Lau zutabek bat egingo dute Donostiako greba feministaren mobilizazio nagusian
Donostiako Mugimendu Feministak martxoaren 8ko greba feministan antolatutakoaren berri eman du ostiralean, Donostiako Emakumeen Etxean egindako prentsaurrekoan. Emakumeok* planto grebaren antolakuntzako kideek dei egin diete emakume guztiei “beren mina eta amorrua, lanak, eskaerak eta gorputzak ikusarazi”, eta muga guztiak gaindituko dituen greba feministarekin bat egin dezaten.
Grebara ateratzeko “motiborik” ez dela falta esan dute: “Eredu ekonomiko kapitalista eta neoliberal honek zapaldu egiten gaitu, kultura patriarkal honek baztertu eta objektu estereotipatu bilakatzen gaitu, gizonezkoek emakumeok gutxietsi, jipoitu, eta erailtzen gaituzte”.
Horregatik guztiagatik, eskatu dute emakumeek grebarekin bat egin dezaten, modu batera edo bestera: mobilizazioetan parte hartuz, zaintza eta ugalketa lanak ez egiten, besoko morea janzten edota balkoietan amantalak eskegiz. Bestalde, egun horretan ez kontsumitzeko deia egin dute, bereziki “enpresa eta merkataritza gune handietan”.
Martxoaren 8ko arratsaldeko mobilizazioan, lau zutabe aterako dira, bakoitza hiriko leku batetik: lan, ikasketa, zaintza eta kontsumo zutabeek Boulevard-en egingo dute bat, eta ekitaldi nagusia egingo da bertan.
Asteburu honetako ekintzak
Martxoaren 8aren aurreko beroketari jarraipena eman nahi dio mugimendu feministak, eta astebururako ekintzak antolatu ditu:
Larunbatean, martxoaren 3an, "Kaleak eta grebak gureak dira. Emakume* langileen borrokei buruzko irakurketa ibiltaria" egingo da, 12:00etan San Martin merkatutik abiatuta. Irakurketa eta performance-ak egingo dira Donostiako kaleetan zehar.
Igandean, Lilatoian, korrikalari zein ikusleei grebaz informatzeko argibideak eman eta bat egiteko dei egingo diete.
Martxoaren 8ko ekintzen egitaraua
- 11:00etan bizikletada desobedientea Amara Berriko Arcco merkatalgunetik Boulevardera.
- 11:45ean Etxeko langileen elkarretaratzea, Udaletxe aurrean.
- 12:00etan sentada Boulevardean
- 12:30ean, performance-a Plaza Berrian (Konstituzio Plazan).
- 14:00etan Tuperfest etxetik ekarritako bazkaria Gipuzkoa Plazan, kontsumo grebaren harira.
- 17:00etan Ginkana zirikatzailea, Gipuzkoa Plazatik
- Arratsaldean, manifestazioa, zutabetan:
Ikasleen zutabea: Ibaetatik, 19:15ean.
Soldatapeko lanen zutabea: Egiako Justizia Jauregitik, 19:30ean.
Zaintza lanen zutabea: Groseko Anbulategitik, 19:30ean.
Kontsumo zutabea: San Martin merkatalgunetik, 19:35ean.
Zutabe bakoitzak hura ezaugarritzen duten zenbait elementu eta ikur eramango ditu. Eta guztiek bat egingo dute ibilbidean, eta amaieran, Boulevardean.
- 20:00etan, ekitaldi nagusia Boulevardean.
- 00:00 Greba amaierako festa: "Ezin badugu dantzatu hau ez da gure greba Guardetxean".
Eta gizonezkoek zer?
Gizonek badutela zeregina esan du mugimendu feministak: zaintza lanez arduratu, lankide emakumezkoen greba eskubidea babestu eta enpresa handietan kontsumoa mugatu, besteak beste. Arratsaldeko mobilizazioetan ere parte hartu ahal izango dute, baina “lehen lerroan egon gabe” eta “emakumeak zuzendu gabe”.
