Mexiko Hiriko Matxinatuen biribilgunea eta hainbat metro geltoki bi orduz geratu dituzte mobilizazio feministek. Mexikoko Fiskaltzaren atarian ere liskarrak izan dira.
Azken asteetan poliziek egindako bortxaketek samina zabaldu dute, eta milaka emakume kalera atera dira Mexikoko hainbat hiritan. 17 urteko emakume batek sei poliziak auto batean bortxatu zutela salatu zuen, eta beste adin txikiko emakume batek Mexikoko Argazkilaritza Museoan bortxatua izan zela salatu zuen, polizia batek kasu honetan ere.
Milaka emakumek Matxinatuen biribilgunea eta hainbat metro eta autobus geltoki hartu dituzte bi orduz. Bestalde, poliziaren egoitza batzuetan eta Mexikoko Fiskaltzaren atarian triskantzak egin dituzte, bortxaketak eta inpunitatea salatzeko.
Tentsio handiko uneak ere izan ziren kazetari batzuekin. Manifestarien ustetan, “manipulatzaileak eta bortxatzaileen zuritzaileak” dira kazetari asko, eta protestak egiten ari ziren lekuetatik botatzea lortu dute. Bi emakume hauen kasuak aspalditik datorren muturreko egoera baten lehertzaileak izan direla diote, baina beldurra “galdu” dutela argi utzi dute.
Jóvenes realizan manifestación feminista en el monumento a las “tijeras” de Zona Río.
Reclaman poca protección de las autoridades ante abusos en su persona o violaciones.
De forma particular por caso de violencia a menor por cuatro policías en la Ciudad de México. pic.twitter.com/VbL2AYBCNS
— Daniel Andrade (@andradedaniel18) August 17, 2019