“Edozer dugu posible” egunak milaka lagun erakarriko ditu Donostiara
Donostiako Piratek elkarlana eta irudimena baliatuz, edozer dutela posible erakutsiko dute gaur. Manu Chaoren kontzertuaz gain, egun osoan ekintza ugari eta Gipuzkoako Elikagai Bankua eta Saharar Herria laguntzeko ekimen solidarioa izango dira. Jende asko bertaratzea espero denez, garraio zerbitzu bereziak jarri dituzte.
Zurriola hondartza inguruetan 10:30etatik aurrera hasiko dira ekintzak, denak dohainik. Adin guztietako jendeari zuzenduta egongo dira eta eta egunaren bukaeran iritsiko da kartel-buru den Manu Chaoren kontzertua.
Gipuzkoako Elikagaien Bankuari eta Saharar Herriari laguntzeko asmoz, “jatekorik ez duen piratarik egon ez dadin” egun osoan antolatu duten ekimen solidarioa azpimarratu dute piratek. Ondorengo produktuak eramateko deia luzatu dute: arroza, oliba olioa, azukrea, kontserbak, esne-hautsa, dilistak eta konpresak.
500 boluntario inguru ari dira auzolanean eguna aurrera eramaten. Denen artean, besteak beste, ondorengo balioak bultzatu nahi dituzte: herritarren parte hartzea, euskararen normalizazioa, parekidetasuna, jasangarritasun ekonomikoa eta ekologikoa, kultur aniztasuna, elkarrekiko errespetua eta auzolana.
Piraten oharrak
Izanpirata.info webgunean errespetatu beharreko ohar batzuk zabaldu dituzte piratek. Alde batetik, “gune segurua osatze aldera” eraso sexisten aurkako neurri zehatzak hartuko dituztela adierazi dute eta hurrengo telefono zenbakia finkatu dute horrelakoak salatzeko: 674562864.
Hondartza garbi mantentzeko, Brigada Berdeak ibiliko dira egun osoan inguruak garbitzen. Kristalik ezingo da sartu hondartzara, hori saihesteko segurtasun filtroetan katxi edalontziak banatuko dira.
Garraio zerbitzu bereziak
Milaka pertsona batuko direla aurreikusita, garraio zerbitzu bereziak gertatu dituzte. Dbuseko zerbitzu bereziak ezarri dira eta Euskotrenek ere zerbitzua indartu du, 01:30etik 03:00ak arte, Donostiatik Zumaiara eta Hendaiara tren bereziak ezarriz.
Renfek ere kontzertuaren ostean tren bereziak jarriko ditu, bi Irunera eta bana Tolosara eta Brinkolara. Autoentzat eta autobusentzat Illunben aparkaleku-erresereba ezarri du Donostiako Udalak.
Lazkaon 1960-70ko hamarkadan galdu ziren inauteriak berreskuratzeko asmotan dabiltzala irakurri dugu azken asteetan. Festa haietatik abiatuta herriko hainbat talde elkartu eta otsailaren 28an plazaratuko dira inauteriak ospatzera. Xehetasun gehiago jakin nahian Oin Arin dantza... [+]
Bi asteburu direla atera dira lehen kaskarotak: Beskoitzekoak. Eta martxora arte larunbatez eta igandez astero ibiliko dira herriko auzoetan etxez etxe dantzan eta festan. Goiztiarrenak eta irteera gehiena egiten dituztenak dira Beskoitzeko kaskarotak, baina ez bakarrak... [+]
Urtea hasi zenetik 64 espediente ireki ditu Arabako Aldundiak fakturazio sistema hori ez erabiltzea leporatuta, tartean, "txosna batzuen" aurkakoak. Gasteizko Txosnen Batzordeak abuztuko jaien aurretik iragarri zuen uko egiten ziola Ticket Bai ezartzeari eta Aldundiak... [+]
Hondarribiko Alarde tradizionala eta Jaizkibel konpainia desfilatzen aterako dira, urtero bezala, irailaren 8an. Baina orain arte EAJk gobernaturiko udala Abotsanitzek eskuratu du eta egin dituen aldaketek hautsak harrotu dituzte Alarde tradizionalean. “Konpainia guztiak... [+]
Udaltzaingoaren azken egunotako "gehiegikerien" aurrean, Bilboko Konpartsen Federazioak elkartasuna adierazi die manteroen kolektiboko lagunei, Areatzan egindako elkarretaratzean.
EAEko hiru hiriburuetan udako jaiak ospatzearekin batera, etorri dira, berriz ere, ostalaritzako patronalaren kexuak jai herrikoien aurka. Gipuzkoako Ostalaritzaren elkarteak Gipuzkoako Foru Aldundiari eskatu dio Arabakoaren bidea jarraitzeko, eta txosnei eta kale saltzaileei... [+]
Palestinarekin Elkartasuna ekimenak antolatu du Aste Nagusian Israel borrokatu lelopean. Bilboko Aste Nagusiaren bezperan, ostiralean, 19:00etan, egingo dute mobilizazioa.
Bi bortxaketa eta beste sei erasoren salaketa zuzenak jaso ditu Gasteizko Mugimendu Feministak. Elkarretaratzea egin du erasoak salatzeko txosna gunean, ostegunean. Gasteizko Udalak elkarretaratzea ostiralean 11:00etan egin du. Erasoen harira ez dute inor atzeman, momentuz.
Txosnen eledun Eider Castañedaren hitzetan, Marta Ruiz de Alda alkate erregionalistak "autogestioarekin, jai herrikoiekin, euskararekin, feminismoarekin zerikusia duen espazio oro debekatu nahi du".
Arabako Aldundiak TicketBai sistema ezartzea exijitzen die txosnei, eta uko egiten dio Gasteizko Txosnen Batzordeak. Hala ere, jaietan txosnak jarriko dituztela ziurtatu du batzordeak. “Erasoa” Euskal Herriko jai herrikoi eta herri eragile guztien aurkakoa dela... [+]
Lizarrako Udalak datozen jaietarako aurreikusia dagoen jai herrikoien egitaraua arriskuan jarri du. Txosnak erdigunetik kendu eta urrun eta baztertua dagoen zonalde batera eraman nahi ditu.
'Jalgi belak mastara, eta euskara plazara!' lelopean ospatuko dute Donostiako Aste Nagusi Pirata, abuztuaren 10etik 18ra.
Autobus-geltokiko parkingean txosnak jartzea debekatu du Lizarrako Udalak. San Benitora lekualdatu nahi ditu, baina Festagirok uko egin dio inposaketa horri. Emakumeentzat leku arriskutsua dela, udalak herriko eragileak jaietako dinamika sozialetik urrundu eta isolatu nahi... [+]