Martxoaren 8an Leitzaldean egin zen greba feministan parte hartu zuten bi lagunek 600na euroko isuna jaso dute. «Mobilizazio egunari hasiera emateko gauerdian egin zen kazeroladan herria aztoratu, errepideko ibilgailuak oztopatu eta ondorioz bai gidarien baita beraien burua arriskuan jarri izana» leporatu diete.
Albiste hau Erran.eus-ek argitaratu du eta Creative Commons lizentziari esker ekarri dugu.
Ekimenean parte hartu zutenek adierazi zutenez, «ibilgailu bakar batekin ere ez zuen topo egin martxak, eta beraz, salatu dutena gezurra da». Horrekin «isilik egotea» nahi dutela eta «mugimendu feministaren aurkako jarrera» islatzen dutela gaineratu dute. Atzo, ekainaren 2an, «errepresentatzen, erreproduzitzen eta babesten duten eredu zapaltzaile eta matxistaren aurrean» biltzekoak ziren.