Madrilekin AHTaren inguruko hitzarmen berri bat sinatzearen alde azaldu dira Geroa Bai eta oposizioko alderdiak
"Herrialdearen garapenerako" beharrezkoa dela esan du Geroa Baik, UPNrekin, PSNrekin eta PPrekin lerratuta; kontra azaldu dira EH Bildu, Ahal Dugu eta Ezkerra.
Espainiako eta Nafarroako Gobernuen artean "hitzarmen berria" behar da, Abiadura Handiko Trena Eraikitzeko -Narroako Prestazio Handiko Trenaren Korridorea izena erabiltzen dute, proiektua ezberdindu nahian-, Geroa Bairen aburuz. Hori dela eta, AHTaren aldeko adierazpena onartu zuen atzo Nafarroako Parlamentuak, Geroa Bairen botoekin ez ezik, UPNren, PSNren eta PPren sostenguarekin. Hiruek ondoan izanen dituela esan zioten Exekutiboari; PSNko Maria Chivitek eta UPNko Javier Esparzak, gainera, gaiak laukoaren artean pitzadurak sortu dituela adierazi dute: "Laukoa zatiturik dago gai honetan", esan du erregionalisten bozeramaileak.
Atlantikoko eta Mediterraneoko korridoreak lotzearen alde egin du deklarazioaren lehen puntuak, Europarekin konektatzeko. Talde guztiek bat egin dute horrekin. Ondokoekin sortu da, ordea, hika mika: "nazioarteko estandarrekin" eraikitako trenbidearen alde egin baitute.
Zuzenketek, biderik ez
Castejon eta Campanas tartea "berrikusteko" galdegin dute, bai EH bilduk bai Ezkerrak ere, zuzenketak aurkeztuta, erdialdea "isolatuta" geratzen delako. Era berean, trena eraiki beharrean, "hirugarren erraila" txertatzeko eskaera luzatu dute. Zuzenketek ez dute biderik egin, dena dela, Geroa Baik ez ditu-eta tramiterako aintzat hartu. "Egokiak" ez direla esan du Martinezek; halaber, deklarazioaren lehenengo bi puntuek "akordio programatikoa hitzez hitz" barnebiltzen ditu, haren aburuz, eta lauko gobernuko kideak ados jar daitezkeela defendatu du.
Kritiko azaldu dira gainontzekoak. "Geroa Baik mantendu duen jarrera akatsa da, akats politiko argia. Ez zegoen inongo beharrik deklarazio hau onartzeko", esan du Adolfo Araizek (EH Bildu), egoera "zuzentzeko" beharra dagoela defendatzearekin bat.
Albiste hau Euskalerria Irratiak argitaratu du eta CC-by-sa lizentziari esker ekarri dugu ARGIAra
Abiadura handiko trenaren aurkako manifestazioa egingo dute Iruñean larunbat honetan AHT Gelditu plataformak deituta, 12:00etan Diputaziotik abiatuta. Castejon eta Iruñea arteko trenbidearen eraikuntza lanek aurrera jarraitzen dute eta Espainiako Garraio... [+]
AHT Geldituk Nafarroako Abiadura Handiko Trenaren obretan lan esklabotza egoerak daudela salatzen duen lekukotza eskandalagarria jaso ondoren, obra horiek sustatzen dituen Adif sozietateak publikoki erantzun behar izan du: "Gezurra dira".
Nafarroan eraikitzen ari den tren lasterraren langileak esklabotza egoeran ari direla salatu du AHT Gelditu elkarteak Iruñean emandako prentsaurrekoan.
Añana eta Trebiñuko kuadrilletako ordezkariek eta Arabako nekazari eta abeltzainek salatu dute "mespretxu instituzional izugarria" jasaten dutela AHTren lanak direla-eta. Denera bi miloi metro koadrotik gora "lur emankor" desjabetuko dituzte... [+]
Azken asteotan Castejón-Soria trenbidea berreskuratzeko eta Tuterako tren-geltokia gaur egun dagoen tokian mantentzeko edo, Nafarroako Erriberako hiriburuan Abiadura Handiko Trenaren ustezko geralekuak aitzakiatzat hartuta, hirigunetik kanpo beste bat egiteko... [+]
Frantziako Gobernuak Espainiakoari baieztatu dionez, Abiadura Handiko Trena ez da Hego Euskal Herrira iritsiko (Irungo loturara) gutxienez 2042 urtera arte. Ez dago Parisen lehentasunen artean.
Espainiako Garraio Jasangarrirako estatu idazkari José Antonio Santanok adierazi du Eusko Jaurlaritzaren helegite bat onartu dutela Ezkio-Itsasoko konexioari buruz, Aralarri "hainbeste" kalte egingo ez liokeena.
2024ko otsailean Astigarraga-Hernani tartea amaitu zutenean Abiadura Handiko Trena 2027an prest egongo zela aurreikusten zuen Eusko Jaurlaritzak. Orain Arkautiko lotunearen obren lizitazioari ekin dio Jaurlaritzak; Euskal Trenbide Sarea enpresaren esku utzi du, eta 2027an hasiko... [+]
Informaziorik helarazi gabe eta baimen eskaerarik gabe hasi dituzte Abiadura Handiko Trena eraikitzeko asmoz lehenago egin beharrak diren zundaketa lanak Otsobi kontzejuaren lurretan. Stop Zundaketak plataformak jakinarazi du egoera: "Izako Udalari edo Otsobiko kontzejuari... [+]
Lapurdi zeharkatuko lukeen AHT egitasmoa aitzina doala salatu du ingurumenaren alde dabiltzan elkarteen artean osaturiko CADE kolektiboak. Urriaren 12 eta 13rako jarri du hitzordua, Gironda eskualdean Lurraren Altxamenduak sareak antolaturiko protestari sostengua erakutsiz.
Oscar Puente Espainiako Garraio ministroaren esanetan, Nafarroarekin lotura egiteko aukerarik "onargarriena" Gasteizkoa da, Ezkio-Itsasoko ibilbideak "konplexutasun teknikoak" dituelako.
2017an Gaintxurizketan tunela zulatzen hasi zirenetik etengabeak izan dira AHTko obrek Renferen tren zerbitzuan eragindako murrizketak eta kalteak. Orain, Espainiako Garraio Ministerioak iragarri du udaran hainbat astez etenda egongo dela zerbitzu hori Hernani eta Irun artean... [+]