Yala Nafarroak deitutako manifestazioan 2.000 pertsona inguruk hartu dute parte eta Iruñeko hainbat kale zeharkatu ditu Gaztelu plazan amaitzeko. Azken irakurketan adierazi dutenez, "erokeria distopiko hori geldiarazi daiteke, askoz gehiago garelako kapital handiak maneiatzen duen mundu horren aurka gauden pertsonak. Herritar kontziente eta mobilizatu gisa dugun boteretik berrarmatu besterik ez dugu egin behar, eta gure gobernuak presionatzen jarraitu behar dugu, beren betebeharra den bezala, nazioarteko legedia bete eta betearaz dezaten eta, beraz, Israelekin mota guztietako harremanak eten ditzaten, genozidioarekin lotutako enpresetan diru publikoa inbertitu ez dezaten, armak osorik enbargatu ditzaten eta Israeli zigorrak ezar diezazkioten. Izan ere, bere isolamenduak bakarrik geldiaraziko du basakeria genozida hau, gure erresistentzia guztiak elkartuz bakarrik garaituko dugu zapaltzailea".