Maialen Duguine: “Busti gazteen topaleku izatea nahi genuen”
“Gazteentzat euskaraz pentsatutako edukien faltan”, gazteek gazteentzat egindako Busti saioak irabazi du 2017ko Ikus-entzunezkoen Argia Saria.
Maialen Duguine taldeko kideak adierazi digunez, “denbora aunitz pasa dugu proiektu honen inguruan, eta sari honek balorazio berezia ekartzen dio lantalde osoari. Emankizuna bukatua da orain, baina motibazioa pizten ahal digu beste proiektu batzuk aitzinatzeko”.
Hainbat gazte-iniziatibari euskara hutsezko multimedia proiektu baten barruan ahotsa ematea izan dute helburu Kanalduderen babesean, eta Ipar Euskal Herriko autobus geltokiak izan dituzte eszenatoki: “Autobus geltokiak bezala, Busti gazteen topaleku izatea nahi genuelako”. Emankizun mugikorra izan da, eta hilero txoko ezberdin batean ikusteak ere eman dio freskotasuna eta sorpresa saioari.
Umorea lagun, eguneroko gaiak aipatu eta kritikatzeko tartea izan dute, eta atal ugariz osatutako emankizuna izanik “bakoitzak bere intereseko puntuak bilatu dituela iruditzen zaigu”, azaldu du Duguinek. Talde honen bueltan gazte anitz elkartu direla-eta, oso gustura daude emaitzarekin.
Urtarrilaren 31n bilduko gara Usurbilgo Atxega jauregian Argia Sariak banatzeko. ARGIAko lantaldea ari da balizko saridunen zerrenda osatzen. Hala ere, irakurleon proposamenak beso zabalik jasotzen ditugu urtero.
Negozioak eta interesak zapaltzaileen buruetan. Izan herri bat zapaltzeko, hizkuntza bat, kultura bat, memoria edo ingurumena. Dirua, sosa. Egoerarik makurrenetan ere, ordea, usu pizten da erresistentziaren su txikia, interesen gainetik duin bizi nahi duen jendearen mugimendua... [+]
Dani Blancok ateratako argazkiak Usurbilen.
Folklorea kristalizatu den gauza hori zela zioen Ion Celestinok ARGIAn. Eta tradizioa, aldiz, une jakin batek ematen duen lorea dela azaltzen zuen.
ARGIA Sariak “tradizio” bilakatu direla esango genuke gaur egun. Hasteko, eta gehiegi pentsatu gabe, 35. urtez... [+]
Gordegia.eus, Donostiako Egia auzoko artxibategi grafikoak jaso du interneteko Argia Saria. Herritarren memoriaren lekukotasuna denon eskura jartzeagatik eman zaio saria, eta Arkaitz Artola, Juanpe Urrosolo eta Fernando Olaldek jaso dute Antton Mendizabalen oroigarria.
Sahara. Herri bat erresistentzian liburuak jaso du 2024ko prentsa saria. Herritarrei ahotsa emanda, sahararren aurkako errepresioa eta haien erresistentziarako kemena transmititzeko egindako ahaleginagatik jaso du saria Kristina Berasain Tristan liburuaren egileak.
Guggenheim Urdaibai Stop plataformak jaso du 2023an egindako komunikazio kanpainarik onenaren saria. Aspalditik datorren borroka bati bultzada berria emateagatik, eta ingurumena eta herritarrak erdigunean jartzeko lanean aritzeagatik eman dio ARGIAk saria. Antton Mendizabalen... [+]