Manifestazioa egingo dute bihar Iruñean, euskaraz bizi nahia aldarrikatzeko
Kontseiluak egin du deialdia, “jauzia egiteko garaia delako”. Euskara bermatzeko “neurri ausartak” hartzeko ordua dela azpimarratu dute antolatzaileek.
“Bide eman euskarari, euskaraz bizi nahi dugu” lelopean, manifestaziora deitu du biharko Kontseiluak. Golem-etik abiatuko da, arratsaldeko 17:30ean. Besteak beste, iazko apirilean Anaitasunan egindako ekitalditik gaur arte jazotakoak salatzeko baliatuko dute ekitaldia, Paul Bilbao Kontseiluko idazkari nagusiak aurkezpen prentsaurrekoan adierazi zuenez.
“Denbora tarte honetan, hainbat gertaera jazo da eta kalera ateratzeko beharra berretsi besterik ez digute egin”, azaldu zuen Bilbaok. Gertaera horien artean sartu zituen, besteak beste, Iruñerrian ETBren seinalea eteteko agindua, eta Iruñeko haur-eskolen eskaintzaren inguruan hartutako erabakia, Nafarroako Auzitegi Nagusiak Baztango euskara plana bertan behera utzi izanarekin batera.
Biharko deialdia egiteko arrazoitzat jo zituen adibideok zerbaiten adierazle zirela iradoki zuen idazkari nagusiak: “Erregimenak Gobernuan egon edo ez esku luzea duela eta ondorioz, gauzak lotu ezean euskaldunak egoera ezegonkorrean” uzten dituela azaldu zuen.
Horregatik, eta “jauzia egiteko garaia” dela argudiatuta, biharko manifestaziorako deialdia egin du Kontseiluak. Bilbaoren hitzetan, euren aldarria “kalera ateratzeko beharra oraindik ere beharrezko ikusten” dutelako.
“Euskarari bide eman behar zaio, neurri ausartak hartuz. Uste dugu jauzia egiteko garaia heldu dela. Bestetik, euskarari bide eman behar zaio, justiziazkoa delako, oreka soziala bermatzeko beharrezkoa delako” esanaz amaitu zuen prentsaurrekoa.
“Ez da posible hiri guztia zeharkatu behar izatea seme-alabak hemengo jatorriko hizkuntzan murgiltzeko” salatu dute guraso askok. Euskarazko plazak ere “oso urriak direla” salatu dute familia askoren artean eginiko bideoan.
Hilaren 29tik aurrera Sortzen Guraso Elkarteak Jauzi.eus bilatzailea martxan jarriko du. Xedea da euskararen normalizazioa bultzatzeko dagoeneko eskaintzen den aisia atari digital bakarrean biltzea.
Iruñeko Euskalgintza plataforman bildutako eragileek egin dute deialdia. Hiriburuan dauden hamasei haur eskoletatik batean eskaintzen da euskarazko murgiltze eredua. Iruñeko Udalari eta Nafarroako Gobernuari eskatzen diote auzo bakoitzean murgiltze ereduko haur... [+]
Inoiz baino jende gehiago bildu da Iruñerriko III. Mintzodromoan. 180 pertsona inguru aritu dira euskara praktikatzen eta sare euskalduna zabaltzen.
Iruñeko zein Antsoaingo udaletan EH Bildu dago. Herritar batek errekurtso bat jarri du Antsoaingo Udalean, eta ez dutenez errekurtsoa onartu, Nafarroako Administrazio Auzitegira jo du.
Iruñeko auzo guztietako haur eskoletan murgiltze eredua ezartzeko eskatu dio euskalgintzak udalari. Horrez gain, salatu du duela 35 urteko egoera berean daudela.
Maiatzaren 9an atera dira aurrematrikulen zerrendak, eta Haur Eskoletako Gurasoak elkarteak salatu du Iruñeko Udalak %20ra “mugatu” duen euskarazko eskaria izatez %35,2koa dela. Gainera, azpimarratu dute euskara ezin dela neurtu eskaintza-eskaria... [+]
Hiriko errepideak “oztopatuko” lituzkeela argudiatuz Korrika iragartzen duen haurren Korrika txikiari trabak jarri dizkio Iruñeko Udalak, haurrei, musikariei eta erraldoiei errepidetik ibiltzea ukatuz.
Iruñeko Euskalgintzak azaldu duenez, hirian dauden 12 udal haur-eskoletatik bakarra dago euskaraz murgiltze ereduan: "Horrek esan nahi du eskola horietan eskainiko diren 1.069 plazetatik 130 bakarrik izango direla euskaraz (%12'16a)". Eskaintza murritz hori... [+]
Haur Eskolak Euskaraz plataformak deituta, herritar talde batek protesta egin zuen otsailaren 2an Nafarroako Legebiltzarraren aurrean, Iruñeko Udalak hiriaren haur eskoletan euskararekin duen jarrera baztertzailea salatzeko.
2022-2023 ikasturterako eskaini dituzten 1.069 plazetatik soilik 130 dira murgiltze eredukoak. Beste 129 plazek euskaraz gain ingelesezko jarduerak ere izango dituzte. Haur Eskolak Euskaraz plataformak eta EH Bilduk salatu dute Navarra Sumak euskarari egindako beste eraso bat... [+]
Iruñerrian 'Parkean euskaraz' egitasmoa abian da. Heldu eta haur euskaldunak astero biltzen dira auzoan edo herrian elkarrekin euskaraz hitz egiteko. Helburua haurrek haien artean euskaraz egitea da eta horretarako guraso, senide edo lagun helduak eredu izatea da... [+]
Goiz osoko festa izan zuten larunbatean, eta Iruñeko euskaldunen komunitatearentzako elkargunea izango den Gazteluko plazako lokala erakutsi zuten.
Bi eta sei urte bitarteko umeei eta beren familiei zuzendutako egitasmoa da. Astean behin, zazpi auzotako parkeetan elkartuko dira jolasak eta beste hainbat ekintza egiteko. Izen-ematea zabalik dago irailaren 23ra arte.
