Nafarroako Gobernuko presidente Maria Chivitek (PSN) esan du euskara meritu gisa ez hartzeko Nafarroako Auzitegi Gorenaren ebazpenari helegitea jarri ala ez aztertuko dutela.
"Ebazpenak ez ditu soilik indargabetzen pasa den legegintzaldiko dekretuaren artikuluak, azken hogei urteotako politika linguistiko osoa baizik, UPNren gobernuen dekretuak barne", adierazi du Chivitek.
Gaineratu du epaiaren "ondorio teknikoak" aztertzen ari direla, haren aurkako helegitea jarri ala ez erabakitzeko. Presidentea kezkaturik agertu da euskara meritu gisa onartzu zitzaien 1.500 pertsonari eragin ahal dielako epaiak, baita iragarritako edota jada martxan diren lan eskaintza publikoei ere.