Frantziako Estatu mailan bideraturiko greba feministari lotu dira Ipar Euskal Herriko sindikatuak eta talde feministak ere. Soldatapeko lanean, zaintzan eta kontsumoan bideratu dute greba.
Hilabeteren buruan feministok emakume* langileon egunean kaleak hartzera aterako gara. Urteroko zita dugu, urtez urte gogoz antolatu eta prestatu duguna. Pasa den astean atzera begirada arin bat egin genuen Portugaleteko asanbladan, 2018ko eta 2019ko greba feministak... [+]
Guardia Zibilak informazio faltsuak eta adierazpen manipulatuak sartu zituen M8ko manifestazioari buruzko txostenean, Espainiako Gobernuari pandemiaren hedapenaren errua leporatzeko, manifestazioa baimendu izanagatik. Txosten horrek ekarri du Moncloak Madrilgo erkidegoan duen... [+]
"Oso azkar goaz", "baina helduta goaz" esan zion emakume batek beste bati Gasteizko Olagibel kalean, justuki Ertzaintzaren komisaldegiaren parean. Eguerdiko 12:30ak ziren gutxi gorabehera. Aldi berean, toki berean, "Gora borroka feminista!" oihuak... [+]
Dani Blanco ARGIAko argazkilariak igandez Donostian ateratako argazki sorta duzue ondoren.
Azken urteetan mobilizaziorako gaitasunari dagokionez nabarmendu den mugimendurik bada, feminista da horietako bat. Bi urtez segidan, greba tresnatzat, martxoaren 8 arrakastatsuak burutu ditu; kapitalaren logikari bizitzarena gainjartzea exijitzeko, milaka emakumek lan orori... [+]
Martxoaren 8an Leitzaldean egin zen greba feministan parte hartu zuten bi lagunek 600na euroko isuna jaso dute. «Mobilizazio egunari hasiera emateko gauerdian egin zen kazeroladan herria aztoratu, errepideko ibilgailuak oztopatu eta ondorioz bai gidarien baita beraien... [+]
2018ko otsailaren 2an kazkabarra gogor jotzen ari zen Donostiako kaleetan. Euskal Herriko Mugimendu Feministak martxoaren 8ko greba feministaren deialdia egiteko agerraldi publikoa abian. Garai bateko Tabakalerako zigarrogileen borrokari aitortza zen hura: dozenaka emakumek*,... [+]
Ekonomia ikastean ez dut inoiz greba kontzeptua ikusi, nahiz eta hauen arteko lotura erabat zuzena izan. Arrazoia agerikoa da: botere ekonomikoak definitzen du zer den ekonomia. Emakumeek egindako grebatan ikusezintasuna bikoitza da, analisia gizonen eta kapitalaren... [+]
Ikusi dugu lehenago. Ekologismoa da adibide paradigmatikoa. Halaber, pink washing-a edo gaypitalismoa. Merkatuak gure borrokak irentsi, digeritu eta gorotz moduan produktu kapitalista bat iraizten digu, salmentarako prest, sistemari funtzionala egiten zaiona.
Hedabideek... [+]
2018ko Martxoak 8ak aurreikuspenak hautsi zituen. Aurtengo greba feministan ere, txiki geratu dira egindako kalkuluak. Begi-bistakoa izan da. Hiriburuetan zer gertatuko geunden, eta horietako indar erakustaldiek iazkoa gainditu badute, aurtengo sorpresa auzoetakoa eta... [+]
Bi greba feminista bizi izan ditut. Bi baino ez dira izan, baina dagoeneko urrun geratzen zaizkit bestelako martxoaren 8ak, “zorionak” ematen zizkigutenak, lore edo bonboi forma zutenak, etxeko zaintzailerik onena izaten jarraitzera gonbidatzen zintuztenak. Ez dago... [+]