Molotov koktelak jaurti dizkiote Barakaldoko PPren egoitza bati
Barakaldoko Foruen kalean dagoen PPren egoitzaren kontra bi molotov koktel jaurti dituzte ostiral goizaldean. Erasoak kalte material txikiak eragin dituela jakinarazi du Eusko Jaurlaritzako Segurtasun sailak.
Jaurtigaiek PPren egoitzako leihoa belztu dute.
Espaloia eta eraikinaren aurrealdea belztu dira jaurtigaien eraginez. Sua itzaltzeko ez da suhiltzaileen parte hartzerik behar izan.
Aste honetan bertan PPren beste egoitza bati eraso egin ziotela salatu dute alderdi horretako kideek. Zehazki, Getxoko egoitzari pintura gorria bota ziotela-eta kexu agertu da alderdia.
Getxoko margo jaurtiketaren ondoren Sevilla II kartzelan gose greba egin duten presoen egoera salatzen duten orrian jaurti zituzten. Atzo utzi zuten bertan behera protesta ekintza hori 13 presok.