Lindanoz kutsatutako Oiolako urtegian europarlamentarioak bisitan
Oiolako Urtegiaren Deskonexioaren Aldeko Plataformako kideek ondo ezagun dute Europako Legebiltzarrera joateko bidea. Orain, berriz, hango diputatu biri egokitu zaie Barakaldora bisita egitea: EH Bilduko Josu Juaristi eta Izquierda Unidako Marina Albiol. Biek ala biek gertutik ezagutu dute Oiola.
Ekologistak Martxan taldeak lindanozko kutsaduraren aurka sustatutako kanpainaren barruan dago ekimena. Elkarteak lortu izan du Europako legebiltzarkide batzuek interesa agertzea Espainiako Estatuan pestizida horrek kutsadura gehien eragin duen hainbat gunetako egoera dela eta. Batik bat Barakaldo, Borobia (Gaztela-Leon) eta Sabiñanigo (Aragoi). Lehen bietan izan dira europarlamentarioen bisitaldiak. Euskal Herriaren kasuan Eguzki elkarteak ere hartu du parte antolakuntzan.
Barakaldo eta Sestaoko milaka herritarrek hartzen dute ura Oiolatik, nahiz eta azkenaldian hornikuntza etenda egon. Hala ere, neurria behin-behinekoa da. Deskonexioaren Aldeko Plataformak eskatzen du etena behin betikoa izan dadila kutsadurarik ez dela egongo erabat ziurtatu arte.
Gaur egun ezagun da Angela errekastotik iristen dela lindanoa urtegira, baina oraindik ez da aurkitu kutsatzailearen jatorrizko iturburua.
Deskonexioaren Aldeko Plataformak erabateko etena eskatzen du iturburu hori atzeman eta ziurtatu arte Oiolan ez dela lindanorik sartuko. Haien esanetan, ez dago substantzia horren dosi segururik –legediak segurutzat jo arren kontzentrazio batzuetatik behera–, behin irentsita gorputzean metatu egiten baita.
Gainera, Oiolako ura ez erabiltzeak ez du hornidura arazorik eragiten, azken urteetan egindako behin-behineko etenaldietan agerian geratu denez.
Bertoko erakundeek eskaria aintzat hartu ez eta Europarako bidea hartu zuten Oiola deskonektatzearen aldekoek; auzia Europako Parlamentuko Eskaera Batzordean aztertu da, eta bertako kide diren zein beste hainbat legebiltzarkideren arreta piztu du. Ekologistak Martxanek eskatu die lan egin dezatela 2016an europarlamentari eta funtzionarioen bisita ofizial bat antola dadin eta kutsadura ezabatzeko diru-funtsak martxa jar daitezen.
-Oiolako urtegiari buruzko bideoa: "Uraren kutsadura Ezkerraldean, konpondu gabeko arazoa"
-Oiolari buruzko artikuluak ARGIAn: http://www.argia.eus/oiolako-urtegia
Ekologistak Martxan taldeko ordezkariak Eusko Legebiltzarreko Ingurumen Batzordean izan dira, EH Bilduen eskariz, Espainiako Estatuan lindanoak eragindako kalteei buruzko txostena aurkezten. Europako Legebiltzarrean egindako azken bisitan talde politiko guztiek arazoari... [+]
Lindanoak Espainiako Estatuan eragindako kutsadurari buruzko txostena argitaratu du Ekologistak Martxanek, Pozoitze iraunkor eta isil baten kronika izenburupean. Taldeko bozeramaile Javier Vázquez Velascok Barakaldon aurkeztu duen txostenean azken mendean fabrikatutako... [+]
Europako Batzordeak finantzaketa lortuko luke Trapagareneko Oiolako urtegiaren arazoa konpontzeko, eskumena daukaten erakundeek behar bezalako proiektua aurkeztuz gero. Hala jakinarazi die Daniel Calleja Batzordeko Ingurumen zuzendariak Oiolako Urtegiaren Deskonexioaren... [+]
Ekozinemaldiak hamargarren edizioa du 2016an. Ekologia sozialari buruzko dokumentalak eta film luze eta laburrak eskaintzen ditu Ekologistak Martxanek antolatutako ekimenak; aurten energi eredua, klima aldaketa eta energi trantsizioa izango ditu ardatz nagusi.
Joan den azaroan Marina Albiol (Izquierda Unida) eta Josu Juaristi (EH Bildu) europarlamentarioen bisita jaso eta gero, Oiolako Urtegiaren Deskonexioaren Aldeko Plataformako zenbait kide Europako Parlamentuan izango dira martxoaren 14 eta 15ean, bertako Eskaera Batzordean... [+]
Ingurumen Batzordeak onartutako legez besteko proposamenaren arabera, Eusko Legebiltzarrak zuhurtzia printzipioa aplikatzeko eta Oiolako urtegiko urik erabiltzen ez dela bermatzeko galdatuko dio Barakaldoko Udalari, kontsumorako egokia dela guztiz frogatu bitartean. Txosten... [+]
Oiolako urtegiak lindanoz kutsatuta jarraitzen duela salatu du urtegiaren deskonexioaren aldeko plataformak.
Urriaren 15ean eta 16an izan dira Oiolako Urtegia Deskonektatzearen Aldeko Plataformako kideak Europako Parlamentuan. Parlamentuko Eskaeren Batzordeko idazkari nagusiak adierazi du Barakaldoko udalak bost ingurumen-arau urratzen dituela urtegiaren kudeaketan.
20 pertsona inguru joan dira Bruselara Oiolako urtegiaren egoera aztertu eta neurriak hartu daitezen eskatzera.
Joan den ostegunean Oiolako urtegia Barakaldoko ur-hornikuntzatik deskonektatu zuten. Hori egiten duten bosgarren aldia da, nahiz eta Udalak lindano kutsadura dagoenik ukatu. Alkatetzan dagoen PSEk prentsako iragarki batean argudiatu duenez, “urtegiko ur-maila... [+]
Oiolako Urtegia Deskonektatzearen Aldeko Plataforma EAEko legebiltzarrean izan da asteartean. Plataformako bi kidek parlamentuan hitza hartu eta gainontzekoak elkarretaratzea egin dute kanpoan. Lindano fokua desagertu arte, Barakaldo, Sestao eta Alonsotegiko etxeetara Oiolako... [+]
Oiolako urtegia ur hornikuntza sarera birkonektatu zuteneko urteurrena bete zen asteartean. Sestao eta Barakaldoko milaka bizilagunek lindanoz kutsatutako ura kontsumitzen dute ordutik.
Oiolako Urtegia Deskonektatzeko Plataformak jaso du Europako Batzordeko bizi, ur eta airearen kalitateaz arduratzen den zuzendaritzaren erantzuna: gaia ikertuko dutela adierazi dute.
Bertoko erakunde publikoek jaramonik egiten ez dutela-eta, Bruselaraino joan da asteon Oiolako Urtegia Deskonektatzearen Aldeko Plataforma, bere izenean adierazita dagoen aldarrikapena berretsi eta haren arrazoiak azaltzera. Atzo, martxoak 19, agerraldia egin zuten Europako... [+]