M11ko biktimen bozeramaileak dio bere aurkako mehatxu ultraeskuindarrak ez dituztela ikertzen
M11ko atentatuen biktimen bozeramaile Pilar Manjonek salatu du Espainiako fiskaltzak uko egin izan diola beti bere aurkako mehatxuak ikertzeari. Aste honetan ustez “terrorismoa goratu” duten sare sozialen erabiltzaileen kontra egin den operazioarekin konparatu du bere kasua.
Pilar Manjon 2011ko argazki batean (irudia: EFE).
Mehatxuen kasuan fiskaltzak bi neurri diferente erabiltzen ote dituen galdetuta, baietz erantzun du Manjonek Europa Pressek jaso duenez.
Gainera, bere kasuan, jasan dituen mehatxu eta irainek helburu ideologikoa dutela uste du, “eskuinetik eta eskuin muturretik” datozelako.
CCOO sindikatuko kide izateagatik askotan iraindu dutela nabarmendu du, adibidez.
Besteak beste, PPko gazte erakundeko kideek Twitter bidez iraindu dutela gogora ekarri du Manjonek.