Milaka lagunek Altsasuko gazteen askatasuna exijitu dute espetxean sei hilabete bete dituztenean
4.000 lagun baino gehiago bildu bildu ziren igande eguerdian Altsasun duela sei hilabete espetxeratu zituzten Adur, Jokin eta Oihanen askatasuna exijitzeko. Denbora honetan guztian izandako mobilizazio etengabea izan da.
2016ko urriaren 15ean bi guardia zibil eta haien bikoteek gazte talde batekin gauez taberna batean izandako liskarraren harira sortu da oraindik airean den auzi hau. Espainiako Auzitegi Gorenak erabaki behar du non epaituko dituen auziperatutako gazteak. Carmen Lamela Auzitegi Nazionaleko epaileak terrorismotzat jo ditu gertaerak, eta beraz, Madrilen egin nahi du ahozko auzia. Nafarroako Lurralde Auzitegiak, aldiz, ez du halakorik uste eta gertaerak Nafarroan epaitu behar direla ebatzi du.
Oraindik espetxeratuak jarraitzen duten gazteen senideek bi zenbakirekin azpimarratzen dituzte sei hilabete hauek: 90.000 kilometro egin dituzte eta 37.000 euro gastatu.
Gazteen senideek esker ona adierazi zieten bildutako milaka lagunei, eta berriz, izandako muntaia poliziala salatzeaz gain, gaur egun Altsasun pairatzen den kontrol eta jazarpen poliziala azpimarratu dute. Esan dutenez, mobilizazioak hasi zirenetik milaka euroko isunak jaso dituzte elkartasuna eta sortutako mugimendua gelditzeko asmoz. Baina ez dutela lortu azpimarratu dute, eta gaurko mobilizazioa horren adibidea dela. "Ez ditugu besoak jeitsiko" azaldu dute, "guztion artean muntai honekin amaituko dugu", eta Altsasu herria defendatzen jarraituko dutela ziurtatu dute.
Urriaren 15ean Altsasun izandako liskarraren osteko oihartzun mediatikoak asaldura eragin zuen herrian. Egoera larriagotu zen azaroaren 14an Carmen Lamela epaileak zazpi gazte espetxeratzeko agindu zuenean. Minak elkarturik, sei hilabeteotan Altsasuk erantzun bateratua eman eta bidegabekeria salatu du.
Albiste hau Ahotsa.info-n argitaratu da eta ARGIAra ekarri dugu CC by-sa lizentzia baliatuta
Ostegun honetan estreinatu da Madrilen 2016ko Altsasuko gazteen atxiloketa eta auzipetzea ardatz dituen antzezlana La Abadia antzokian, Voxek zentsura kanpaina handia egin ondoren.
Giza Eskubideen Europako Auzitegiak ez du aintzat hartu Altsasuko gazteek epaiketa bidezkoa izan zuten aztertzeko eskakizuna. Auzipetutako gazteetako batek, Iñaki Abadek, eman du jakitera berria.
Espainiako Auzitegi Nazionalaren ebazpenean dago oinarritua erabakia eta dioenez, Altsasuko gazteak zigortu zituen ebazpenean ez zen terrorismorik aipatzen, beraz, ez administrazioak ez Auzitegi Nazionalak ezin dute terrorismoaren biktimen kalte ordainik onartu.
Estrasburgoko Auzitegiak onartu egin ditu Altsasuko kasuan kondenatu zituzten zortzi gazteetatik biren defentsek aurkeztu zituzten errekurtsoetako batzuk eta aztertuko du ea epaiketa justu bat izateko eskubidea urratu zitzaien.
Asteartean onartu diete hirugarren gradua Altsasu auzian auziperatutako Jon Ander Cob eta Julen Goikoetxeari.
Duela lau urte “batzuek” erabaki zuten lehen lerro politiko eta mediatikora eramatea, azken hamarkadetan Euskal Herriko leku ugaritan gertatu izan diren liskar horietako bat. Zazpi gazte eta herri oso bat deabru bilakatuta. Zurrunbiloaren erdian harrapatu zuen... [+]
Duela lau urte “batzuek” erabaki zuten lehen lerro politiko eta mediatikora eramatea Altsasu, azken hamarkadetan Euskal Herriko leku ugaritan gertatu izan diren liskar horietako bat. Zazpi gazte eta herri oso bat deabru bilakatuta. Zurrunbiloaren erdian harrapatu... [+]
2019ko urriaren 17an, Ertzaintzak 21 gazte atxilotu zituen Altsasuko gazteen eta Kataluniako independentziaren aurkako sententziak salatzeko Ernaik deitutako mobilizazioetan. Atxilotuetako hamabost deklaratzera deitu dituzte orain.
Altsasuko gazteak, haien gurasoak eta Altsasukoak Aske herri plataformako kideak hedabideen aurrean agertu dira lau urteko ibilbidean gazteen auzian elkartasuna azaldu duten guztiei eskerrak emateko. Etapa bat ixteko garaia dela adierazi dute.
Giza Eskubideen Europako Auzitegian helegiteak aurkeztu dituzte auzipetuen abokatuek. Tramiterako onartzeko zain daude.
Auzipetuen egoera nabarmen aldatu delako, Altsasu Gurasoak taldeak eta Altsasukoak Aske herri plataformak ostiralero elkarretaratzeak egiteari utziko diote. Kontzentrazioei amaiera emateko ekitaldi berezia antolatu dute ostiralean.
Irteerak egiteko baimenik ez zuten Altsasu auziko bi gazte bakarrak ziren. Auzitegi Nazionaleko Espetxe Zaintza Epaitegiak hirugarren gradua ukatu die, baina 100.2 artikulua onartu.
