Leioako campusean gailu su-eragile batekin egindako erasoa gaitzetsi du EHUk
Euskal Herriko Unibertsitateak agiri baten bitartez azaldu duenez, ezezagun batzuek eraso egin diote Gizarte eta Komunikazioa Zientzien Fakultateko dekanotzari, Leioako campusean. Ondorioz, langile bat artatu behar izan dute. Unibertsitateak gogor gaitzetsi du erasoa eta elkarretaratzera deitu du biharko, martxoak 15, fakultate ondoko Mikel Laboa plazan.
Agiriak dioenez, goizeko 10:00ak aldera aurpegiak estalita zeuzkan pertsona talde pintadak egiten hasi da Gizarte eta Komunikazio Zientzien Fakultateko barru nahiz kanpoko aldean, hala nola campuseko beste zenbait lekutan. Ondoren, 13:15ean, fakultateko dekanotzan sartu eta gailu su-eragilea bota dute. Gailuaren eztandaren ondorioz, langile batek kaltea izan du tinpanoan, eta zerbitzu medikuek artatu behar izan dute. Dekanotza hustu eta langileak kanpora atera dituzte, segurtasunagatik.
EHUk gertakariak gaitzetsi du. “Inork ez dauka unibertsitate bizitza bortizkeriaz asaldatzeko eskubiderik; are gutxiago ondare publikoak hondatzeko, eta are gutxiago ere langileen segurtasun fisikoa arriskuan jartzeko”, adierazi dute. Unibertsitateko arduradunek erasoaren aurkako elkarretaratzera deitu dute bihar, martxoak 15, campus barruko Mikel Laboa plazan, 13:00etatik aurrera.
Lan kategoria altuenetan %22 dira emakume katedradunak gaur egun, eta soldata arrakala %7koa da. Berdintasunerako IV. Plana aurkeztu dute, eta Eva Ferreiro errektoreak adierazi du EHU “erreferentea” dela genero politiketan.
EAEko ikasleen erdiak baino gehiagok eskola partikularrak jasotzen dituela eta jatorri migratzaileko ikasleak gehien segregatzen dituen Espainiako Estatuko bigarren erkidegoa EAE dela ere adierazi du Esade EcPol erakundeko Lucas Gortazarrek, EHUren udako ikastaroetan.
Hainbat lagun elkartu da ekainaren 19ko goizean EHUko Gipuzkoako errektoreordetzaren egoitzan, Ibaetan EHUk CAFekin dituen harremanak eten ditzala eskatzeko. Gipuzkoako campuseko errektoreorde Agustin Erkizia Olaizolak adierazi die EHUk ez duela akordio berririk sinatuko... [+]
Duela ia urte eta erdi, Ahoztar Zelaieta kazetariak Satlantis enpresaren aurpegi ezezagunena ekarri zuen argitara. Azkenaldian berrikuntza teknologikoaren alorrean sortzen ari diren euskal enpresen izar gisa aurkezten zaigu Satlantis; baina El Salto-k argitaratutako La empresa... [+]
IMQ osasun enpresa pribatuak “baldintza ekonomiko esklusiboak” eskaintzen dizkie unibertsitate publikoko milaka langileri eta beren familiei, %15eko beherapenarekin “gutxienez”. Urteak dira unibertsitate publikoak osasun aseguru pribatuen eskaintza... [+]
Ahoztar Zelaietaren ikerketa batek argitu du EHUk lotura duela palestinarren etxeak botatzeko erabiltzen diren ‘bulldozerrak’ garatu dituen institutuarekin. Unibertsitate publikoak apirila bukaeran esan zuen harremanak etengo zituela Palestinako sarraskia espreski... [+]
EHUko Gobernu Kontseiluak adierazpena onartu du, Palestinaren alde eta Gazako sarraskiaren aurrean. Hainbat konpromiso hartu ditu, besteak beste, boluntariotza programa bat martxan jartzea, errefuxiatuen arreta zabaltzea eta giza eskubideen inguruko gogoeta sustatzea. Harreman... [+]
EHUk Tel Aviv-eko unibertsitatearekin etorkizuneko lankidetzarako bideak ahalbidetzen dituen zibersegurtasuneko katedra bat sortu izanaren harira, bertako langileok interpelatuak izan gara hainbat lekutatik, eta esan beharra dut neurri handi batean lotsatuta sentitu naizela,... [+]
Azken lau hamarkadetan itsasoaren gainazalaren tenperatura-igoerak makroalgen komunitateetan izan duen eragina aztertu du EHUko ikerketa-talde batek. Bizkaiko kostaldeko eremu batean sakonera-puntu desberdinak ikertu dituzte eta ikusi dute egituratzaileak diren afinitate hotzeko... [+]