Mozolomendi: Lekeitioko etxebizitza okupatu eta autogestionatuak
Etxebizitza eskubidearen aldeko borrokan, Lekeition beharra zutenentzat bizitoki bilakatzeko, “Maisu-Maistren etxeak” deritzen eraikineko hainbat etxe okupatu zuten 2013n. Gaur egun, guztira, bost etxebizitza daude okupatuta. Neguan egindako lana ospatu eta aurrera begirakoaz hausnartzeko aldarrikapen, jai eta hausnarketa egun bat antolatu dute ekainaren 30erako.
“Espekulazio eta merkatuaren gainetik, bizitzeko aterpe bat” sortzeari ekin dio Lekeitiko Mozolomendi kolektiboak eta horretako Maisu-Maistren etxeetako batzuk okupatu eta han bizitzeko moduan atontzen ari dira. Hiru gune ari dira prestatzen, beste bat erabilera anitzeko areto bilakatu dute eta bosgarrenari biltegi, tailer eta bilera leku izaera eman diote.
Modu honetan, bizitzeko eremu izateaz gain, beren asmoa esparru hau herrira zabaltzea da, batez ere herri mugimendutik herriari zein mugimenduari egindako ekarpen bezala. Areto irekia izango da eta “hitzaldi, asanblada, ikastaro, liburutegi edo lasai egoteko gune bat, kafea, infusioak edota janariak prestatzeko aukera izango duena”. Eraikitzen ari diren bitartekoak herri mugimenduko gainerako kolektibo eta kideei eskaini nahi dizkiete.
Herriari begira lan egiteko eta eragiteko filosofia molde baten ispilu izan nahi dutela: “herri botere, autogestio eta ekintza zuzenean oinarritutako filosofia praktiko bat, herritarrok ahalik eta esparru gehienetan boterea lortzeko”.
Neguan egindako lana ospatu eta aurrerantzean egin beharrekoak argitzen joateko, aldarrikapen, jai eta hausnarketa eguna antolatu dute ekainaren 30ean:
- 10.00 AUZOLANA: ortuaren garbiketa, aretoko lurra jartzea, liburutegia osatzea, bazkaria, haurren zaintza...
- 14.00 BAZKARIA
- 18.00 MAHAINGURUA: “langile klasea eta erresistentzia”, ROAL fabrikako borroka, etxeetako emakume langileak eta Iruñerriko Langileen Autodefentsa Sareko kideekin
- 22.00 HIP HOP – REGGAE GAUA: Sustrajah Band eta Ziribulio Sound-ekin
Dutxa Etxea zena 2013an itxi zuten Javier Marotoren alkatetza garaian, “integrazio arazo bat” zela argudiatuta. Uztailaren 22an auzoko zenbait eragile eta bizilagun Alde Zaharreko lokalean sartu ziren Herri Labanderia izeneko garbitegia martxan jartzeko. Udaltzaingoa... [+]
Bilboko AZET plataformak pisu turistiko bat okupatu zuen atzo, auzoaren turistifikazioa salatzeko.
Lokalaren jabeak eta Ertzaintzak desalojatu eta hesitu egin dute Jardun Koordinadorak maiatzaren 1ean okupatu zuen Kantauri espazioa. Jauregi Jenerala kalean dago lokal hori, eta bi hilabetez egon dira Jardun Koordinadorako kideak bertan, hainbat gorabehera izan badituzte ere.
Iaz, Señora Sariketa irabazi zuenean, Maider Arregik “inporta zaizkion jendea eta kausak” aipatu nahi izan zituen agurrean: “Infernu auzokoak, bollerak, marikak, AHTren kontra dabiltzan lagunak, okupazioaren aldekoak…”. Horiek denak eta... [+]
Zazpi urtetik gora okupatuta eman ondoren hustu egin dute Aiztogile kaleko 92. zenbakia.
'Desokupa kanpora' lelopean, elkarretaratzea egin dute larunbatean, etxebizitzaren aurrean.
Apirilaren 18rako zegoen ezarrita desalojoa, eta lurrak defendatzeko asmoz bertaratu ziren hainbat pertsona. Ertzaintza, baina, ez zen joan, eta auzitegiek jakinarazi dute atzeratu egin dutela huste saiakera. Desalojoa gelditzea lortzen duten bigarren aldia da.
Berangoko Otxantegiko nekazal lurrak modu kolektiboan lantzen bi urte eman ditu proiektu agroekologikoak, baina desalojo agindua dute apirilaren 18rako. Kanporatzea gelditzea lortu zuten iaz, eta berriro ere lortuko dutelakoan, gosari herrikoia deitu dute egun horretarako... [+]
Apirilaren 13an Berangoko Otxantegi Herri Lurra proiektuaren II. urteurrena ospatuko dute. Apirilaren 18an ordea bigarren desalojo saiakeraren mehatxua izango dute gainean.
Zestoako Gaztetxearen kontrako prozedura judiziala mantentzen du Elizak: asteazken honetan izango da epaiketa. Aurreko ostiralean, Gaztetxearen aldeko elkarretaratze bat izan zen Donostiako Artzain Ona katedralean.
Gipuzkoan, 700 apostasia eskaera baino gehiago lortu dituzte Zestoako Gazte Asanbladak eta Langile Kontrolpeko Espazioen Defentsa Komunitateak. Bihar protesta bat egingo dute Donostiako Artzain Ona katedralean, aurrera baitoa Gaztetxearen kontrako prozedura: hilaren 24an... [+]
Lurrak espekulaziorako eta dirua egiteko helburu bakarrarekin darabiltzaten jabeak badira Euskal Herriko hamaika txokotan; horren adibide nagusi izan dira azken urteotan Arbonako, Senpereko eta Kanboko esperientziak. Baina Hego Euskal Herrian ere badira antzeko kasuak; Uribe... [+]
Donostialdeko okupazio bulegoak hamar urte beteko dituela eta, urteurren festa antolatu du astebururako. Ostiralean mahai ingurua egingo dute Parte Zaharreko Birunda gune autogestionatu berrian, Etxebizitzaren defentsan, antolakuntza esperientziak ezagutzeko. Bertan izango dira... [+]
Errekaleor Bizirik auzoaren hamargarren urteurrena ari da ospatzen. Adierazi dutenez, 24 orduan lau identifikazio eta hiru isun jasan dituzte. Isunak mozal legea aplikatuta jarri dizkiete.