Mozal Legeak hiru urte beteko ditu uztaileak. Legearen sortzaile “PP alderdia Madrilgo Gobernutik kanpo ikusita, Mozal Legearen indargabetzea eskatzeko unea iritsi dela pentsatzen dugu”, azaldu du eskubide zibil eta politikoen aldeko Eleak-libre mugimenduak.

Legea indarrean jarri zenean, herritarren segurtasuna bermatu eta legez kanpokoak, indarkeriazkoak zein izaera bandalikoa duten jokaerak galaraziko dituela adierazi zuen Fernandez Diaz Ministroak. “Aldiz, bilakaera bestelakoa izan da, datu ofizialei erreparatuz gero”, salatu du Eleak-ek.

Mugimenduak azaldu duenez, “rapa abestea, txioak idaztea, txiste politikoak sarean banatzea, Guardia Zibil baten alboan jartzea, poliziaren erasoen argazkiak ateratzea zein muralak egitea delitu gisa hartzen du Mozal Legeak”.

Eragile sozial, sindikal eta politikoek babesten dute deialdia

Larunbateko deialdiarekin bat egin duten eragileak hauek dira:  ELEAK Mugimendua, Satorralaia, Ongi Etorri Errefuxiatuak, Askekintza, EH Donbass, Errauskailuaren Aurkako Mugimendua, Gipuzkoa Zutik, Stop Deshaucios, ELA, LAB, ESK, CNT, EH Bildu, Podemos Euskadi, Equo eta Sortu.