen dira euren betebeharrekiko legedia ahula izan dadin. Aldiz, euren interesak babesten dituzten arauak gogortzen ahalegintzen dira. Horren adibiderik behinena dira inbestitzaile-estatu ebazpen epaitegiak (ISDS). Emaitza da konpainia erraldoiei gutxitan ordainarazten zaizkiela egiten dituzten giza eskubideen urraketak. “Zigorgabetasunaren arkitektura”, Hernandez Zubizarretaren hitzak erabilita.
Transnazionalen mesederako altxatutako eraikin juridiko horretan garrantzizko lehen pitzadura izan daiteke NBEren Giza Eskubideen Batzordeak hartutako erabakia. Batzordearen osaketa ez da finkoa, eta oraingo honetan Hegoalde globaleko estatuak izan dira gehien. Horretaz baliatu dira Ekuador eta Hegoafrika euren proposamena aurrera ateratzeko. Hogei boz izan dituzte alde eta hamalau kontra –hamahiru abstentzio izan dira–; ezezkoa eman dutenen artean AEB eta Europar Batasuneko herrialdeak daude, hau da, onartutakoaren guztiz alderantzizko bidean doan TTIP hitzarmena egosten ari direnak.
Maiatzaren 28an hartuko dute neurria ofizialki. 1967 aurretiko mugak aitortu dizkiote Palestinari, eta bi estatuen konponbidearen alde lerratu dira. Israelek esan du erabakiak terrorismoa saritzen duela.
34.500 palestinar baino gehiago hil ditu Israelek urriaren 7az geroztik Palestinan, eta beste milaka dira desagerturik edota larri kolpaturik. Jarraipena egiten ari gara.
Palestina NBEko estatu kide gisa onartzeko ebazpena ostegun honetan bozkatu dute Segurtasun Kontseiluan. Gehiengoa –12 boto– alde agertu bada ere, bi abstentziorekin batera, AEBen ezetza nahikoa izan da proposamena bertan behera uzteko.
Hegoafrikaren izenean, sei abokatu aritu dira elkarren artean ongi harilkaturiko alegatua osatzen urtarrilaren 11ko goizean, Nazioarteko Justizia Auzitegian, Israelek Gazan buruturiko erasoek genozidio izaera dutela frogatu nahian. Gazako sarraskiari buruzko datu anitz, zenbait... [+]
Bi hilabeteko erasoetan ia 20.000 palestinar hil ondoren, Israel ez dago Gazako erasoan amore emateko prest eta Zisjordania ere gero eta gogorrago kolpatzen ari da. Israeli egindako su-eten eskaerak gero eta gehiago dira, baina AEBek esan dute Israelek behar duen denbora hartuko... [+]
Energia Nuklearra Hirukoizteko Adierazpenak "energia nuklearraren funtsezko papera" aldarrikatzen du kutsadurari eta tenperatura igoerari aurre egiteko. Sinatzaileen artean daude Ameriketako Estatu Batuak, Kanada, Arabiar Emirerri Batuak, Maroko, Suedia edo Frantzia... [+]
Palestina, orain. Nazioarteko komunitatea deitzen dugun hori zer den ez dakigu. Agintariek, agindu eta izugarrikeriak egin. Eta nork ekidin halakorik. Zer balio dute hitz, arau, eskubide, arrazoi, zuzenbide eta gizatasun bezalako oinarrizko kontzeptuek horien aurrean, horien... [+]
Nazio Batuen Batzar Nagusian onartu dute AEBek Kubari ezarritako blokeoa amaitzeko ebazpena: aldeko 187 boto izan ditu, aurkako bi (AEB eta Israel), eta abstentzio bat (Ukraina).
2015ean Nazio Batuen Erakundeak (NBEk) Agenda 2030 programa jarri zuen abian, eta iragan irailean hura nola ari den betetzen aztertu zuten mundu mailako agintariek. Antonio Aretxabalak, Antonio Turielek, eta Unai Pascualek bileraren balantzea egin dute Ctxt agerkarian.
Ukrainako gerra egonda ere, Errusia eta Ukrainako Gobernuek hitzartuta zeukaten laboreen esportazioa ahalbidetuko zutela, 2022ko uztailetik. Astelehenean Vladimir Putinek erabaki du ez luzatzea, arrazoituta NBE ez zela betetzen ari adostutakoa.
Uztailaren 7an 500 egun bete dira Errusiak Ukrainaren aurkako gerra hasi zuenetik. NBEk salatu duenaren arabera, Ukrainako 9.000 zibil hil dira ordutik, horietatik 500 haurrak.
Arma nuklearrak dituzten bederatzi herrialdeek 82.900 milioi dolar gastatu zituzten iaz arma horietan, 2021ean baino %3 gehiago. Arma Nuklearren Indargabetzerako Nazioarteko Kanpainak (ICAN) argitaratutako txosteneko datuak dira. Minutuko 157.000 dolar baino gehiago.