Eneko Goia alkateak larunbatean azaldu zuenez, berez etxean egon daitezkeen gaixoak hartuko lituzke bost izarreko hotelak, senideak kutsatzeko arriskua dutelako, edo etxean bakartuta egoteko behar diren baldintzak ez dituztelako.

120 gela izango dira, gehienak bikoitzak, eta Osakidetzak jarraipen lana garatuko du. Horrela, Euskal Herrian antzeko funtzio hau burutzeko moldatu den hirugarren hotela litzateke, Gasteizeko Lakua eta Iruñea Parkekin batera.