argia.eus
INPRIMATU
Manifestazioa egin dute ELA eta LABek deituta gehiengo sindikala errespetatzeko eskatzeko
  • Astearte goizeko 10:30etan hasi da ELA eta LAB sindikatuek deituriko manifestazioa, Gasteizen. Uztailaren 22an gizarte elkarrizketaren mahaiaren harira Eusko Jaurlaritzak, Confebaskek, CCOOk eta UGTk negoziazio kolektiboaren inguruan sinatutakoa salatu dute eta “bozetan langileek aukeratutako gehiengo demokratikoa” errespetatzeko aldarrikatu dute.

Sara Arruabarrena Azkarate @s8ara 2016ko irailaren 20a

Manifestazioa Lehendakaritzaren egoitzaren aurrean amaitu da eta bertan hitza hartu dute ELA eta LABeko idazkari nagusi Adolfo Muñoz eta Ainhoa Etxaidek. Muñozek “gobernuak patronalari emandako babesa sindikalgintzaren askatasunaren aurkako erasoa” dela adierazi du eta Eusko Jaurlaritzari eskatu dio akordioa bertan behera uzteko. Urkullu buru duen gobernuak “patronalaren ‘erabakitzeko eskubidea” babesten duela gaineratu du.

“Aztertzen ari direna patronalaren boterea oztopatzen duena erditik kentzea da. Gu oztopo bat gara eta erditik kendu nahi gaituzte”, azaldu zuen Etxaidek irailaren 12an izandako manifestazio deialdiaren aurkezpenean.

Twitterren #IruzurrikEz traola erabiltzen ari dira informatzeko. Azpian txio jarioa.