argia.eus
INPRIMATU
Legebiltzarrak Epsilon ikertzeko eskatu dio Kontuen Euskal Epaitegiari

  • EAJ izan ezik Eusko Legebiltzarreko talde guztiek babestu zuten Epsilonen finantzazioarekin gertatutakoa ikertzeko PPk egindako proposamena.

ARGIA @argia 2013ko otsailaren 15
Epsilon Euskadi taldearen pabilioia.

2003tik 2012ra bitartean auto-lasterketen talde horri emandako 50 milioi euro inguruko diru-laguntzak ikertuko ditu epaitegiak.

Epsilon Euskadi taldea 2002. urtean sortu zen eta diru publikoaren bidez finantzatu zen. Helburua Bat Formulako talde bihurtzea zen, baina operazioak huts egin zuen galera ekonomiko handiak eraginez.

EAJk proposamenaren kontra bozkatzeko argudiatu du Epsilonen porrota testuinguru zabalagoan ulertu behar dela, EAEko industriaren balantze orokorraren barruan.