Elkarretaratzearekin batera manifestua ere kaleratu dute hainbat eskaer eta aldarrikapenekin: "Pandemia bat alderdikeria eta doktrinamendua egiteko aprobetxatzearen gehiegikeria argia salatzen dugu, eta hori, akats bat izateaz gain, gaitzesgarria da. Salatu nahi dugu ez dela beharrezkoa armadako eta polizia-kidegoetako uniformedunengana jotzea eskumen zibil eta sanitarioko gaietan, zeharka zuritzeko gastu militar itzela; nazioarteko aliantzen baitako esku-hartze kolonialistak; mugak ixteko baliabide militar xenofoboa; edo gero eta infiltrazio faxista handiagoa aginte-koadroetan eta tropan".

Antolatzaileek salatu dute polizia eta militarrek urtero data eta aitzaki ugari baliatzen dituztela hezkuntzaren espazio publiko eta pribatuetan sartzeko: "Eta justu orain, Maria Chivite buru duen Nafarroako Gobernuak eskatuta, arakatzaile militarrak berehala iritsiko direla iragartzen digute. Hori dela eta, suhiltzaileak, osasun-langileak eta hezitzaileak bildu egin gara gastu-abusu hori eta militarrek lehia zibil, pedagogiko eta sanitarioko gaietan duten presentzia salatzeko"

Antimilitarismotik, osasun eremutik, hezkuntzatik eta babes Zbiletik Nafarroako Gobernuari zera eskatu diote: bat, arakatzaile militarrak ez eskatzea eta behar bezala prestatutako langileak kontratatzeko bitartekoak jartzea; bi, militarrak babes zibileko hezkuntza, osasun esparru eta kaleetatik ateratzea. Eta hiru, larrialdi sozial, ekonomiko eta sanitarioa arintzeko gastu militarra eta arma-gastuak erabiltzea.