“Mingarria da Iñigo Cabacasen erailketaren arduradunik eza urtero salatu beharra”
Iñigo Gogoan Herri Ekimenak prentsaurrekoa eskaini du Iñigo Cabacas gaztearen hilketaren laugarren urteurrena dela eta. Ekimena sortzeko arrazoiak “Cabacasen erailketa zigorrik gabe ez geratzea eta poliziaren jardunagatik heriotza gehiagorik ez izatea” izan zirela gogorarazi dute.
“Urtero, data hauetan, bidean jaso ditugun atxikimenduak aipatzen ditugu, eta urtero gogoratzen dugu zein lotsagarria eta mingarria den berriro ere hemen agertu behar izatea eta oraindik arduradunik ez izatea”, esan dute plataformaren izenean Oier Amorrortuk eta David Gonzalezek. Amorrortu, Iñigo Gogoan ekimeneko kidea ez ezik, Cabacasen senidea da.
Lau urte eta gero auzia oraindik instrukzio fasean dagoela nabarmendu dute –ekain hasieran amaituko da fase hori–, epaiketarik gabe eta oso inputatu gutxirekin: “Bospasei ertzain eta arduradun politiko bat ere ez”. Cabacasen hilketa zigorrik gabe gera ez dadin behar den lekuraino iristeko prest daudela iragarri dute, Europar Batasuneko auzitegiak barne.
“Zer gehiago egin behar dugu? Noiz arte eska daiteke justizia? Zer egin behar da gomazko pilotak desagertzeko polizien eskuetatik, hau berriro gerta ez dadin? Zer egin behar da konpromiso politikoak lortzeko?”, galdetu dute Gonzalezek eta Amorrortuk. Halaber, gaitzetsi egin dute Ugarteko ezizenez ezaguna den Ertzaintzaren buruaren jarrera –Cabacasen hiketaren gunean Indautxuko Herriko Tabernan indarrez sartzeko agindua eman zuena–; Ugarteko-k bere kontrako akusazioek “eragindako minagatik” salatu zituen Gara egunkaria eta Cabacas familiaren abokatu Jone Gorizelaia.
Azkenik, apirilaren 9an eta 10ean Iñigo Cabacas zena omentzeko egingo dituzten ekitaldiak iragarri dituzte. Hain zuzen ere, 9an elkarretaratzea egingo dute hura hil zuten lekuan, Kirruli plazan, 12:30ean; 10ean berriz, manifestazioa egingo dute, 17:30ean hasita, Bilboko Justizia Jauregitik aipatutako plazaraino.
Omenaldia egin diote Iñigo Cabacasi, bere heriotzaren hamargarren urteurrenean. Iñigo Cabacas Lizeranzu plaza izendatu dute Ertzaintzaren pilotakada batek hil zuen kantoia. Antolatzaileek eta gurasoek herritarren babesa eskertu dute, eta erakundeen... [+]
Apirilaren 5ean hamar urte bete dira Ertzaintzak jaurtitako gomazko pilota batek Iñigo Cabacas larriki zauritu zuenetik. Apirilaren 9an, ostera, Cabacasen heriotzaren hamargarren urteurrena beteko da, pilotakadaren ondorioz hil egin baitzen gaztea. Data seinalatu... [+]
Abenduaren 15ean Ertzaintzak artxibatu egin zuen Cabacasen hilketari buruzko barne ikerketa, eta gurasoek gutun batean adierazi dute “harridura eta atsekabea” eragin ziela erabakiak. Josu Erkoreka Jaurlaritzako Segurtasun sailburuari leporatu diote euren samina... [+]
Eusko Jaurlaritzako Segurtasun sailburu Josu Erkorekak azaldu duenez, sei auzipetuei ezin zaie ardura diziplinariorik eskatu, haietako bost (Juan José de Pablo 'Ugarteko' ertzainburua tartean) jada ez direlako funtzionarioak, eta seigarrenak, tiro egiteko agindua... [+]
Bizkaiko Auzitegiak erabaki du bi urtez bertan behera uztea Iñigo Cabacas hiltzea kondenatutako Ertzaintzako agenteari ezarritako bi urteko kartzela zigorraren gauzatzea. Ebazpenaren arabera, espetxe zigorra betearaziko diote, baldin eta Juan Jose de Pablo ertzain... [+]
Bizkaiko Probintzia Auzitegiaren epaia berresten du bere erabakiarekin Espainiako Epaitegi Gorenak. Ertzain bakarra izan zen zigortua Iñigo Cabacasen heriotzagatik.
Ertzaintzak “eraldaketa sakona” aurrera eraman ondoren, “hobera” egin duela dio Segurtasun sailburuak. Cabacasen familiak “gezurretan” aritzea leporatu dio.
Cabacas kasuko auziperatuen “inpunitatea hautsi” eta berriz horrelako gertakaririk ez izatea bermatu behar dela azpimarratu dute manifestariek. Justizia egiteko borrokan jarraituko dutela ere adierazi dute.
Paintballeko eskopetekin koloredun pilotak tirokatuz Olagibel kaleko Ertzaintzaren komisaldegia margotu du Ernaik, Cabacas auziaren epaia salatzeko.
Cabacas auziko epaia salatzeko elkarretaratzeak egin dituzte Bilbon asteazkenean eta igandeko manifestazio handirako deia egin dute. Gasteizen mobilizazioekin jarraituko dute ostegunean.
Ostegunean eman zuen epaia Bizkaiko Lurralde Auzitegiko epaimahaiak. Iñigo Cabacasen guraso, senide, lagun eta kasuko abokatuek jakinarazi dute Auzitegi Gorenean helegitea jarriko dutela.
Iñigo Cabasen heriotzagatik kondenatutako ertzainak ez du kartzelara sartu behar izango, baina lau urteko inhabilitazioa ezarri dio Bizkaiko Lurralde Auzitegiko epaimahaiak.
Iñigo Cabacasen senide eta lagunek epaiketaren balorazioa egin dute ostiralean Bilboko Kafe Antzokian deitutako prentsaurrekoan. Beraien ahotik kontatu nahi izan diote jendarteari gertatutakoa, baita nola sentitzen diren ere.
Iñigo Cabacasen heriotza argitzeko epaiketaren azken aurreko egunean, behin betiko ondorioak eta eskaerak aurkeztu dituzte alde guztiek. Hasierako eskaerari eutsi dio fiskalak: ez du deliturik ikusten eta absoluzioa eskatu du akusatuentzat. Minduta, haserre, malko artean... [+]
Urriaren 15ean ekin zitzaion Iñigo Cabacasen heriotzaren gaineko epaiketari, eta azaroaren 9an amaituko da. Orain arteko saioetan kontrajarri egin dira ertzainen gehiengoen eta kaleko testiguen bertsioak. Asteartetik aurrera adituek deklaratuko dute.