Mendekua alboratu eta Iparragirre berehala askatzeko eskatu dute senideek
Ibon Iparragirre presoaren egoera oso kritikoa dela adierazi dute, beste behin, bere senitartekoek. Bilbon egindako agerraldian, gorrotoan eta mendekuan oinarritzen diren espetxe politikek “Ibon hilko dutela” adierazi dute. Berehala aske utzi dezaten eskatu dute, gaixo larrien kasuetan egin ohi den bezala. Mobilizazioak iragarri dituzte preso gaixoen egoera salatzeko.
Ihesa du Iparragirrek. Ondorioz, baxuak ditu defentsak. Ohiko egoeratan, pertsonek 720-1.500 inguruko defentsa maila izaten dute. Azken urtean 50 inguruan izan ditu defentsak Iparragirrek. Iraileko mediku txostenak alarma guztiak piztu ditu: hogeira jaitsi zaizkio defentsak. “Edozein infekziok heriotza eragingo lioke”, diote senitartekoek. Hirugarren gradua “berehala” aplikatzeko eskatu dute, “beranduegi izan ez dadin neurriak hartzeko”.
Espetxe Araudiko 104.4 eta 91.3 artikuluek diote preso baten bizia arriskuan bada, kaleratua izan behar dela. Bi artikuluok Iparragirreren kasuan aplikatzeko eskatu du Sarek: “Mendekuak ezin dio legalitateari gain hartu”. Gotzon Iparragirrek, Ibon Iparragirreren anaiak, adierazi du medikuen axolagabekeriaren eta mendeku politiken ondorioz dagoela Ibon egoera honetan. Presoaren ama pasa den astean bildu zen espetxeko medikuarekin. “Beste preso bat balitz”, honezkero kalean legokeela esan zion.
Pilota elkarri pasaz
Jose Luis Castro Espainiako Auzitegi Nazionaleko Espetxe Zaintzako epaileak baimendu behar du Iparragirreri hirugarren gradua aplikatzea; sinadura batekin nahikoa litzateke. Mediku auzia dela argudiatuta, ardura espetxeko mediku zuzendariordeari luzatzen dio. Medikuak, ordea, erabakia bere eskumenetatik kanpo dagoela dio, eta ez duela auzi honetan eskua sartu nahi. Egoeraren larritasuna ikusita, ardura elkarri helaraztea “arduragabekeriaz jokatzea” dela nabarmendu dute senideek.
Sare, Etxerat eta Iparra Galdu Baik plataformak, mobilizazioak iragarri dituzte: Ibonen egoera salatzeko eta kaleratzea eskatzeko, urriak 22an, igandean, manifestazioa egingo dute, Ondarroan. Azaroak 11n, aldiz, preso gaixoen kaleratzea eskatzeko giza-katea egingo dute Basauriko kartzelatik osasun etxera. Azkenik, presoen auziari irtenbidea emateko urtero egiten den mobilizaziorako deia zabaldu dute, urtarrilaren 13an, Bilbon.
Euskal preso politikoa ostiralean hil zen minbizi baten ondorioz, 30 urteko espetxealdiaren ostean kaleratu eta 10 hilabetera. Troitiñoren kasua euskal presoei aplikatzen zaien salbuespen politikaren adierazle dela salatu dute bi elkarteek. Mobilizazioak antolatu dituzte... [+]
Eritasun "larri eta sendaezin" bat duela, baldintzapean atera da kalera otsailaren 5 goiz honetan. Orotara, 30 urtez gora pasa behar izan ditu kartzelan.
61 urteko preso lekeitiarrak maiatzaren 13an buruko isuria izan zuela argitaratu du Etxeratek. Orain Puerto-I kartzelako (Cadiz, Andaluzia) erizaindegian dagoela eta asteburuan familiaren bisita izan duela gehitu du.
Dispertsio politika bukatzeko eta larriki gaixorik dauden presoak askatzeko eskatu diete Espainiako Estatuko eta Europako Parlamentuko presidenteei.
Sareko kideek presoen egoera aldatuko den "itxaropena" erakutsi dute: "Hala behar luke, behinik behin. Orain da unea; izan ere, orain ez bada, noiz?"
2019ko zerrendatik bi izen atera dira: Aitzol Gogorza, espetxeratze arinduan, eta Jose Angel Otxoa de Eribe, berriki zendua. Duela hamar urte baino hamahiru preso larri eta sendaezin gehiago daudela ohartarazi du Etxerat elkarteak.
Euskal Herrian jaio izanaren ordaina izan da gatazka mingarri batean harrapatuak egotea. Aukera bat izan zitekeen ez ikusiarena egin eta ezer gertatuko ez balitz bezala bizitzen saiatzea. Zilegi izan daiteke.
Jose Ramon Lopez de Abetxuko preso ohiak eta Txeman Matanzas abokatuak preso gaixoen egoeraren inguruko hitzaldia eman dute Gasteizko unibertsitateko campusean. Aretoak gainezka egin du. Aurretik Esteban de Garibay elkarte eskuindar unionistak hitzaldiaren aurkako kontzentrazioa... [+]
EHUren Gasteizko campusean egingo da hitzaldia, asteartean. Esteban Garibai elkarteak hitzaldiaren kontrako elkarretaratzea deitu du, hitzaldia hasi baino ordu laurden lehenago. Hizlariaren aurkako jazarpenarekin aurkako “sufrimendu jakin bat” estali nahi dela salatu... [+]
Ibon Fernandez Iradi euskal presoak egindako zigor etete eskaera onartu du Parisko Zigor Aplikazioen Auzitegiak, baina Fiskaltzak jarritako helegitea medio, haren askatasunari buruzko azken erabakia bi hilabete barrura arte atzeratu da. Esklerosi anizkoitza du Lasarte-Oriako... [+]
Espainiako Estatuak darabilen kartzela politikak euskal presoen eskubideak urratzen ditu eta urraketa horien txostena aurkeztu dute Sare Herritarrak eta EHUko Ikasmirak elkarteak. Txostena Nazio Batuen Erakundeko Giza Eskubideen Batzordera eramango dute orain.
Larunbatean jarri zuten abian kanpaina Bakearen Artisauek. Uztailaren 5ean Parisko Zigorrak Aplikatzeko Auzitegiak baldintzapean aske uztearen alde egin zuen, baina fiskaltzak helegitea jarri zuen eta preso jarraitzen du.
Urkabustaizko bizilagunak gaixotasun larria du.